Lawana Nani 135
135
LAWANA 135 (134)
Dawan diara tara nani daukan ba
1¡Dawan ba mayunan kabia!
Man nani bui Dawan nina ba mayuns;
mayuns, man nani, Dawan napakanka nani,
2Dawan tempelka ra sma nani ba;
yawan wan Dawan watla latka nani ra sma ba.
3Dawan ra mayuns man nani,
kan witin ba yamni sa bamna;
lawana aiwani witin nina mayuns,
kan witin kupia yamni sa bamna.
4Dawan Jekob ba bâk saki brin, Israel ba,
ai dukia kukan kabia wisi.
5Yang kasak kaikisni Dawan ba wan Gâdka sa,
witin ba kau tara sa, gâd wala nani sut ba wal.
6Dawan witin dîa daukaia ba sut daukisa,
kasbrika pura ra bara tasba ra sin,
kabu tihuka nani ra ba sut.
7Witin mukus nani yan uluya,
wan tasba paskanka lâs ba wina;
witin lî auhi ba dukiara,
imyula nani yan maisa pakisa,
witin ai dukia kukan nani bri ba wina,
pâsa sakisa.#Jir 10.13; 51.16.
8Witin sika Idsip luhpia tawahkia nani ikan
upla bara daiwan tawahkia nani sin sut.
9Witin, sain aihka nani blikan
Idsip lilapaska ba kat,
King fero bara ai wihtka nani mapara.#Imp St 12.29-30.
10Witin lika nisan ailal ra ikan,
king karnakira nani rayaka sin sakan.
11Sihón ra, amorreo nani kingka ba,
Og, Basán kingka sin,#Kul K 21.21-35.
Kenan kingka nani sut sin ikan;
12baha nani kingka tasbaya sut ba
witin ai uplika, Israel luhpia nani ra dukia baku yan.
13Dawan, man ninam ban kaia ra bâra sa,
Dawan, man tânkam ba,
upla ai kupia krauki kabia ban kaia ra.
14Dawan ba ai uplika nani lâka kasakka tânka kat daukisa;#Kli S 32.36.
ai napakanka nani dukiara sin,
ai kupia swapni daukisa.
15Lukras aidulka nani ba,
gul bara silbar sa;
upla ai mihta nani ni paskan dukia sa.
16Baha nani bîla brisa,
kuna sturi aisaras;
nakra nani brisa,
kuna sip kaikras;
17kiama nani brisa,
kuna sip walras;
rayaka sin âpu.
18Baha aidulka nani wal baku sa,
ya nani bui paski ba;
bara ya nani bui kasak luki ba.#Law 115.4-8; Ais 44.9-20; Jir 10.1-16; Par M 9.20.
19Israel luhpia nani, Dawan ba yamni sa wis;
prîs nani, Dawan ba yamni sa wis.
20Libait nani, Dawan ba yamni sa wis;
Dawan ra sibrin luki uplika nani,
Dawan ba yamni sa wis.
21¡Dawan yamni pali wis Saion ra,
Dawan sika Jerusalem ra ai watla bri iwi ba!
¡Dawan nina ba mayunan kabia!
Currently Selected:
Lawana Nani 135: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
