Lawana Nani 48
48
LAWANA 48 (47)
Saion, Gâd tawanka tara ba
Aiwananka, Coré luhpia waitna nani lawana.
1¡Dawan ba tara sa!
¡Dawan ba kasak sa, yawan bui witin ra mayunaia sa,
ai tawanka bara ai ilka holikira ra!
2¡Nahki painkira prana sa,
Saion ilka pura ba,
laih yahbra tani ra,
tasba aiska liliaka sa,
king tara tawanka sa!#Mt 5.35.
3Dawan ba Jerusalem king watla nani ra bâra sa;
Dawan bui yaban sa kaikaia ai yukuwaika watla ba.
4King nani ba asla taki banhwisa,
asla taki, witin nani mapara aula;
5sakuna witin nani tawan ba kaikan bara tâ iwan,
sâp taki mahka plapi banhwan.
6Sirang ba mita, witin nani ai dawanka takan;
bara mairin kwihra, tukta briaia latwanka baku takan;
7lalma payaska baku,
Tarsis dwarka tara nani wipi baiki tiki ba baku.
8Wan Dawan tawanka tara ra,
Dawan karnika sut pali bri ba:
yawan wan nakra pali ni kaikan
dîa wan wisata ba baku:
¡Jerusalem ba Dawan bui ban kaia ra alki bri kabia!
9Man Dawan,
tempelkam lilapas ba kat,
man lamtwanka tara ba dukiara luki banhwi katna.
10Man Dawan,
man ninam ba tasba aiska ra mamyunan sa
man ninam tânka ba kat.
Man karnikam ba wal kasakka lâka ba aiska daukisma.
11¡Saion ilka lilia dauks!
¡Juda tawanka nani lilia pâli puli banhs,
man dîa daukaia lukram ba kat daukisma bamna!
12Man nani Saion ba kir wapi taws,
bara tawerka nani ba kulki kaiks;
13aman kaiks, kutbanka nani ba,
bara king watla nani ba sin;
baku mika man nani, naika ra kiamka nani bal
tasbaya ra wiaia dukiara.
14Wan Dawanka ba baku sa,
ban kaia ra ban kabia.
¡Witin ba wan tâ brabrira ban kabia,
ban kaia ra!
Currently Selected:
Lawana Nani 48: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
