Lawana Nani 43
43
1Dawanki, yang na pâtkas sna ai wis,
yang tnaiya ra bus,
Dawan briras uplika ba mapara buaia.
Kunin aisasara nani
watawika lâka man dauki nani ba wina dakbi ai sâks.
2¡Man sika yang Gâdki, kaini kakahbra!
¿Dîa kan yang laimara apia sma?
¿Dîa muni waihli nani mita ai taiban,
sari watauki kaia sna?
3Ingnikam ba blîks, kasakkam ba sin,
baha nani yabal ba marikbia,
ilkam holikira ba ra waia yabalka ba,
man bâra iwisma ba pliska ra.
4Baku bamna, Dawan, yang lika man altarkam ra wamna,
bara bahara arp kangbi ninam mayunamna,
man, yang Dawanki, rayaki
lilia ni banhkisma ba.
5¿Dîa kan kupi lukanka ba swapni takbia?
¿Dîa kan ban diara luki kaiki kaia sna?
Dawan ra yang bîli kaikanka brisna,
witinka ra ban mayuni kamna ba.
¡Witin baman yang Gâdki, yang Sasakriki sa!
Currently Selected:
Lawana Nani 43: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua