Lawana Nani 143
143
LAWANA 143 (142)
Kasakki lukanka man ra mangkri sa
Debit lawana.
1Dawan, puri sunra ba wals;
yang makabisna ba kiamam ra wals,
pana ai aisas,
¡kan man sika kasak bara kasakkira sma ba!
2Man nampakan ra diara walaia paiwpara,
kan man mamwanra upla kumi sin pâtkas ba âpu sa.#Ro 3.20; Gal 2.16.
3Yang waihli nani ba rausauhkisa,
tasba kat ai bataki ai lapaskan sa;
taibi ai munisa tihmia ra iwi kaia,
patitara pruan kan nani ba baku.
4Bara yang dring swapri, bara
kupi ba sin tanis takan.
5Piua nani luan ba ra kupi kraukisni,
bara lukisni man diara sut daukram ba dukiara.
6Man ra mihti nani ba sakbisni,
man ba diranki baku sma,
tasba lâwan kum ra baku.#Law 42.1-2; 63.1.
7Dawan, ¡pat ai aisas,
kan yang pat pruisna bamna!
Man hilp ai munras kapara,
kan upla pruan baku kamna.
8Aikrika titan ra lamtwanka lâka ba tânka brimna,
kan man ra kasak lukanki ba mangkri sa bamna.
Aik tânka brimni ani ba yang wataukanki ba,
brin ai dauki nani ba man ra mai wisna ba ra.
9Waihli nani wina dakbi ai sâks, Dawan;
kan yang lika man ra yukuwaiki plikisna.
10Ai smalks man kupiam lâka daukaia,
kan man sika, yang Gâdki sma bamna.
¡Man Spiritkam yamni ba tâi bri wabia,
yabal yamni kum bâk!
11¡Man ninam ba tâwan, Dawan,
raya iwi kamni!
Kan man sika kasak sma,
pât ba wina ai sâks.
12Kan man kasakkira sma,
¡waihli nani ba sauhki tiks!
¡Waihli nani ba sut âpu dauks,
kan yang na man nampakan sna bamna!
Currently Selected:
Lawana Nani 143: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
