Lawana Nani 41
41
LAWANA 41 (40)
Upla sikniskira kum pura sunra
Aiwani nani tâ bri ba wina. Debit lawana.
1Ani uplika, upla siknis nani dukiara luki ba,
lilia pali kabia.#S L 14.21.
Piua saura mani balbia ba ra,
Dawan bui witin ra sin swaki sakan kabia.
2Naha tasba ra Dawan bui witin nani ba kan kahbi kabia,
rayaka sin alki bribia, liliaka sin yabia,
ai waihla nani witin ra munaia luki ba
mihta ra sin mangkan kabia apia.
3Siknis ai krikrika ra prawi ba ra,
Dawan bui witin ra ai karnika yabisa;
ai sikniska nani wina sin rakisa.
4Yang wîri:
“Dawan, umpira ai kaiks;
sikniski na wina ai râks,
mampara saura yabri sakuna.”
5Waihli nani brin daukisa
diara kau saura yang ra takbia:
“¿Ahkia prubia, diara luki ba sut âuya lap tiwbia?”
6Waihli nani ai kaikaia aula,
sakuna bâra kunin lâka ra aula,
saura lukanka baman ai kupia ra brisa,
yabal ra taki auya
bara ai lukanka saura ba wala ra aisisa.
7Misbara ai kaiki banhwi ba sut
maipara pusbi aisisa;
witin nani lukisa,
yang saurki nani daukri ba mita pât wahwisna.
8Bara witin nani wisa:
“Baha aihka lasa alkan;
krikri ra batakan ba,
baha lika kli bukbia apia.”
9Upliki kau yamni,
upliki aihwa pali kulki katna ba,
yang wal iwi plun pi kata ba sin,
yang maipa buan.#Mt 26.23; Mk 14.20; Lk 22.21; Jn 13.18.
10Sakuna, Dawan, man umpira ai kaiki bas;
dîa dauki ba mana man bui witin nani ra yas.
11Baha daukisma ba ni, yang kaikisna,
man bui yang ra yamni ai kulkisma ba.
Waihli nani ba swiram puri luan wisi,
ai âuyapah ai pura winbiara.
12Yang na, man mamwanra
rayaki tânka aihwa man iwi kapri bamna,
mihtam ra ai alki ai buks
aikrika man mamwanra bûi ban kamna.
13¡Dawan ba yamni pali kabia, witinka Israel Gâdka ba,
nanara bara ban kaia ra sin!
¡Baku kabia!#Law 106.48.
Currently Selected:
Lawana Nani 41: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
