Lawana Nani 146
146
LAWANA 146 (145)
Dawan daukanka nani ra mayunisa
1¡Dawan ba mayunan kabia!
Dawan nina ba kupi aiska ni mayunamni.
2Yang Dawan ra mayunamni,
yang raya sna ba yua nani ra;
Dawanki ra lawana aiwanamna
yang kau raya sna ba piua ra.#Law 104.33.
3Upla tara nani ra kasakkam lukan ba mangkpara,
witin nani sin upla sa,
witin nani sip swaki mai sakras;
4witin nani pruisa
bara witin kli tasba yuya ra tawisa;
bara baha pali piua ra
ai warkka kata lap tiwisa.
5Lilia man sa baha uplika,
Jekob Gâdka ba wina ai hilpka bri ba,
wan kanra bîla kaikaia ba,
Dawan ai Gâdka sa.
6Witin kasbrika pura, tasba,
bara kabu sin paskan ba,
diara nani sut bâra ba,
witin ai bîla ba alki brisa.#Bla St 1.
7Witin taiban uplika nani ra
kasakka kat yabisa;#Law 103.6.
bara sin plun dauki nani ra dakakisa.
Dawan baha priskan nani ba lanhki sakisa.
8Dawan bui upla nakras nani nakra ilingkisa:
Dawan bui baha nani kauhan nani ba bukisa;
Dawan lika kasakkira nani ra latwan kaikisa.
9Dawan bui tringsar nani ra tâ baiki brisa;
rau nani, piarka nani ra sin tâ baikisa;
sakuna watawikira nani yabalka lika witin makupisa.
10Saion man, Dawan king aimaki ban kabia;
Gâdkam ba ban kaia ra king aimaki kabia.
¡Dawan ba mayunan kabia!
Currently Selected:
Lawana Nani 146: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
