Matiu 7
7
Man nani uplikam lâka aisi daukpara
(Lk 6.37-38,41-42)
1“Uplikam lâka aisi daukpara, baku mika Gâd mita man nani lâmka aisi daukbia apia. 2Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.#Mk 4.24. 3Muihkam nakra ra tâski lupia ba kaikaia sip sma ba, ¿dîa kan man namkra ra dus playa kum bâra ba sip kaikras sma? 4Bara man namkra pali ra dus playa kum brisma ba, ¿nahki man muihkam ra wiaia sip kama: ‘Aik namkra wina tâski lupia ba sakamna’? 5¡Man kuninkira! Man namkra ra yuya tara ba pas sâks, bara baku lika sip kama pain kaiki, muihkam nakra ra tâski yuya ba sakaia.
6“Diara holi nani ba man nani yul nani ra yapara, kan witin nani kli tawi bal man nani ra mai sami pîs pîs ra mai daukbia. Baku sin kwirku nani mawanra walpaya manakira nani ba lulkpara, kan baha witin nani ai mina ni taibia.
Makabaia, plikaia bara dur ra kingbaia
(Lk 11.9-13; 6.31)
7“Man nani makas, bara Gâd mita maikbia; pliks, bara sâkma; dur ra kings, bara man nani ra kwâkan kabia. 8Kan ya ya makabi ba brisa; ya pliki ba, sakisa;#Kli S 4.29; 2 Kr 15.2-15; Jir 29.13. bara ya dur ra kingbi ba, witin ra kwâkan sa.
9“¿Man nani tilamra upla kum sip sa ki ai luhpia kum mita brit makabia kaka, walpa kum yabaia? 10¿Apia kaka inska makabia kaka, piuta kum ni yabaia? 11Kan man nani ba saurakira sma sakuna luhpiam nani ra diara yamni nani yabaia ba kaikisma, ¡kau pali kasbrika purara ba diara yamni nani yabia, ya ya witin ra makabia ba ra!#Jn 14.13-14; 15.7,16; 16.23-24; 1 Jn 3.21-22; 5.14-15.
12“Baku bamna, upla wala nani man nani ra dîa mai daukaia brin mai dauki ba baku, man nani sin dauks;#Lk 6.31. kan baha daukaia sika lâ ra wan aisi ba prapit nani ulbanka ra sin.
Dur bîla sirpi ba
(Lk 13.24)
13“Man nani dur bîla sirpi bâk dims. Hil pauta ra auya durka ba bîla tara sa bara yabalka ba sin tara pali sa, bamna upla ailal bahak impakisa; 14sakuna raya kaia ra auya durka ba yabalka ba bîla sirpi bara karna pali sa bahara waia, bara upla tila nani baman baha sakisa.#Law 1.6; S L 4.18-19.
Dus ba ai mâ nani bâk upla tânka kaikisa
(Lk 6.43-44)
15“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa. 16Ai daukanka nani ba mita man nani bui tânka ba kaikma; kan kiaya dusa wina upla wain mâ wahbras, rahra kiaya wina sin kwah mâ wahbras sa. 17Baku bamna, dus yamni bani mâ yamni sakisa, bara dus saura bani mâ saura baman sakisa. 18Dus yamni ba sip mâ saura sakras, dus saura ba sin sip mâ pain sakras. 19Ani dus mâ pain sakras ba, klaki dakbi pauta ra angkisa.#Mt 3.10; Lk 3.9. 20Baku bamna, man nani ai daukanka nani bâk witin nani tânka kaikma.#Mt 12.33; Ecl 27.6.
Upla sut kasbrika purara Kingka Lâka ra dimbia apia
(Lk 13.25-27)
21“Baha nani yang ra ‘Dawan, Dawan’, ai wi nani ba baman lika kasbrika purara kingka tasbaya ra dimbia apia, sakuna ya ya Aisiki kasbrika purara ba kupia lâka dauki ba, baha nani lika. 22Baha yua balbia ba ra, upla ailal ai wibia: ‘Dawan, Dawan, yang nani lika man ninam mâki sturi yamni aisi banhri, ninam mâki pirit saura nani kangbi sakri, bara ninam mâki sin sain tara ailal dauki banhri.’ 23Sakuna yang mita pana witin nani ra wimna: ‘Yang bui man nani ra mai kaikras pali katna; ¡diara saura baman dadaukra nani, maiwan wina taki was!’#Law 6.8.
Playa bapanka wâl ba
(Mk 1.22; Lk 6.47-49)
24“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa. 25Lî ba auhan, awala nani ra lisamra dingkan bara pâsa nani ba watla ra karna prukan, sakuna sip batakras kan, ai playa ba walpa purara bapan kan bamna. 26Sakuna ya yang bîli wali baman, dîa wisna ba kat daukras ba lika, upla sinskas kum ai watla auhya purara mâkan ba baku sa. 27Lî ba auhan, awala nani ra lisamra dingkan, pâsa nani sin watla ra prukan; ¡bara aiska pali kauhi aisawan!”
28Jisas aisi prakan ba ra, ai smalkanka dukiara upla nani tâ iwi kata; 29kan witin karnika tara ni smalki kan, Lâ Smasmalkra nani baku lika apia.#Mk 1.22; Lk 4.32.
Currently Selected:
Matiu 7: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua