Lawana Nani 51
51
LAWANA 51 (50)
Dawan, man kupiam lukra yang ra swapni bris#Sam 12.1-15.
Aiwani nani tâ brih ba wina. Debit lawana, Natán prapit ba mita lawi daukan, witin Beerseba wal marit lâka sauhkata ba ningkara.
1Dawan, man lamtwanka lâka ba mita
kupiam lukra swapnika ba mairiks;
kupiam latwanka tara ba mita,
pâtki ba diki sâks.
2¡Watawiki ba wina sikbi ai sâks!
¡Saurki ba wina sin sikbi ai sâks!
Kupiam swapnika lâka tara ni.
3Yang daihra walisna mampara buri ba;
saura daukri ba lukanki wina diwi takras sa.
4Man mampara sika yang saura daukri ba,
Dawan, man mampara baman
saura daukisna ba, man mapara sma ba.#Law 32.5.
Baha mita man lâmka daukisma ba kasak sa;
upla kumi sin âpu sa, baha mapara buaia.#Ro 3.4.
5Yang kasak daihra walisni, saurakira sna ba,
aisubi takri ba wina.
Saurakira sna, yaptiki biara ra kapri ba wina.
6Man upla kupia kunin luha ra
latwan kaikisma ba, kasak sa,
bara kupi mununhta kat, sins lâka aikram.
7Inta wahia kîa pain ba ni,
tâskiki sut ba wina sunu ai sâks;#Imp St 12.22; Lib 14.51; Isi 36.25; Hib 9.13-14,19.
sikbi ai sâks,
bara wahmuk pinhka baku kau pihni takamna.#Ais 1.18.
8Âuyapah bara lilia lâka wal ai banhs;
kli lilia lâka ra kupi ba raya dauks,
kan kupi ba krikram sa.
9Saurki nani ba, namkra wina laihura sâks,
bara watawanki nani sut ba wina sin diki ai sâks.
10Gâd, ¡yang ra kupi lukanka tâski âpu ba aik!
¡Bara spirit raya kum kasak ba sin aik!#Isi 11.19; 36.26; 2 Ko 5.17.
11Man mamwan wina ai lulkpara;
Spiritkam Holikira ba sin,
yang wina sâkpara.
12Aikrika kli âiyapah takamni swaki ai sakram liliaka ra;
spiritkam kunin âpu ba ni ai alki bas,
13baku mika, yang bui mampara nani ra
yabalkam ba smalkamni;
bara saura dadaukra nani sut ba kli man ra tawi wabia.
14Upla ikaia lâka ba wina pri ai sâks,
Gâd, swaki ai sasakra Gâdka sma ba.
Bara maisa pakamni upla nani ra lawana aiwani kira,
man kasak sma ba tânka.
15Dawan, yang uni nani ba ilingks;
bara uni nani wal mamyunra lawana nani aiwanamna.
16Man prisant nani brin mai daukras;
daiwan wîna aiska ba sin apia;#Law 40.6; 50.8-14.
maikamna kra, sakuna baha man yamni kaikras sma.
17Wan spiritka kriwan ba sika, Gâd ra prisant yaia;
Gâd, man upla ba ai kupia wirha bawikira mai pliki ba,
man sip lulki swima apia.#Law 34.18.
18Saion ra yamni muns, kupiam aiska ba kira;
Jerusalem kutbanka nani ba kli paskaia.
19Bâra mika sakripais maiki ba brima,
daiwan nani, prisant nani aiska angki maiki
ba sut sin brima.
Bâra mika altarkam purara bîp wainhka nani yaban kabia.
Currently Selected:
Lawana Nani 51: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
