Lawana Nani 49
49
LAWANA 49 (48)
Lalah ba diara sut apia
Aiwani nani tâ bri ba wina, Coré lupia waitna nani lawana.
1Pain wals naha na,
upla nani sut, tasba aiska ra iwi banhwisma ba;
2upla umpira nani bara yuyakira nani ba,
karnakira nani bara bawikira nani ba sin.
3Sins lâka bîla nani aisaisna;
bara lukanki kau tihu ra ba aisamna;
4upla aisinka nani ba, aman walamna,
baku bamna arp kangbi tâinka yukuwan ra ba aisamni.
5¿Dîa kan sibrin ai daukaia sa,
piua saura nani ai alkbia ba ra,
yang waihli nani saurka tâwan
kutbi ai bribia kra?
6Witin nani lika, ai dukia kukan nani ba ra man lukisa;
witin nani ai yuyaka brisa wisi,
bahara baman tniwisa.
7Sakuna upla kumi sin sip yakan
ai wîna swaki sakras,
purkara sin Gâd ra lalah ni
aibapka swaki sâkbia apia.
8Lalah âpu sa, upla kum rayaka mana aibapi sip
swaki sakaia;
9baku mika ban raya kaia,
bara prura mihta wina pri sâkbia.
10Kan yawan kaikisa upla sut ba pruaia sa,
sinskira nani bara sinskas nani ba sin pruisa;
bara ai yuyaka ba upla wala nani brisa.
11Ai nina ba ni ai tasbaya nani
nina ba mâkan sakuna,
raiti ba ai watla bâra ban kabia;
bahara ban kaia ra bâra kabia.
12Upla ba, ban kaia ra raya kabia apia,
yuyakira pali kabia kra;
daiwan nani ba pruisa, baku upla sin pruisa.#Smas 3.19.
13Baku prui tiwbia,
ai wîna kat luki uplika nani ba;
baku sin âpu takbia,
upla nani aimayuni nani ba.
14Witin nani sîp daknika baku,
pruan nani tasbaya
mihta ra mangkan sa,
raiti kat brih auya, sîp nani kan baku.
Yapi lalawbia ningkara, upla yamni nani ba,
witin nani pura lui bubia
bara ai karnika ba lika âpu takbia
bara raiti ba, witin nani iwaia watla takbia.
15Sakuna yang Gâdki bui prura karnika ba wina dakbi ai sâkbia,
kan yang ba witin wal ai brih wabia bamna.
16Si bripara, upla kumi yuyakira takisa ba ra,
ai dukia kukan ailal brih, ai watla ba prana daukaia luki ba ra.
17Upla kum prubia bara diara kumi sin sip brih wabia apia,#Job 1.21; Smas 5.15; 1 Ti 6.7.
diara pranakira nani ba sin ai nina bliki wabia apia.
18Witin raya iwi bara lilia âmyapah iwi kabia kra,
bara upla sin mayuni kabia yuya brisma ba mita.
19Witin prubia yua ba wabia
bara kli wan yu ingnika na kaikbia apia.
20Upla ba ban kaia ra raya kabia apia sa,
yuyakira pali kabia kra;
daiwan nani ba pruisa,
baku upla sin pruisa.
Currently Selected:
Lawana Nani 49: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
