Lawana Nani 53
53
LAWANA 53 (52)
Upla taniska lâka
Aiwani nani tâ bri ba wina, siknis ba pura sunra. Naha Debit smalkan.
(Lawana 14)
1Sinskas nani ba lukisa, Dawan âpu:
witin nani ba sut tanis baman tiwan sa,
diara watawi baman daukisa,
upla kumi sin âpu sa
diara yamni dauki ba.#Law 10.4,11; 73.11.
2Laih kasbrika pura pali ba wina,
upla nani tasba ra ba kaikisa,
ban kra upla kumi pan diara tânka kaikaia brisa sapa,
upla kum pan Gâd ra pliki ba bâra sa sapa.
3Ban sakuna, sut lika Gâd yabalka kat wapras;
sut ba wala wal baku, yabal tnayak baman wapan.
¡Upla yamni dauki ba âpu sa!
¡Apia, kumi sin âpu, sut saura takan!#Ro 3.10-12.
4Saura dadaukra nani dîa dauki ba,
ai tânka briras sa,
upliki nani ra pi banhwisa,
plun kan pi ba baku;
witin nani sin, Dawan nina mâki winras sa.
5Bahara witin nani ba,
sibri tatatwaia dukia lika âpu sa,
sakuna witin nani ba, sibrin ba mita mahka;
tatatwaia sa, kan Gâd mita witin waihla nani
dusa ba yakaban sa bamna.
Ai swira taki banhbia,
kan Gâd mita witin ra lulki swibia bamna.
6¡Saion ilka ba wina,
Israel swaki sakanka lâka ba balaia pan si!
Dawan bui ai tawanka lukanka ba lakaia lukbia ba ra,
Jekob kiamka nani ba lilia takbia,
Israel uplika aiska ba sin.
Currently Selected:
Lawana Nani 53: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
