Zaburi 23
23
Uhoraho, umushumba mwiza#23.1 Uhoraho, umushumba mwiza: igice cya mbere cy’iyi zaburi, kirerekana Uhoraho nk’umushumba mwiza uyobora intama ze, akazahura mu rwuri rutoshye; kandi akazirinda icyazihungabanya cyose (1–4). Naho igice cya 2, kitugereranyiriza Uhoraho n’umuntu mwiza wakirana urugwiro umugenzi unaniwe uza amugana (5–6).
1Ni zaburi iri mu zo bitirira Dawudi.
Uhoraho ni we mushumba wanjye,
nta cyo nzabura!
2Andagira mu rwuri rutoshye,
akanshora ku mariba y’amazi afutse,
maze akankomeza umutima.
3Anyobora inzira y’ubutungane,
abigiriye kubahiriza izina rye.
4N’aho nanyura mu manga yijimye
nta cyankura umutima, kuko uba uri kumwe nanjye,
inkoni yawe y’ubushumba intera ubugabo.
5Imbere yanjye uhategura ameza,
abanzi banjye bareba,
ukansiga amavuta mu mutwe,
inkongoro yanjye ukayisendereza.
6Koko ineza n’urukundo byawe biramperekeza,
mu gihe cyose nzaba nkiriho.
Nanjye rero nzaza niturire mu Ngoro y’Uhoraho,
abe ari ho nibera iminsi yose.
Currently Selected:
Zaburi 23: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
