Lawana Nani 138
138
LAWANA 138 (137)
Dawan ra tingki wiaia pura sunra
Debit lawana.
1Tingki mai wimni, Dawan, yang kupi aiska kira ni,
lawana man ra aiwanamni gâd nani mawanra.
2Man tempelkam tani luli kriki puri sunamni,
tingki mai wiaia, man lamtwanka lâka ba
bara kasakkam tânka dukiara.
Man ninam bara bîlam aisinka ba
diara sut purkara mangkram sa.
3Yang bui man ra mai winri bara pana yang ra aisaram,
bara man kupi ba karna daukram.
4Tasba aiska kingka nani sut mamyunbia,
man pramiskam nani walan bamna.
5Witin nani Dawan ra mayunan kabia,
witin piua sut ridi sa bamna,
kan Dawan prana ba tara sa.
6Dawan ba lika purara sa,
ban sakuna bawikira uplika kat kaikisa;
kuna pura luan dauki nani ra lika laih wina kaikisa.
7Trabil saura wal prawisna ba ra,
man sika raya ai brisma,
bara man karnikam ni swaki ai sakisma
yang waihli nani lawi saura ai munaia pliki ba wina.
8¡Dawan bui liliakira tnata kat brih wabia,
witin ai warkka nani
yang hilpki ra dauki ba mita!
Dawan, man lamtwanka lâka ba ban kaia ra ban sa;
¡man mihtam daukanka nani ba ban swipara!#Pil 1.6.
Currently Selected:
Lawana Nani 138: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
