Lawana Nani 145
145
LAWANA 145 (144)
Upla sut Dawan ra mayunbia sa
Debit bui Dawan ra mayunisa.
1Yang lika man karnikam dukiara aisamni,
yang Gâdki bara yang Kingki;
ninam ba mayunamni ban kaia ra ban.
2Yu bani ra yang yamni mai wimni;
yang sin man ninam ban kaia ra ban mayunamni.
3Dawan ba tara sika,
bara aitani pali witin ra mayunaia sa;
witin tara sa tânka ba sin sip pliki sakras sa.
4Aisa wina luhpia nani ba kat,
man warkkam nani daukram ba mamyunan kabia,
man daukankam karnakira nani ba dahra aisi kabia.
5Man pramna tara ba dukiara aisi kabia,
bara yang lika, man diara aihka daukram ba dukiara aisi kamni.
6Man bui diara karnakira nani,
bara sibrinkira dukia daukram ba,
aisi kabia,
bara yang lika man diara tara nani daukram ba dukiara aisi kamni.
7Kupiam painka tara ba dukiara aisabia,
bara wini aisabia man ba Dawan kasak sma.
8Dawan ba kupia yamni sa,
bara latwan kaikisa,
witin sin wihka bîla kaikisa,
bara latwan lâka sut brisa.#Law 103.8; Je 5.11.
9Dawan upla sut wal pain sa;
bara ai kupia swapni wal
ai warkka nani ba main kaikisa.
10¡Dawan, man warkkam nani sut daukram ba mita mamyunbia!
¡Kasak lalukra nani mayunan kabia!
11¡Man king aimakisma ba prana ingnika dukiara aisabia!
Man karnikam wal diara nani daukram ba sin.
12Yarka upla nani ba, man karnikam ba kaikbia,
¡witin king aimaki ba prana ingnika tara ba sin!
13¡Man king aimakisma ba,
king lâka ba ban kaia ra ban kabia!
Man kingkam lâka ba lika ban kaia ra ban sa.
14Dawan bui baha nani krawi ba, alki tâ baikisa,
baha nani sut kauhan ba sin witin kli bukisa.#Law 146.8; 147.6.
15Upla sut nakra nani ba man bîlam kaikisa;
bara man bui witin nani ra ai pata yabisma baha piua ba kat.
16Man mihtam ilingkisma bara kupia kumi lâka ba wal,
bara rayaka bri nani ba sut âuyapah daukisma.
17Dawan ai yabalka nani sut ra kasakkira sa,
ai daukanka nani sut ra sin kupia pihni sa.
18Dawan baha nani sut lamara sa,
witin ra wini banhwi ba,
baha nani sut kasak tânka ra witin ra wini ba.
19Witin ra luki banhwi ba brinka kat,
witin daukbia:
witin nani wini yaba sin walbia,
bara swaki sâkbia.
20Dawan baha nani sut main kaiki brisa,
witin ra latwan kaiki banhwi ba;
sakuna witin bui upla watawi nani ba sut âpu daukbia.
21¡Yang bîli ni Dawan ra mayunra yabamni!
¡Upla sut witin ai nina mayunbia, ai nina holikira ra
nanara ban kaia ra sin!
Currently Selected:
Lawana Nani 145: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
