Lawana Nani 136
136
LAWANA 136 (135)
Dawan bui Israel ra ban kaia ra latwan kaikisa
1Man nani, Dawan ra tingki wis;
kan witin ba yamni sa,
ai latwanka lâka ba ban kaia ra ban sa bamna.#1 Kr 16.34; 2 Kr 5.13; 7.3; Esd 3.11; Law 100.5; 106.1; 107.1; 118.1; Jir 33.11.
2Man nani, Gâd ra tingki wis,
Dawan nani dawanka ra,
ai latwanka lâka ba ban kaia ra ban sa bamna.
3Man nani, Dawan ra tingki wis
dawan nani Dawanka ra, ai latwanka lâka ba
ban kaia ra ban sa bamna.
4Witin baman sika diara aihkakira tara nani daukisa,
ai latwanka lâka ba, ban kaia ra ban sa bamna.
5Witin sika kasbrika purara ba paskan#Bla St 1.1. sins lâka ni,
ai latwanka lâka ba ban kaia ra ban sa bamna.
6Witin sika, tasba lî nani purara ba sins lâka ni paskan,
ai latwanka lâka ba ban kaia ra ban sa bamna.#Bla St 1.2.
7Witin sika lapta bara kati ba paskan,
ai latwanka lâka ba ban kaia ra ban sa bamna:
8wan yu ba kakna ra ingwaia paskan,
ai latwanka lâka ba ban kaia ra ban sa bamna;
9kati bara slilma nani ba sin,
tihmia ra ingwaia,#Bla St 1.16.
ai latwanka lâka ba ban kaia ra ban sa bamna.
10Witin sika, Idsip watla uplika tawahkia nani ra ikan ba#Imp St 12.29.
kan witin ai latwanka lâka ban kaia ra ban sa bamna.
11Witin sika, Israel luhpia nani, Idsip wina sakan ba#Imp St 12.51.
ai latwanka lâka ba ban kaia ra ban sa bamna;
12witin ai klahkla ba sakbisa,
ai latwanka lâka ba ban kaia ra ban sa bamna.
13Witin sika, Kabu Pauni aihka tar baikan daukan ba;
kan witin ai latwanka lâka ba ban kaia ra ban sa bamna.
14Witin sika, Israel luhpia nani kabu lilkapas bâk yan lukan ba,
ai latwanka lâka ba ban kaia ra ban sa bamna.
15Witin sika, king fero, ai aiklaklabrika kira,
Kabu Pauni ra rungkan ba,#Imp St 14.21-29.
ai latwanka lâka ba ban kaia ra ban sa bamna.
16Witin ai uplika nani ba,
upla iwras tasbaya bâk yan wapan;#Kli S 8.2,15.
ai latwanka lâka ban kaia ra ban sa bamna.
17Witin sika king tara nani ra ikan ba,
ai latwanka lâka ba ban kaia ra ban sa bamna.
18Witin sika king karnakira nani ra ikan ba,
ai latwanka lâka ba ban kaia ra ban sa bamna.
19Sihón ra, amorreo nani kingka ba;#Kul K 21.21-30.
ai latwanka lâka ba ban kaia ra ban sa bamna.
20Og ra Basán kingka ba sin ikan,#Kul K 21.31-35.
ai latwanka lâka ba ban kaia ra ban sa bamna.
21Witin sika tasba baha king nani ra yuan ba,
ai latwanka lâka ba ban kaia ra ban sa bamna,
22bara ai napakan Israel ra yaban ai prapatika baku,
ai latwanka lâka ba ban kaia ra ban sa bamna.
23Witin sika, ai kupia krauki ba yawan dring prui ba ra,
ai latwanka lâka ba ban kaia ra ban sa bamna.
24Witin sika wan waihla nani mihta wina wan dakbi wan sakisa,
ai latwanka lâka ba ban kaia ra ban sa bamna.
25Witin sika, plun dakakisa upla nani ra bara daiwan nani ra,
ai latwanka lâka ba ban kaia ra ban sa bamna.
26¡Man nani kasbrika pura ba Gâdka ba ra tingki wis,
ai latwanka lâka ba ban kaia ra ban sa bamna!
Currently Selected:
Lawana Nani 136: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
