Sins Lâka 9
9
Sins lâka wih taniska lâka wal prakan ba
1Sins lâka ba mita ai watla mâkan;
playka nani 7 wal skahki daukan sa.
2Witin ai daiwra nani ikan
lilia daukaia dukiara;
wain aihwa ridi dauki,
ai tibilka ra mangkan.
3Bara ai albika mairin nani ba blikan
tawan purara uli winaia:
4“¡Nâra bal,
sins tânka aitani briras wahmika nani!”
Taniskira nani ra ai bîla aisinka ba blikan wan:
5“Bal, man nani,
plun brisna na wina pis;
bara wain ridi daukri na wina sin diaia.
6Man nani tanis lâka ba swis,
bara raya kama; upla sinskira nani baku
man nani tauki bas.”
7Trabil babukra bara rugkira ra lawi dauks
waihla kaikaia bara saura munaia baman man brima.
8Lawaska kakikra ra kupia kraukma,
man misbara kaikaia lâka ni brima;
sinskira ra kupia krauks,
bara witin latwan mai kaikbia.
9Sinskira ra diara yas,
bara witin kau sinskira takbia;
upla pain ra diara smalks,
bara witin kau aiska sinskira takbia.
10Dawan ra kulkaia ba wina,
sins lâka ba takisa;#Job 28.28; Law 111.10; S L 1.7.
holikira pali ra kakaira takaia ba lika,
sins briaia lâka sa.
11Tingki manis sins lâka ra,
yuam nani kau ailal maikbia,
bara rayakam manka nani sin
kau pura praki maikbia.
12Man sinskira kama kaka,
yamnika nani ba man pali wînam hilpka brima;
bara man trabil babukra sma kaka,
baha sin man yakan wînam ra
baha pâtka nani ba wapni daukma.
13Sinskas lâka ba
mairin upla nina aisasara baku sa,
pûlkira bara diara tânka briras.
14Bara witin ai watla durka bilara iwisa,
iwaika kum purara,
tawan tara ba kau pura tani ra;
15bara baku yabal ra wawapra tauki uplika nani ra winisa;
ai yabalka yamni bâk auya ba mita:
16“¡Nâra bal,
diara tânka kaikras wahmika nani!”
Taniskira nani ra wiaia blîks:
17“Implikan laya nani ba diaia kau auhni sa;
plun yukuwi pin ba, kau auhni sa.”
18Sakuna witin nani tânka briras sa
ai paiwan uplika nani ba,
nanara dista kum baman sa,
prura kingka tasbaya ra.
Currently Selected:
Sins Lâka 9: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
