Lawana Nani 140
140
LAWANA 140 (139)
Dawan ra kan kahbaia makabi ba pura sunra
Aiwani nani tâ brih ba wina. Debit lawana.
1Dawan, pri ai sâks upla watawikira nani wina;
kupia lukanka saura bri nani wina, kaini kahbi bas,
2baha nani diara saura nani ai kupia ra paski ba wina,
bara awar bani aiklabanka nani buki ba.
3Witin nani ai twisa ba mala sa piuta twisa baku;
aisinka nani ba piuta puisinkira nani puisinka baku sa.#Ro 3.13.
4Dawan, upla saura watawi nani karnika ba wina wan kan kahbi bas,
wan kan kahbi bas saura uplika nani ba wina,
baha nani mini wapanka nani batakaia wisi dauki ba wina.
5Baha nani, witin baman sa luki ba,
maipara mini alkaika daukan;
mini alkaika kiwka mangkan
mini alkaika nani, yang yabalki ra mangkan.
6Yang Dawan ra wîri: “Man ba yang Gâdki;
¡yang ini makabisna ba kiamam ra wals!
7Dawan, Dawan, yang Sasakriki karnakira sma ba,
man lika aiklabanka ra laila pura bikisma.”
8Dawan, upla watawikira brin dauki ba yapara;
witin diara saura munaia luki ba hilpka daukpara,
9Kaini kir kutbi ai bri ba ai lal buki banhwisa;
¡lahtuban bîla lulki ba, yas kli witin nani purara kauhbia!
10Witin nani purara masku aswi kauhbia;
witin nani ba liwanhta ra lulkbia,
kli baha wina takaia apia.
11Upla twisa yari nani ba wan tasbaya ra ban kabiara;
diara saura dauki ba mita nina bliki bara sauhki tikbia.
12Yang kaikisni, Dawan bui upla umpira nani ba kasak wapni daukisa,
bara sari bri uplika nani raitka ba tâ baikisa.
13Upla kasakkira nani, man ninam ba mayunan kabia;
¡upla wapni nani ba, man mamwanra raya iwi kabia!
Currently Selected:
Lawana Nani 140: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
