Lawana Nani 59
59
LAWANA 59 (58)
Dawan ba yawan wan kaina kakahbra sa
Aiwani nani tâ bri ba wina, “Sauhki tikpara”. Debit mita, mayuni aisin, Saúl mita adar yan Debit ba ikaia watla ba aihwaki kaiki win ba piua ra.#1 Sa 19.11.
1Gâdki, waihli nani ba wina dakbi ai sâks;
baha nani maipara bûi nani ba wina swaki ai sâks.
2Saura dadaukra nani ba wina dakbi ai sâks,
swaki ai sâks upla âikra nani ba wina;
3kan upla karna nani ba bâra sa,
bîli kaikisa, witin nani ai ikaia.
4Dawan, yang mampara buras,
baku sin saurka lâka daukras kapri;
bara sin yang saura daukras,
ban sakuna maipara aiklabi ai ikaisa.
¡Rawi bus! Yang ra bal ai kaiks.
5Dawan, man,
Gâd karnika sut pali brisma ba, Israel Gâdka,
rawi bus bara klala yas,
baha lukras nani Gâdka ba;
umpira kaikpara,
watawi dadaukra upla âikra nani ba.
6Witin nani ba kli tihmia ra tawi bal,
tawan aiska kir wapi,
waki taukisa yul baku.
7Ai bîla wina ukata baman sakisa,
wan aisi ba wan insauhkisa:
“¡Baha sika upla kumi sin wan walan daukras!”
8Sakuna, Dawan, man bui witin nani ra kaiki kikisma;#Law 2.4.
man mita baha idanka nani ba lawaska kikisma.
9Gâdki, man ra yukuwaiki mai brimna,
bamna man sika yang karniki bara yukuwaiki sma.
10Baha Gâdka latwan ai kaiki aula,
yang wal prawaia;
yang waihli nani ra pura luan tânka ba ai marikbia.
11Man bui witin nani ra kupiam swapni bripara,
upliki nani ba ban kabia dukiara;
yakabrira dauks, man karnikam ba wal,
bara yas man ra bawbia.
¡Dawan ba sika wan kan kahbaika ba!
12Witin nani dîa aisin ba sut saurka lâka aisisa;
ai prautka lâka ba mita bahara kauhisa,
bara sin kunin swer taki ba mita sin.
13Âpu dauks, âpu dauks man lawankam ba ni,
ban swirka bâra kabiara,
bara kaikbia man ba Gâd Jekob ra king sma,
bara tasba tnata lâs ba kat.
14Bara kli tihmia aula ba ra,
yul waki baku taukisa
tawan kir ba wataukisa plun plikisa,
15yul swi ba baku, plun sakras ba ra.
16Bara yang lika titan ra,
man ra lawana aiwani kamna
yang lika lamtwanka lâka,
bara karnikam ba wal
karna wini upla ra wimna.
Kan man sika yang kaini kahbaika
bara yukuwaiki trabil brisna ba piua ra.
17Gâdki, yang bui man ra lawana aiwani mamyunamni,
kan man sika yang hilpki bara yukuwaiki;
¡Dawan, man sika yang ra latwan ai kaikisma ba!
Currently Selected:
Lawana Nani 59: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
