Lawana Nani 58
58
LAWANA 58 (57)
Lâ kasak ba makabaia pura sunra
Aiwani nani tâ bri ba wina, “Sauhki tikpara”. Debit Gâd mayuni aisisa.
1Man nani karnakira nani sma ba,
¿rait pali lâ nani ba kasak pali daukisma ki,
bara kasak kat upla nani lâka ba daukisma ki?
2Kau ni, lukanka saura wal diara dauki banhwisma;
kuntri ra unsaban lâka ni bukisma.
3Upla watawikira nani ba,
ai yapti biara ra ba wina saura daukisa,
kuninkira nani ba,
kau ai yapti biara wina aisubi takras ba ra,
yabal wina aimawahkisa.
4Piuta baku puisinkira sa,
piuta puisinkira nani upla iki ba baku sa,
witin sin sturi walras, ai kiama ba prakisa
5sinskira nani miusikka walaia apia wisi,
âuya mâira nani ba mita yabaki ba.
6Gâdki, ¡baha uplika nani napa ba kriks!
Dawan, ¡man baha layanka napa tarkika nani ba kriki tiks!
7Baku mika, witin nani ba lî iswi tiwi baku tiwbia,
yabal ra twi nani upla mina ra taibi lui ba baku lâwbia.
8Kip ai watla bilara ai bîla laya saki,
aisawi tiwi ba baku aisawbia,
tuktan nani ai piua kau kan,
prui taki ba wan yu ingnika kaikras ba baku kabia.
9Kiaya dusa nani aswi lap tiwi ba baku kabia,
bara ai lawanka karna ba wal,
twi kura sangni daiki saki baku daikbia.
10Ani uplika nani kasak ba,
pana munan ba dukiara ai lilia bribia,
baku sin watawikira nani ba,
tâlia ra ai mina nani ba buskbia.
11Bâra mika wibia:
“¡Aitani pali sa, upla ba kasak kaia ba!
¡Dawan kum bâra sa, tasba aiska ba lâka daukisa!”
Currently Selected:
Lawana Nani 58: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
