Lawana Nani 39
39
LAWANA 39 (38)
Wan rayaka ba prahni sa
Aiwani nani bri ba wina. Jedutún. Debit lawana.
1Yang wîri rayaki yabalka na main kaiki kaia,
bara yang twisi ni saura daukaia apia wîri,
uni nani ra wilkaika kum ni wilkamni,
upla watawikira nani ba, yang maiwanra bûi ban sa bamna.
2Yang na bîlas baku takri,
diara aisaras pali,
¡diara yamni dukiara sin aisaras kapri!
Ban sakuna, sairka lâka ba kau tara taki kan;
3¡yang kupi ba, lapta taki kan pauta ai ami baku!
Yang kupi ra luki katna
bara kupi bilara pauta buki klauhan,
bara yang bîli baikra tara aisari:
4“Dawan, rayaki yua tnata ba mairiks
kau yu an raya kaia ba sin;
brin ai daukisa rayaki yua nahki prahni
lupia baman brisna ba kaikaia.
5Rayaki prahni lupia baman aikram; rayaki na
namkra ra diara bahki pali sa.
¡Upla sut rayaka bri ba,
wan wingka puhbra kumi baman sa!
6¡Upla sut ba dista kum bal lui baku luisa!
Diara ailal kuki ba, witin ra hilp apia sa,
dukia nani ba ya bribia sapa nu âpu.#Job 7.16; 8.9; 14.1-2; Law 90.9-10; 102.11; 109.23; Smas 6.2.
7Baku bamna, nanara, Dawan, ¿yang dîa bîla kaikaia?
¡Yang bîla kaikisna ba, man ra baman!
8Yang lâ lui saura daukri saurka nani sut ba
wina pri ai sâks;
taniskira nani ba, swirka laiwaska kikbiara.
9“Yang bîlas baku, diara aisaras kapri kan,
man sut daukisma bamna.
10Man klalka ai wipisma ba,
yang wina sâks,
yang na âpu ai daukuma sa,
man mihtam ai prukanka ba mita.
11Man upla ra latwan lâka marikaia dukiara,
lawi daukisma bamna,
witin nani diara latwan kaiki dukia
nani ba, yula pin baku daukuma.
¡Upla sut ba wan wingka puhbra kum baku baman sa!
12“Yang puri sunra wals, Dawan,
¡inanki ba kiamam pri tniki wals!
¡Baku sin yang naikra laya nani kaiki sâp kapara!
Yang na man ra tringsar kum baku sna;
piawira kum lui auya baku, damiki nani lui wan baku.#Lib 25.23; Law 119.19; 1 Pi 2.11.
13Ai kaiki kapara, ai swis
wiria lupia wingki puhbamna,#Job 7.19; 10.20-21; 14.6.
kau pruras raya sna ba ra.”
Currently Selected:
Lawana Nani 39: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
