Lawana Nani 56
56
LAWANA 56 (55)
Kupi aiska Gâd ra kasak lukisna, aisi bîla ba mayunisna
Aiwani nani tâ bri ba wina, “Laih pali wina gâdka nani butkuka nani”. Debit Gâd mayuni aisisa, filisteo nani witin ra alkaia Gat ra nani ba ra.#1 Sa 21.13-15.
1Gâdki, kupiam swapni ai kaiks,
kan yang nini bliki uplika ba bâra sa;
awar bani maipara aiklabi bara ai taibi ai munisa.
2Maipara bûi banhwi ba awar bani nini blikisa,
rau ai sauhkaia, praut lâka ni maipara bûi nani ba ailal sa.
3Sibrin ai dauki ba ra man ra
yang kasak lukisni.
4Gâd ra kasak lukisna
bara ai aisanki ba mayunisna;
Gâd ra kasak lukisna bara sibrin ai daukras.
¿Upla ba yang ra dîa ai munbia?#Law 118.6; Hib 13.6.
5Awar bani ai aisinka ba mita ai klakisa,
latwan aikaia baman lukisa.
6Witin nani ba nahara,
bukra yukuwi taukisa;
anira taukisna ba nini bliki
ai alki ai ikaia plikisa.
7¿Ban kra witin nani lukisa,
ai watawanka ba wina swak takbia?
Man, Gâd, lawankam wal uplika nani ba swira daukma.
8Man bui yang ra ai munan, plapi baman taukisna ba
sut kulki brisma,
baku sin naikra laya nani ba sut ulbi brisma.
¿Man baha nani ba wauhtaya ra ulbras katma ki?
9Ani yua yang bui man ra hilp makabisna ba ra,
waihli nani ba mahka yang wina taki auya
yang kasak kaikisna Gâd ba yang wal sa.
10Gâd ra kasak lukisna
bara witin ai bîla aisanka ba mamyunisna;
Dawan ra kasak lukisna
bara yang mamyunisna.
11Gâd ra kasak lukisna
bara sibrin ai daukras.
¿Upla yang ra dîa ai munbia?
12Pramis nani, Gâd, man ra daukri ba,
aiska man ra mamyuni daukamni.
13Kan man prura ba wina swaki ai sakram bamna,
kan kauhaia kapri ba wina ai bukram,
baku mika yang ba raya kaia ba tilara tauki kaia, Dawan mawanra.
Currently Selected:
Lawana Nani 56: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
