Lawana Nani 137
137
LAWANA 137 (136)
Babilon awalka nani lamara
1Babilon awala nani lamara iwi,#Isi 3.15.
Saion ra luki ini banhwi kapri.
2Tnasu dusa nani tawan bilara ba ra,
arpki nani ba pami banhri.
3Bahara sika priski wan brih wan kata ba,
diara nani sut wan mihta dakban
bara yang nani ra ai win lilia aiwanaia,
makaban witin nani ra Saion lawana ba aiwani banhwamna.
4¿Yang nani Dawan ra lawana aiwanaia sna
tringsar tasbaya ra?
5¡Jerusalem, yang âiya mai tikamna kaka,
mihti aihkika na sin ban lâwbia!
6Twisi ba dairkaya ra wih prak alkbia,
yang bui man ra lukras sna kaka,
yang bui Jerusalem ba purara bukras sna kaka,
yang liliaki tara pali ba purkara.
7Dawan, Edom uplika nani ra luki bas,
Jerusalem kauhan bara witin nani wisata:
“¡Slingbi tiks, slingbi tiks,
baha playka bapan nani ba sut!”#Oba 10-15.
8¡Man Babilon, sauhki mai tikan kabia ba!
¡Lilia kabia kli pana mana maikaia,
man bui yang nani ra ai munram praiska ba kat!#Jir 50.29; Par M 18.6.
9¡Lilia kabia ya, man tuktikam sirpi nani alki
walpa ra lulki sabi ikbia ba!
Currently Selected:
Lawana Nani 137: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
