Lawana Nani 42
42
LAWANA 42—43 (41—42)
LAWANA WAUHKATAYA WÂL
(Lawana 42—72)
Yang lika Gâd ra bîla kaikanka brisna
Aiwani nani tâ bri ba wina. Coré luhpia nani aisin, mayuni aisa bîla nani.
1Sula ba, diran pali dauki kan awala lî pliki tauki ba baku,
Dawanki, yang sin mai pliki taukisna.
2Dawan rayakira, rayaki na man ra luki diran daukisa.
Dawan, ¿ahkia yang kli wih mamwanra bûi kamna?#Law 63.1; 143.6.
3Kakna ra, tihmia ra,
yang naikra laya ba pati pisna,
upla nani sin pat pat maikabi walisa:
“¿Man Dawankam ba anira sa?”
4Baha diara takan tânka nani ba luki kaikuna ba ra,
kupi krawisa upla sut kira yang impaki auna kata ba,
Gâd tempelka watla ra, lilia tara ailal wal,
tingki manis pali sin;
¡kaiki lilia tara pali!
5¿Dîa muni yang ban sari kaia sna?
¿Dîa muni ban diara luki kaiki kaia sna?
Bîli kaikanka ba Dawan ra yang brisni,
witinka ra kau ban mayuni kamna ba.
¡Witin baman yang Dawanki, yang Sasakriki sa!
6Kupi lukanka na kriwan pali sa;
bahamna yang lika Jordan awala tasbaya wina,
Hermón bara Misar ilka nani wina,
man ra baman lukisna.
7Kipla tara ra, lî aubi ba binka walisa, binka karna wal
laiwi ba alwani binka baku ba, man blikisma,
Laya blikisma ba, yang purik luan sa.#Jon 2.3.
8Kakna ra Dawan ai latwanka ba
purira blikisa, bara yang tihmia ra
takaskras ban aiwanisna,
rayaki Dawanka ra sin puri suni ban sna.
9Dawan, yang tâiwan aisasara ba ra wisna:
“¿Dîa muni âmya ai tiki ai swiram ki?
¿Dîa muni yang na waihli nani mihta ai
taiban, bara sari bri watauki kaia sna?”
10Waihli nani laiwaska kiki ba mita
dusi nani sut latwan takisa.
Witin nani yu bani, yang ra makabi walisa:
¿Man Dawankam ba anira sa?
11¿Dîa muni kupi lukanka ba swapni takbia?
¿Dîa muni ban diara luki kaiki kaia sna?
Dawan ra bîli kaikanka brisna, witinka ra
sin kau ban mayuni kamna ba.
¡Witin baman yang Gâdki, yang Sasakriki sa!
Currently Selected:
Lawana Nani 42: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
