Lawana Nani 57
57
LAWANA 57 (56)
Dawan ra hilp makabaia, wan waihla nani pura luaia pura sunra
Aiwani nani tâ bri wina. Debit Gâd mayuni aisisa “Sauhki tikpara”, witin Saúl wina plapi walpa dimi kan ba ra.#1 Sa 22.1; 24.3-7.
(Lawana 108.1-5)
1Gâdki, kupiam swapni ai kaiks,
swapni ai kaiks;
yang lika man ra yukuwaiki plikisna,
tnamwa mununhtara dimi yukuwamna
pât ba lubia kat.
2Gâd Laih Purara iwi ba ra winaisna
baha Gâdka diara sut ra hilp ai muni ba.
3Witin mita, kasbrika pura ba wina ai latwanka lâka,
bara ai kasakka lâka ba blîkbia.
Bara swaki ai sâkbia
rau ai sauhkaia nini bliki banhwi nani ba wina.
4Tasba ra kauhi prawisna,
layan nani upla pi ba tilara
ai napa nani ba lika langsa bara trisba
tatwika baku sa,
ai twisa ba lika sord malika kum baku sa.
5Gâdki, man sika kasbrika purara ba wina kau purara sma.
¡Man pramna ba tasba aiska ba banhki takan!#Law 8.1.
6Waihli nani ba, mini pruki kauhaika kum mangkan sa,
lukanki ba kli ai nina ra tawbia wisi
yabalki ra sin unta kum daukan
sakuna witin nani tawi bahara kauhan.
7Yang kupi ba ridi sa, Gâdki,
yang kupi ba ridi sa, lawana aiwani maikaia.
8Sulki, yapisma ba wina rawi bus,
rawi bus, arp binka bara arp tara binka dauki;
rawi buamni yua raya ra.
9Dawan, yang lawana nani ba wal man ra mamyunamna,
upla nani tilara bara nisan nani ba tilara sin
10Kan man lamtwanka lâka ba tara sa,
kasbrika pura ba kat uli wan sa;
man lâmka ba kasbrika sangni ba kat alkisa.#Law 36.5.
11Gâdki, man sika kasbrika purara ba wina kau purara sma.
¡Man pramna ba tasba aiska ba banhki takan!
Currently Selected:
Lawana Nani 57: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
