Sins Lâka 10
10
Salaman aisanka nani pas asla wahbi sakan ba
(10.1—22.16)
1Salaman aisanka nani ba:
Luhpia waitna sinskira ba,
ai aisika nani ra lilia sakisa,
kuna luhpia waitna taniskira ba,
ai aisika nani sarka paskisa.#S L 15.20.
2Wan yuyaka nani lâ watawi mita kukan ba,
wan hilpka kabia apia sa,
sakuna kasakka lâka lika,
prura wina wan dakbi wan sakisa.#S L 11.4.
3Dawan ba upla kasakkira ra
sanglang wahwaia yaras,
sakuna watawikira nani ra alki takaskisa,
brinka nani ba daskaia.#Law 34.10.
4Wan mihta wark daukras,
sringwan lâka man bri ba umpira wan sakisa,
sakuna wark karna taki ba mita,
yuya ailal sakisa.
5Lapta mani ra plun wahbi suni ba lika,
tânkira muni uplika sa;
insla mâ krikaia piua ra yapi ba lika swirkas nani.
6Upla kasakkira nani lal purara
yamnika tara nani bâra sa;
sakuna rausauhkan lâka ni,
upla watawikira nani bîla ba praki brisa.
7Upla kasakkira ba yamni lâka wal kupia kraukisa,
rugkira ba, isti pali âuya tiwisa.
8Ya sinskira ba lâ bîla nani ba wali brisa;
ya mita tanis lâka aisi ba kriwi âpu takbia.
9Ya tras âpu ba sibrin kumi sin âpu sa;
ya saura tauki ba, saura danh takbia.
10Ai nakra kiuski ba, sari lâka bukisa,
bara tanis aisi ba uplika ra klala yan kabia.
11Upla kasakkira bîla ba,
raya kaia laya kârma sa,
sakuna upla watawi nani bîla ba,
rausauhkan lâka ni pura praki brisa.
12Misbara lâka ba
unsaban lâka nani bukisa,
sakuna latwan lâka lika,
lâ sauhkanka nani ra pura praki bikisa.#Je 5.20; 1 Pi 4.8.
13Diara tânka luki uplika bîla nani ba wina,
yawan sins lâka sakisa;
kuna klala ni, sins yamni briras uplika
nina dusa ra wipan kabia.
14Sinskira nani ba sins lâka bri ba
suni kahbi main kaiki brisa,
sakuna taniskira nani aisinka ba,
wan lamara pat pali aula sa diara sauhkaia lâka ba.
15Upla lalahkira nani ba,
ai yuyaka ailal bri ba ai karnika sa;
umpira nani sauhki tikanka ba,
ai umpirka lâka ba mita sa.
16Upla kasakkira ai warkka taki ba mana sika rayaka ba;
upla watawikira nani dâki ba,
mâ nani sika, saurka lâka ba.
17Smalkanka yan ba ban brih dauki uplika ba,
raya kaia yabalka ra sa;
sakuna wan kupia kraukanka lulki swi uplika ba,
tanis tiwaia lâka ra auya.
18Misbara pura praki bri uplika ba
kunin aisasara sa;
nina sauhkan dahra kwahki ba,
sins âpu nani warkka sa.
19Ya sturi ailal aisi ba,
swakwanka ailal brisa;
upla ai twisa alki takaski nani ba tânkira sa.
20Upla kasakkira twisa ba
silbar aihwa pali baku sa,
upla watawikira nani lukanka ba bahki man sa.
21Upla kasakkira nani aisanka mita
upla ailal yamni smalkisa,
taniskira nani ba
sins yamni luha ba tâka mita pruisa.
22Dawan yamni wan muni ba
yuyakira wan sakisa;
witin wal aikuki,
sari lâka prakras sa.
23Upla sinskas ba, saura lâka daukaia ba,
pulaia baku kulkisa;
sins lâka mita diara tânka kaiki uplika
ai lilia, âuyapah kira sakisa.
24Upla watawikira sibrin luki ba,
sibrinka witin bri ba kat ai purara balbia,
kasakkira nani brin dauki ba wina,
witin nani ra diara yabia sa.
25Prari ba lui auya ba ra
watawikira ba lap tiwisa,
sakuna kasakkira nani lika,
ban kaia ra ban bâra sa.
26Binigar wan napa yan srimi ba baku,
kiasma wan nakra laya saki baku,
baku sa upla sringwaskira ba ani anira blîkbia ba.
27Dawan ra sibrinka ba mita,
wan yua nani ba kau pura prakisa;
sakuna upla watawi nani manka ba,
klutka daukan kabia.
28Kasakkira nani
ai kanra briaia luki ba lika
lilia lâka;
sakuna watawikira nani
ai kanra bîla kaiki ba lika
tanis tiwaia lâka ba.
29Dawan ba kan kahbisa
yamni dauki uplika nani ra,
sakuna sauhki tikisa
ya saura dauki nani ra.
30Upla kasakkira ba
ban kaia ra sip tiwras kabia,
sakuna watawikira nani ba,
sip tasba ra ban kapras.
31Upla kasakkira bîla ba
sins lâka mâ sakisa,#Law 37.30.
sakuna watawikira nani ra
twisa ba dakban kabia.
32Upla kasakkira nani ba,
diara yamni man aisisa;
upla watawikira nani lika
diara saura nani baman aisisa.
Currently Selected:
Sins Lâka 10: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
