Lawana Nani 47
47
LAWANA 47 (46)
Dawan ba yawan nani wal sa
Aiwani nani tâ bri ba wina, Coré lupia waitna nani lawana.
1¡Mihtam pruks, upla sut!
¡Dawan ra wins, lilia karna wini mayuns!
2Kan Dawan Laih Purara pali iwi ba,
aihka sibrinkira sa bamna;
witin ba king tara sa naha tasba aiska ra.
3Witin bui upla bara nisan nani sut sauhki tikan,
bara yawan twilkaika mununhtara mangkan.
4Yawan wan prapatika ra witin mita bâk saki wankan,
Jekob ba tara daukan, witin mita latwan kaikan bamna.
5¡Dawan Gâd ai iwaika ra iwan,
wini, lilia bin dauki,
trumpit puhbi kira!
6¡Man nani aiwans, man nani aiwans Gâd ra!
¡Aiwans, aiwans, wan kingka ra!
7¡Man nani lawana kum Gâd ra aiwans,
kan witin sika tasba aiska kingka sa!
8¡Dawan sika nisan nani kingka ba!
¡Dawan sika ai iwaika holikira ra iwi ba!
9Upla tara nani, nisan tara nani tilara,
Ebraham Gâdka uplika nani asla takan,
10kan Gâd sika tasba aiska karnika bri ba.
¡Witin baha nani sut purara sa!
Currently Selected:
Lawana Nani 47: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
