Lawana Nani 52
52
LAWANA 52 (51)
Upla saura aimayunra ba bahki sa
Aiwani nani tâ bri ba wina. Debit naha smalkan, Doeg Edom wina ba Saúl ra wiaia wan Debit, Ahimélec watla ra kan ba ra.#Sam 21.7; 22.9-10.
1Karnakira nani sma ba,
¿dîa kan man nani
watawi daukisma ba dukiara aimayunisma?
¡Dawan latwanka lâka ba lika,
ban kaia ra ban bâra sa!
2Man twisam, saura daukaia dukiara baman aisisa;
man twisam ba, upla âikra pali sa,
sin skiru malika ba baku.
3Man saura ba kanra lihkisma, yamni ba baku apia;
kunin bîla sin lihkisma, kasakka lâka aisaia ba baku apia.
4Twisa kuninkira, aisaia ba kau brinkam sa,
baha ni upla ra sauhki tiki ba;
5ban sakuna, Dawan ba pana man ra
mai sauhki tikbia ban kaia ra;
man wamtla ba wina mai brih latara mai sâkbia;
bara rayakam ba sin sakan kabia.
6Dawan ra bîla wali nani ba,
naha kaikbia bara sibrin daukbia;
sakuna lawaska kiki wibia, baha uplika ba dukiara naku aisi:
7“Man nani kaiks baha nani Dawan ra
ai yukuwaika plikras nani ba;
baha nani ai dukia kukan tara bri ba ra
baman ai tâ baikisa,
bara watawi lâka ra bawi banhwi ba.”
8Ban sakuna, yang na lika oliv wahia sangni ba baku,
Gâd watla ra sna;
¡yang ban witin ai latwanka ra kasak luki tniwi kamni!
9Dawan, yang piua sut man ra tingki mai wi kamni,
man dîa yang maita daukram ba dukiara;
bara ban bîlam kaiki kamni,
lalukrikram nani ba mawanra,
kan man ba yamnikira sma bamna.
Currently Selected:
Lawana Nani 52: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
