Lawana Nani 149
149
LAWANA 149
Dawan, diara sut Papaskra bara King
1¡Dawan ba mayuns!
Dawan ra lawana raya kum aiwans,
upla kasakkira nani witin ra mayunaia sa.
2Liliam bas, Israel luhpia nani Saion tawanka ba,
kan Gâd ba man papaskrikam bara king sa.
3Ai nina ba mayunan kabia dans puli ba wal,
witin ra aiwans arp puli bara drum puli kira.
4Dawan lika ai uplika nani dukiara ban yamni lukisa;
witin bawikira nani ra pura luaia lâka ba yabisa.
5Upla kasakkira nani,
lilia pranakira bas pura luram bamna,
ai krikrika ra prawi wina sin,
lilia aiwani kabia.
6Witin nani bui Gâd ra mayunra ba ai bîla ra ban kabia;
ai mihta ra sin sord napa malira wâl bri kabia;
7gâdkas nani ra pana munaia yabia,
kan nisan nani ra klala yaia dukiara,
8kingka nani ra silak ra mangkaia bara upla karnakira
ra alki sin ni priskisa wirhika nani ba aikuki,
9baha nani ra ulbi daukan kat munaia:
bahmuna kulkanka tara,
upla kasakkira nani brisa.
¡Dawan ba mayunan kabia!
Currently Selected:
Lawana Nani 149: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
