Lawana Nani 148
148
LAWANA 148
Paskanka aiska ba Dawan ra mayunisa
1¡Dawan ba mayunan kabia!
¡Dawan ra mayuni banhs kasbrika pura ba wina!
¡Dawan ra mayuns laih purara ba wina!
2¡Man nani bui witin ra mayuns,
ai insalka nani sut ba wal!
¡Witin ra mayuns, man nani aiklaklabra daknika nani, kasbrika purara sma ba!
3Witin ra mayuns,
yu bara kati sin.
Witin ra mayuns,
man nani titan slilmika ingnikira nani sut.
4Witin ra mayuns,
man, laih kasbrika purara ba,
bara man, lî kasbrika purara sma ba sin.
5Witin nani Dawan nina mayunaia sa,
kan witin sika ai bîla win,
bara witin nani ba takan.
6Witin baha nani alki brisa ban kaia ra ban kabia,
bara witin lâ mangki yan,
witin nani baha lâka lui sauhkaia apia.
7Dawan ra mayuns tasba ba wina,
daiwan saura tara nani kabu ra ba,
bara kabu tihuka tara nani ra ba sin.
8Imyula bara lî mâ klaswan,
ais kauhla baman, mukus sin.
Pâsa saura, ai bîla kat wali dauki ba.
9Il nani, kiuhsi nani sin sut.
Yalam nani bara dus mâ yabi nani ba sut.
10Daiwan tim nani ba, bara daiwan wail nani ba sin.
Daiwan tnawira bara kwasi nani ba sin.
11¡King nani tasba aiska ra ba,
bara upla nani sut ba!
Wihta tara nani, baha nani sin sut
tasba aiska ra karnika alki nani ba.
12Waitna nani bara mairin nani,
wahma nani bara almuk nani.
13¡Upla sut Dawan nina ba mayunbia,
kan witin ai nina baman tara sa bamna!
¡Witin prana tara ba tasba kasbrika purkara sa!
14Witin ai karnika ba ai uplika nani ra yaban sa.
Witin ba ai uplika kasakkira nani mayunra sa,
Israel luhpia nani,
upla banhwi ba kum, witin ai lamara bri ba.
¡Dawan ba mayunan kabia!
Currently Selected:
Lawana Nani 148: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
