Lawana Nani 141
141
LAWANA 141 (140)
Yang naikra nani man ra mai kaikisa
Debit lawana.
1Dawan, man ra winisni, ¡aihni yang ra bal!,
¡bîli baikra na wals, man ra winisna ba ra!
2Puri sunra ba, dus mâka kîa pain baku man bui kaikma,#Par M 5.8.
mihti bukanka ba lika, tutni prisantka baku kabia.
3Dawan, aihwawakra kum bîli ra mangks,
bîli ba aihwaki kaiki kaia,
yang bîli ba kwâkaia apia mata.
4Kupi ba lukan lâka saura wina dakbi sâks;
daukanka saura nani, lâ watawikira aikrika daukamna apia,
bahki lâka dauki waitnika nani wal aikuki,
bara baha saura dadaukra nani, pata tara dauki aikuki sin apia.
5Upla kasakkira klala aikbia kaka,
kupia pihni lâka kabia,
bara lawi ai daukbia kaka sin isint kîa kum baku kabia.
Baha sut bahki lulki swimna apia;
yang ra ai prukbia sin ban puri suni kamna.
6Wihta watawikira nani ba,
walpa tnaya ra lulkbia,
bara witin nani kaikbia,
bîli aisinka nani ba yamni sa bamna.
7Dusa nani ba raiti lamara yakabi swin kabia,
upla tasba tukbi baiki swin ba baku.
8Dawan, Dawan, naikra nani man kat mai kaikisa,
man ra yukuwaiki plikisni:
man ai lulki ai swipara.
9Dakbi ai sâks mini alkaia mangkan ba wina;
saura dadaukra nani ai alkaia daukan ba wina, dakbi ai sâks.
10Upla watawikira nani yarka,
ai iliska ra kauhi aimakbia,
yang lika ban tâiura impaki kamni, man wal.
Currently Selected:
Lawana Nani 141: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
