Lawana Nani 46
46
LAWANA 46 (45)
Dawan ba wan tilara sa
Aiwani nani tâ bri ba wina. Plut nani puhbi aiwanaia Coré luhpia waitna nani.
1Dawan ba sika wan yukuwaika bara wan karnika sin;
wan hilpka sa yawan pât bri ba piua ra.
2Baha mita sibrin ai daukras,
tasba na lui wabia kra,
ban kra, il nani ba
kabu tihuka kat dimi wabia kra;
3ban sin kabu ba karna taki,
ai ripka nani karna takbia,
il nani sin tatatwi kabia kra man lawankam tara wal.#Ais 54.10; Jl 3.16.
4Awala kum ba Dawan tawanka ba lilia daukisa#Isi 47.1-12; Sak 14.8; Par M 22.1-2.
baha Laih Purara iwi tawanka kau sunukira ba.
5Baha tawanka lilapas kat, Dawan ba bâra sa
bara alki brisa,
Dawan bui yu bani ra hilp muni kabia.
6Nisan nani bin tara daukisa,
king tasbaya nani ba tatatwisa,
tasba ba slilwisa
ai bîla baikra saki ba waluya ba ra.
7¡Dawan karnika sut pali bri yawan nani wal sa!
¡Jekob Gâdka ba yawan yukuwaika sa!
8Man nani bal kaiks,
Dawan nahki pali diara aihkakira daukan na naha tasba ra.
9Witin war nani âpu daukan, tasba aiska ra;
witin pantamangka nani kata sut krikan,
langsa nani kata ba kriki,
yuya man daukan;
¡war waginka nani kata ba
angki âpu daukan!
10“¡Man nani,
yang mini ra bal kauhs!
¡Baku sin damra wals
man nani, yang Dawan sna ba!
¡Yang sika nisan nani sut wihtka sna ba!”
11¡Dawan karnika sut bri ba yawan nani wal sa!
¡Jekob Dawanka, yawan yukuwaika sa!
Currently Selected:
Lawana Nani 46: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
