Lukā 20
20
Bhijeh̄ yēsuˊ a dheh̄ joˊ dheh̄ k moh̄
(Maˊthehˊ 21:23-27. Mākuˊ 11:27-33)
1Bheh̄ d nī Bhih̄ceh̄ hoh́trá deh̄ló jārā bū leh́ ílā byā deh̄thuh̄ī thoh́ ī nū loh̄.Proh́hé lá leh́ apuh̄htā ceh̄cāchí Moh́shē aceh̄ a khō ā neh̄ dh̄kūthih̄ bheh̄thih̄ lá leh́ byā yúdhá a khō deh̄wih̄deh̄keh́ lá nū 2Bwá í neh̄ akhweh̄ leh́ “Hoh́trá deh̄ló jārā bū leh́ thuh̄ ī thoh́ ī deh̄noh̄?” Mih̄ c dheh́dhō coh́. 3Bhih̄ceh̄ dhoh̄ koh́dheh́ “Thíˊ deh̄ tmih̄ lehˊ dhoh̄ aiˊ keˊ yeh̄. 4Deh̄lū bhlō chí thā rā Yoh́hā nū bwá íceh̄ deh̄khweh̄deh̄yā leh́ lū bhló deh̄noh̄? Mih̄ Pā bhih̄ceh̄ íceh̄ deh̄khweh̄deh̄yā nū ahá?Mih́ tmih̄ noh̄ byā ló a lē wē íceh̄ deh̄khweh̄deh̄yā t bweh̄ ahā? mih̄ Bhih̄ceh̄ dheh́htā deh̄dheh́cā nū loh̄.” 5Ceh̄ coh́ c dhoh̄ ceh́ j oh́ “Bhih̄ceh̄ koh́ dheh́htā ceh̄ leh́ Pā bhih̄ceh̄ mih́ í Yoh́hā deh̄khweh̄deh̄yā nū bheh̄má ‘Thí tneh̄ā Yēshú noh̄.’ 6Beyā íceh̄ t bweh̄ g mih́ dhoh̄ dhō nū byā lá koh́ wé thí keh̄ leh́ lō loh̄.Bheh̄mánoh̄mih̄ j neh̄ ā coh́ leh́ wi Yoh́hā mih̄ wi t bweh̄ nū loh̄” Mih c dhoh̄í leh̄ lō thā coh́ dhō nū loh̄. 7Akhōaceh́ byā neh̄ thā bweh̄ lá bwá í Yoh́hā akhweh̄ a yā noh̄ keh̄ t theh́ noh̄ mih̄ c dhoh̄ dhō ká dhō loh̄. 8Wá Bhih̄ceh̄ Yēshú “Bwábweh́ í yeh̄ leh́ deh̄khweh̄deh̄yā noh̄ leh́ y doh̄dhoh̄ keh̄ htā noh̄” Mih̄ c dhoh̄dōká dhō loh̄.
Beyā ghaˊ sī piˊ loh̄
(Maˊthehˊ 21:33-46. Mākuˊ 12:1-12)
9Bhih̄ceh̄ dhoh̄í byā lá leh́ deh̄lóblō t shó nū loh̄. “Spih́chā Bhih̄ceh̄ c í byā meh̄ ā ceh́ chābhé a kheh́ adhuh́ 10C koh́ bhápleh̄lā j byā bweh́ lēphih̄ íceh̄ ceh́ deh̄nūloh̄.Byā meh̄ deh̄ Spih́chā lá bōceh̄ adhuh́ wá t íceh̄ deh̄tmí noh̄ leh́ ná heh̄ htā keh́ ceh̄ loh̄. 11Chā Bhih̄ceh̄ bweh́ bhápleh̄lā kloh́ byā a theh́ t bweh̄.Byā meh̄ deh̄phō lá bōkloh́ byā bweh́ loh̄.Wá ceh̄ t í byā bweh́ deh̄tmí noh̄ leh̄ j nā heh̄ htā keh́ lo thā loh̄. 12Chā Bhih̄ceh̄ bweh́ bhápleh̄lā kloh́ byā t bweh̄ byā meh̄ deh̄phō lá bōkloh́ leh̄ lá bhó acahtā akhoh́dhoh́ leh́ j ná heh̄ htā kloh́ lō thā nū loh̄. 