Lawana Nani 40
40
LAWANA 40 (39)
Dawanki, man kupiam lâka daukaia ba yang lihkisna
Aiwani nani tâ bri ba wina. Debit lawana.
(Lawana 70)
1Yang kupi lukra ba,
Dawan ra baman bîla kaikanka brisatni;
bara witin bui yang ra tawi winanki nani ba walan;
2baku sin, yang ra prura aula ba wina swaki ai sakan,
drapapa ra dimuna ba wina swaki ai sakan.
Mini nani walpa ra sunan, mini taibanka ra karnika yan.
3Witin sin lawana raya kum yang bîli ra mangkan,
lawana kum yawan wan Gâdka ra mayunaia.
Upla ailal baha tânka kaikan bara kupia nikban,
bara witin nani ai lukanka ba Dawan ra mangkan.
4Lilia pali sa baha uplika Dawan kat
ai lukanka mangki bri ba,
prautkira nani ba wina
ai tâ baikanka briaia plikras,
kunin gâdka nani ra mayuni ba wina sin apia.
5Dawan, yang Gâdki, man warkkam aihkakira nani
daukram ba ailal pali sa,
yang nani dukira sin
man luki kaikisma ba.
¡Diara âpu sa, man wal praki kaiki
bara baha ba kau yamni sa wiaia!
Warkkam tânka sut ba
aisi sakaia brin ai daukisa;
sakuna baha sut kulki sakaia
yang sip apia sna.
6Sakripais nani brih bal maikaia ba
brin mai daukras;
plun nani prisantka ba sin apia;
daiwan wîna aiska angki maiki ba sin
brin mai daukras,
upla saurka ban swih tikaia prisantka angki maiki,
pura sunra ba sin apia.
Baku daukaia ba swi si,
man, yang kiaima sturi walaika ba ilingkram.
7Baha mita yang aisari:
Nâra sni,
lâ wauhkataya ra
yang dukira dîa ulban ba tânka kat.
8Yang Dawanki,
man kupiam lâka daukaia ba
yang liliaki sa,
¡lâmka bîla smalkanka nani ba,
yang lukanki ra mangki brih taukisni!#Hib 10.5-7.
9Man uplikam ailal pali ba mawanra
yang marikri lâ tânka kasak ba.
¡Dawan, baha man kaikisma,
yang bîli praki sâp aisaras apia kapri ba!
10Man kasakkam lâka dahra ba,
yang kupi ra yakan yukuki briras kapri;
man kasak lukanka tânka ba ni,
swaki wan sakisma dahra ba
yang aisari,
man kupiam pihni lâka ba,
man bîlam aisinka kasak ba
tânka sut, man uplikam nani aidrubanka tara ra aisari.
11Dawan, man umpira ai kaikisma ba,
yang wina takaskpara;
man kupiam pihni lâka ba,
man bîlam aisinka ba sin,
yarka ai alki ban yamni ai bri kabia.
12Pât saura ailal pali ai alkan
yang kulki sakaia sip apia.
Watawiki nani ba tawi ai priskan;
¡kainira sip diara kaikras!
Tâiwa nani wal kau ailal,
kupi brinka kat sin sut tikan.
13Dawan, pri ai sâks;
Dawan aihni muni bal hilp ai muns.
14Yang rayaki sauhki tikaia pliki banhwi nani ba sut,
yarka saura swira daukan kabia,
lal sin tanis takbia;
¡baha nani yang ra saura ai munaia luki nani ba
kli witin nani ra swira daukka plapi banhbia!
15¡Yang laiwaska kiki banhwi ba,
kli witin nani ra lawaska kiki,
munka plapi banhwi kabia!
16Sakuna baha nani sut
man ra mai pliki banhwi nani ba,
lilia man aibanhwi kabia;
baha nani man wan swaki sakisma lâka brin dauki banhwi nani ba,
yarka naku aisi ban kabia:
“¡Dawan ba tara kulkan kabia!”
17Sakuna yang dukira wisni,
umpira bara diara âpu sna;
Dawan, man ban yang ra luki bas.
Man baman sika hilpki sma
bara pât wina sin ai dakbi sakisma;
¡Dawan, ban lap tiwpara, pat bal!
Currently Selected:
Lawana Nani 40: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
