Zaburi 129
129
Uhoraho arwanya abanzi ba Israheli#129.1 . . . abanzi ba Israheli: umuryango w’Abayisraheli wakomeje gutotezwa mu mateka yawo, urigereranya n’umunyabyago baremye inguma. Nyamara ariko ukomeje kwiringira Imana, kuko uzi neza ko abanzi ba Siyoni atari bo bazahabwa umugisha w’Uhoraho.
1Indirimbo y’amazamuko.
Barandwanyije kuva mu buto bwanjye,
— ngaho Israheli nibyivugire!—
2barandwanyije kuva mu buto bwanjye,
ariko ntibashoboye kuntsinda.
3Umugongo wanjye bawuciyeho imihora,
boshye abahinga umurima.
4Ariko Uhoraho ntarenganya,
yacagaguye ingoyi abagome bambohesheje.
5Nibakorwe n’isoni abanga Siyoni bose,
maze bihinde basubira inyuma!
6Nibahinduke nk’ibyatsi bimera ku nzu,
byo byumirana batarabirandura!
7Ni byo umusaruzi atuzuza mu biganza bye,
n’ubihambira ntabikuremo umuba.
8Abahisi ntibakababwire bati
«Nimugire umugisha w’Uhoraho,
tubasabiye umugisha mu izina ry’Uhoraho.»
Currently Selected:
Zaburi 129: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
