Lawana Nani 142
142
LAWANA 142 (141)
Man sika yang yukuwaiki
Debit walpa unta ra dimi bâra kan bara smalkanka ba pura sunra ba.#1 Sa 22.1; 24.3.
1Yang bîli baikra karna ni,
Dawan ra winisni,
bîli baikra karna ni Dawan ra makabisni
ai kupia yamnika ba aikbia.
2Witin ai mawanra brukwanki ba mangkisni,
witin mawanra pâtki ba mangkisni laki kaikaia,
3yang spiritki pali dring swapan ba ra.
Dawan, man lika yang yabalki sut ba kaikisma:
Baha yabalka, yang wapisna bâk,
witin nani bui yang ai alkaia taukisa.
4Aihkiki tani ra tawi kaikuna bara
upla sin âpu sa hilp ai munaia,
¡upla kumi sin âpu sa, yang ra tâi baikaia!
¡Upla kumi sin âpu sa, yang dukira lukaia!
5Man ra winisni, Dawan,
bara mai wisni: “Man sika yang yukuwaiki;
¡man baman yang naha tasba ra mai brisna ba!”
6Yang winanki nani ba wals,
kan yang karniki âpu takan bamna.
Dakbi ai sâks, rau ai sauhki nani ba wina,
kan witin nani ba kau karna, yang ba wal.
7Silak watla ra sna na wina pri ai sâks,
yang ninam ba mayunamna dukiara.
Upla kasakkira nani kir ai bribia;
yang ra pain ai munisma ba mita.
Currently Selected:
Lawana Nani 142: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
