Lukka 21
21
Kesim tee mariya ab ragi too muttu.
(Mark 12:41-44)
1Ligo Yesu mee Swahaba too lissa fih-fih midani tee Yeekalu fih Jerusalem, uwo lifu enna uwo ayinu annas ab tajirin ligo ummon ggi wedi sadaka tomon. 2Uwo ayinu mariya ab ragi too muttu ligo uwo ggi wedi ssente tenini tee zaabu. 3Dukur Yesu kelem gali, “Fih hakki anaa ggi kelem nee itakkum gali, mariya ab miskiin weede owedi shinda annas ab tajirin kuul. 4Kalam ummon tajir dee kuul ummon wedi siya zaidi min milaan ab ummon endis. Lakin mariya miskiin dee wedi killa sokol ab uwo kaan endis tee eesh fogo.”
Keregi tee Yeekalu
(Matthew 24:1,2; Mark 13:1,2)
5Badda dolde kuul, annas taanin abidu wonus fih Yeekalu mee kelem gali, “Ayinu kum laagera ab kuweesin tee Yeekalu! Kaman ayinu kum zawadi ab kuweesin ab annas wedi nee Rabbana. 6Sokolinna ab kuweesin ab itakkum ggi ayinu, yom ggi tim ligo mafih laager ab faddul mee killa wayyi bijja durub falaata.”
Alma tee wakati mee mwisho tee wakati weede
(Matthew 24:3-14; Mark 13:3-13)
7Dukur Swahaba too asaadu uwo gali, “malim, sokolinna dolde bi sowo miitten? Seyi bi kun naa alma ligo sokolin dee geeri mee sowo?”
8Yaa, Yesu kelem noomon gali, “Chunnga itakkum kede maa kabas itakkum kalam annas milaan bijja tummiya asmma tayi, anaa yaa uwo, mwisho tee duniya geeri. Lakin matakkum amin ummon. 9Kaan itakkum asmma fih dusman mee kaffu uwo, matakkum kaffu kalam sokolin jeedde ggi sowo fih awlan kabbla mwisho tee duniya jaa.”
10Dukur Yesu kelem noomon mara taani gali. “Annas tee Bele wayyi bijja dusman mee annas tee Bele taani, fih nammna wayyi dee mamlaka bijja dusman mee mamlaka taanin 11Bijja kun hizzu-hizzu tee guddrra fih bakaana tee fawti mee jaani bijja jaa, mee ayan tee guddrra. Mee sokolin tee kuwaf mee alama ab ggi harisha bijja jaa min Samayi.
12Lakin ligo sokolinna dolde kuul lissa sowo maa, bijja amsuku itakkum, bijja wedi itakkum fih idda tee annas tee sharia, bi sulu itakkum fih Sinagoga mee fih jee llaa. Wu bi jibu itakkum nee nas Sultan mee gavana kalam asmma tayi. 13Lakin wedede bi kun baraka nee itakkum kun shahidin tayi. 14Lakin kumbuka kum matakkum feker fih sunu ab itakkum bi ggibisha ummon. 15Anaa bi wedi nee itakkum kalama mee agil tee arfu sokol ab tee wonus mee ummon ab gata nee itakkum kesi ummon bi agddear itakkum maa. 16Bijja sulu itakkum nee waazazi tomon, akwaana, faa miile mee sabiyan tomon, mee taanin min itakkum bi katul ummon. 17Killa wayyi bi aba itakkum asmma tayi 18Lakin maa fih suraas ladi wayyi ab ggi taala fih rasu takki. 19Kalam kaan itakkum bi kun mee subra fih killa sokol, bijja ponyesha hidaaya takkum.”
Keregi tee Jerusalem
(Matthew 24:15-28; Mark 13:14-23)
20Yesu zidu kelem noomon gali, “Kaan itakkum ayinu meddina tee Jerusalem ligo lifu mee askeria tee aduya, dukur itakkum bi faham gali saa too tee keregi kalas rasul. 21Fih wakati naade, annas ab ggi geni fih Yudaaya, ummon kede jerre fih gala fih dusu ummon mee annas ab ggi geni fih Jerusalem kaman kede taala, mee ummon ab fih-fih belana tee geeri kede ummon maa aarja fih meddina dee. 22Kalam dolde bi kun yom tee Rabbana tee zabu. Wedede bi sowo kalam sokolin ab jaa katif bijja sowo. 23Bijja kun batal nee nuswaana ab aamili mee annas ab ggi rada yaala tomon, kalam annas giruwa taabu zaidi fih Bele dee kuul mee Rabbana bi jaani mee annas dolde. 24Annas taanin bijja katul ummon mee askeria mee sila, mee annas taanin bijja amsuku ummon mee sulu ummon fih belene taa fawti jee jela. Mee meddina tee Jerusalem bijja sulu mee annas ab maa tee Yudaaya ladi wakati ab Rabbana adil noomon tee hukkum kalas.”
Jaa tee Nyereku tee binadum
(Matthew 24:29-31; Mark 13:24-27)
25Badda dolde, bijja kun alama fih semsi, fih shaari mee fih nezima mee fih duniya. Belana bijja kun fih taabu mee faham maa kalam sauti tee foo tee moyo bijja min bahari. 26Annas milaan bijja kaffu mee kemir kalam sokolin ab bijja sowo fih duniya. Mee guddrra tee samayi bijja hizzu-hizzu duniya. 27Fih wakati dee, annas min bakaana kuul bijja ayinu nyereku tee binadum mee guddrra mee hishima tee guddrra. 28“Kaan sokolin dolde ggi sowo, ayinu foo wu kede itaa arfu rasu takki, kalam hidaaya takkum jaa geeri”
Ijamajako tee shedel ab ggi kutu matunda
(Matthew 24:32-35; Mark 13:28-31)
29Min naa, Yesu kelem noomon ijamajako gali, “Ayinu shedel zaitun nee shedel taanin kuul. 30Kaan itakkum ayinu koru foo ligo ggi rabba fogo, ayinu kum mee faham kum gali laata harri jaa geeri. 31Fih nammna wayyi dee, kaan itakkum ayinu sokolin dee kuul ab ggi sowo, itakkum endis tee faham mamlaka tee Rabbana jaa geeri.
32Fih hakki anaa ggi kelem nee itakkum gali, wakati wedede bi futu maa ladi sokolin dee bi sowo 33Samayi mee duniya bijja keregi lakin kalam tayi bijja keregi maa.”
Fayyida tee ayinu
(Matthew 24:36-44; Mark 13:32-37)
34Chunnga itakkum kede itakkum maa karab saa tomon fih furaayi mee asurub, mee feker fih sokolin tee hidaaya, kalam yom tayi tee aarja kede maa ligo itakkum ligo itakkum arfu maa. 35Kalam bijja jaa jee alma nee ummon ab geni fih duniya kuul. 36“Fih jeedde ayinu kum mee womba nee Rabbana saa kuul gali, bi sulu itakkum batal kaan itakkum futu fih taabu milaan. Ligo nyereku tee binadum jaa nee itakkum uwo bi agddear yegif gidaam ummon.”
37Fih yom ligo Yesu lissa ggi alim fih Yeekalu, lakin wakati fileli tim uwo ruwa baara ogeeni fih gala ggi naadi zaitun. 38Dukur minsubu kebir, annas kuul jee fih Yeekalu fih asmma uwo.
Currently Selected:
Lukka 21: KCN
Highlight
Copy
Compare
Share
Want to have your highlights saved across all your devices? Sign up or sign in
Nubi Bible by Beyond Translation is licensed under Creative Commons Attribution-ShareAlike 4.0 License.
