Popular Bible Verses from Matiu 7

Share

“Man nani makas, bara Gâd mita maikbia; pliks, bara sâkma; dur ra kings, bara man nani ra kwâkan kabia.

Kan ya ya makabi ba brisa; ya pliki ba, sakisa; bara ya dur ra kingbi ba, witin ra kwâkan sa.

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

“Baku bamna, upla wala nani man nani ra dîa mai daukaia brin mai dauki ba baku, man nani sin dauks; kan baha daukaia sika lâ ra wan aisi ba prapit nani ulbanka ra sin.

sakuna raya kaia ra auya durka ba yabalka ba bîla sirpi bara karna pali sa bahara waia, bara upla tila nani baman baha sakisa.

“Man nani dur bîla sirpi bâk dims. Hil pauta ra auya durka ba bîla tara sa bara yabalka ba sin tara pali sa, bamna upla ailal bahak impakisa

Kan man nani ba saurakira sma sakuna luhpiam nani ra diara yamni nani yabaia ba kaikisma, ¡kau pali kasbrika purara ba diara yamni nani yabia, ya ya witin ra makabia ba ra!

“Uplikam lâka aisi daukpara, baku mika Gâd mita man nani lâmka aisi daukbia apia. Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Sakuna ya yang bîli wali baman, dîa wisna ba kat daukras ba lika, upla sinskas kum ai watla auhya purara mâkan ba baku sa.

Muihkam nakra ra tâski lupia ba kaikaia sip sma ba, ¿dîa kan man namkra ra dus playa kum bâra ba sip kaikras sma? Bara man namkra pali ra dus playa kum brisma ba, ¿nahki man muihkam ra wiaia sip kama: ‘Aik namkra wina tâski lupia ba sakamna’?

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa. Ai daukanka nani ba mita man nani bui tânka ba kaikma; kan kiaya dusa wina upla wain mâ wahbras, rahra kiaya wina sin kwah mâ wahbras sa.

Baku bamna, dus yamni bani mâ yamni sakisa, bara dus saura bani mâ saura baman sakisa.

Dus yamni ba sip mâ saura sakras, dus saura ba sin sip mâ pain sakras.

Ani dus mâ pain sakras ba, klaki dakbi pauta ra angkisa.