Sins Lâka 11
11
1Paun kunin mangki ba lika,
Dawan nakra ra saura pali kaiki kan,
kuna paun kat kasak mangki ba,
yamni kaikisa.#Lib 19.35-36; Kli S 25.13-16; S L 20.10,23; Em 8.5.
2Praut lâka briaia ba,
kulkras lâka nani bukisa;
sins lâka lika umpira
bawikira nani wal sa.#S L 13.10.
3Wapnikira nani ba
ai lâka aihwa man bri mita
tâ brih wabia,
saura dadaukra nani ba
ai saurka lâka dauki ba mita,
sauhki tikan kabia.
4Wan yuyaka ailalka ba,
wan hilpka kabia apia lâ tara yua ra,
sakuna kasakka lâka mita
prura wina wan dakbi wan sâkbia.#S L 10.2.
5Kasak lâka ba mita
kasakkira ra yabalka wapni daukisa,
sakuna upla watawikira ba
ai lâka watawi ba mita kauhbia.
6Wapnikira nani kasakka ba bui
witin nani ba pri sâkbia,
sakuna saura dadaukra nani lika,
ai saurka pali ni blaki alkan kabia.
7Upla watawikira prui ba ra
ai kanra bîla kaiki kan ba,
ai kupia ra paski bri ba sin pruisa.
8Kasakkira lika trabil saura wina pri sakan sa,
kuna watawikira ba, witinka watlika ra aimakisa.
9Watawikira ai bîla aisinka ba ni
ai uplika ra sauhki tikisa,
kuna kasakkira nani lika
sins lâka kaiki ba mita pri sakan kabia.
10Kasakkira nani mapara
diara pain auya ba ra,
tawan ba ai âuyapah kira takisa;
bara watawikira nani tanis tiwi ba ra,
upla nani lika lilia pali pulisa.
11Kasakkira nani yamnika lâka mita,
tawan kum paskan kabia,
sakuna watawikira nani bîla aisanka ba mita
tawan ba makupi slingbuya.
12Diara tânka kaikras nani ba
ai uplika aihwa ninara saura aisisa,
sins tânka bri nani ba ai bîla prakisa.
13Aisin kwakwahkra uplika ba
diara sut aisisa;
kasak aisi uplika ba aisaras takaski brisa.
14Gabamint ba pain apia kaka,
nisan ba kauhisa;
lâ uplika daknika ailal ba mita pura luisa.#Si L 6.24.
15Saura takisa upla tringsar kum
tras dimi kaka tâ baikan ba;
upla ra hilp munaia ba wina alki takaski ba,
ai âuyapah iwisa.
16Kupia yamni mairka lika
kulkan lâka bribia,
kupia karna waitnika lika
ai yuyaka ailal brisa.
17Kupia pihni waitnika ba,
ai rayaka pali ra yamni munisa,
sakuna kupias uplika lika,
ai wîna ra saura munisa.
18Watawikira ba kunin lâka ra ai mana brisa,
kuna kasakka lâka mâ mangki ba,
ai mana kasak aihwa bribia.
19Kasakka lâka ninara wama kaka,
raya kaia lâka ra wan brih wabia,
sakuna saura lâka nina bliki uplika lika,
pruaia man plikisa.
20Kupia watawi uplika nani ba
Dawan nakra ra saura pali sa,
sakuna yabal aihwa ra man tauki uplika nani ra
yamni lukisa.
21Kasak pali watawikira ba,
klala briras takaskbia apia,
sakuna kasakkira nani ba pain pri takbia.
22Gul kuldusika kwirku kakma ra mangkan ba,
baha sika mairin prana painkira kum sinska kunhku ba.
23Kasakkira nani brin dauki ba lika
yamni man sa,
kuna watawikira nani ai kanra bîla kaiki ba lika,
kupia baiwanka baman.
24Upla bâra sa diara yui ba
kau aiska pura praki brisa;
wala bâra sa, diara yuaia kan ba takaskisa,
ban sakuna umpira bara diara luha takisa.
25Ya kupia pain ba, yamni ra pâwisa;
ya diara yui ba, baku sin brin kabia.
26Plawar mâ atkras, alki takaski uplika ra,
upla nani bui lahtuban bîla wisa,
sakuna saki atki uplika ba purara
upla nani ba bui yamni munan bîla wisa.
27Ya diara yamni pliki ba,
upla witin ra yamni lukaia lâka plikisa,
bara saura lâka pliki uplika ra,
baha pali saurka ba witin ra balbia.
28Ai yuyaka ailal ra luki tniwi ba lika kauhbia,#Mk 10.23-25.
sakuna kasakkira nani lika,
dus wahia kura baku pain pâwi kabia.
29Ya ai watla main kaikras ba,
diara kumi sin sâkbia apia.
Bara upla taniskira ba, piu bani ra
sins nani ba ai albika kabia.
30Kasakka lâka ba rayaka yabisa,
karnika ni sauhki tiki ba lika
rayaka sakisa.
31Kasakkira ba naha tasba ra ai mana bribia kaka,
¡nahki kau aitani sa rugkira nani
bara saura dadaukra nani ra!#1 Pi 4.18.
Currently Selected:
Sins Lâka 11: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
