Lawana Nani 45
45
LAWANA 45 (44)
King marit taki ba lawana
Aiwani tâ bri wina, “Tangni nani tiunka”, Coré luhpia waitna nani lawana. Latwan kaiki aiwanaia.
1Lukanki na bîla painkira aisaia ni banhwan sa;
twisi ba âiulbra pain kum pinsilka baku sa.
King mawanra, mayuni aisi bîla nani aisaisna.
2Man waitna kau painkira sma,
waitna wala nani ba wal.
¡Man unam aisisma ba, wan kupia aihka sakisa!
Baha mita Dawan bui man ra yamni mai munbia ban kaia ra.
3¡Kupiam karna brih,
sordkam maisam ra wilks!
Kan witin sika man pramna sakahkan ba.
4Man pramna ba sika, pura lui kainamra auya,
kasak tânka ba dukiara aiklabi kaia sa;
bara kasakka lâka daukaia, upla bawikira nani ra
bara mihtam aihkika ba,
¡kupiam karnika tara ba warkka daukisa!
5Upla ailalka ba minam mununhtara kauhisa;
king, trisbaikam ba tatwa pali sa,
upla kupia kat
sabisa, man waihlam nani kupia kat.
6Dawan, man kingkam lâka ba, ban kaia ra ban sa,
man kingkam lâka ba kasakka lâka sa.
7Man ba diara yamni nani ba lihkisma,
bara diara saura nani ba lika
misbara kaikisma.
Baha mita sika, Dawan bâk mai saki mai brin,
man Dawankam ba mita bara lilia ni mai banhkan sa,
uplikam wala nani ba wal.#Hib 1.8-9.
8Man prâmka ba sîka mâka kîa painkira,
alus, sinimint kîa baman sa;
arp binka, lilia dauki,
kupiam lilia daukisa,
king man wamtla pranakira mâkan ba bilara.
9Tiara nani king wamtla ra brisma ba
tilara king luhpia mairin nani sin bâra sa;
iwaikam aihkika tani ra lika kwin bâra sa
walpa klauhira ni sakahkan ba.
10Wali bas, luhpi mairin lupia;
pain ai wals, mai wiaisna ba:
Âmya tiks tamya nani bara uplikam nani sin,
11kan king ba sika
man pramna ba kaikan daukisa,
witin ba sika man Dawankam,
man bui witin bîla walaia sma.
12Tiro kwinka mairin, upla nani kau
yuyakira nani pali ba,
diara mana luha wal man kupiam alkaisa.
13¡King luhpia mairin ba dimi aula
ai prana tara ba wal!
Ai prâka ba gul baku dimisa.
14Ai prâka pranakira diman ba wal,
witin ba king mawanra brih auya.
Tiara wala nani, kulkan yabi ninara wapi dimi auya,
baha ba ai uplika nani daknika sika.
15Witin nani lilia tara wal wapi,
king watla ra dimi auya.
16King, man luhpiam nani ba,
ai damika nani iwaika ba bribia
bara man mita yabrika,
witin nani ai tasbaya aiska pura kaiki kabia.
17Yang yabrika kiamka nani sahwi aula ba,
man dukiamra ai kupia krauki kabia,
bara upla bani ba, man ra mamyuni kabia ban kaia ra.
Currently Selected:
Lawana Nani 45: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