13Chā Spih́chā a neh̄ ceh̄ nū ‘Y bheh̄ meh̄ a bhó leh̄ noh̄ nū y theh́ lí y bheh̄ bhápleh̄lā yeh̄ lūgdúbheh̄ y phō khó bweh́ nū loh̄. Ceh̄ coh́ c koh́bheh̄yuh̄ bheh̄pweh́ y phō khó bweh́ nū loh̄’ C dhoh̄ ceh́ wá c bháplehā j phō khó bweh́ nū noh̄. 14Bya ̄meh̄deh̄phō lá ‘Meh̄ tnī j phō khó lá koh́ keh̄ htā chābbjh̄ceh̄.K koh́ phih̄ ní chābloh́ nū k meh̄ thí j pbōkhó bweh́’ C dhoh̄ lō thā dō wá ceh̄cwīhtā byā bweh́ ló deh̄khló wá j meh̄ thí lō thā loh̄. 15Khónóhō Spih́chā Bhih̄ceh̄ bweh́ koh́ meh̄ gé a bhó leh̄ nih̄? Bhih̄ceh̄ ddeh́ byā lá dhō loh̄. 16Byā Bhih̄ceh̄ a lohˊ moh̄ bweh́ koh́ meh̄ thí byā meh̄ deh̄phō Spih́chā lá loh̄.Wá chābhé c koh́ í gé byā a lē wē t bweh̄ acúbū” Mih̄ c dhoh̄í byā lá dhō loh̄. “Byā lá shoh́ neh̄ wá a kheh́ t kheh́ yō t keh̄ htāboh̄ noh̄” Mih̄ c dhoh̄ dhō coh́ loh̄. 17Bhih̄ceh̄ cā bhāceh̄ coh́ leh́ ló ceh̄cáchí bū nū “‘Byā koh́ bhoh́htā hídhō lá wéphloh̄ leh́ lō meh́#20:17 lō meh́ htoh̄ meh keh̄ htā leh lō loh̄. nū mih̄ a lō bā lēgdú lō meh́ nū loh̄.’ 18Byā mih́ tōbheh̄ tābheh̄ lō meh́ nū byā koh́ bōprih̄ hteh́dū hteh́gleh̄ nū loh̄” Mih̄ c dboh̄dhō loh̄. 19Deh̄theh́bheh́ akhōaceh̄ lá a khō ā neh̄ lá apuh̄htā ceh̄cāchí Moh́shē aceh̄ lá Bhih̄ceh̄ dhoh̄ deh̄lóblō shó lá bhó j wih̄ c keh́ nū mih̄ c theh́ coh́ loh̄. Ceh̄ lá nū c thāeh̄phh̄ Bhih̄ceh̄ adhuh́ tplāxá dhō loh̄.Bhāshoh́ j aī shá byā lá a leh̄ nū loh̄.
Beyā aiˊ dheh̄ khō dheh̄ t theh̄
(Maˊthehˊ 22:15-22. Mākuˊ 12:13-17)
20Ceh̄ coh́ c thāeh̄puh̄ Bhih̄ceh̄ bweh́ ló Yoh́má shābrā acūbū nū loh̄ akhōaceh́ deh̄dhoh̄deh̄dheh́ lá dhuh̄í cā íceh̄ loh̄.J ná byā ká t coh̄ leh́ dhuh̄í Bhih̄ceh̄ leh́ ceh̄ coh́ c bhápleh̄lā byācāhū deh̄láleh́ lá bhó byā wih̄ t coh̄ nū loh̄. 21Byā a lohˊ moh̄ cāhū deh̄lá c dhoh̄ Bhih̄ceh̄ lehˊ “Thrā koh́lōbā bheh̄ceh̄ coh́ a ghā khí byā koh́ meh̄bheh̄kuh̄ aká lá deh̄ló a bheh̄ lá n hoh́trá ceh̄ wá byā bwá noh̄ nū n beh́ yá thuh̄thuh̄ ceh̄ loh̄ mih̄ c dhoh̄htā dhō coh́ wá 22Trākhoh́né Keh̄ lá yō shābrā k bheh̄ í deh̄khuh̄deh̄thoh́ ló Ih̄pāyā bweh́ oh̄ ahá t bheh̄ í noh̄ ahá dhoh̄í má keh̄” C dhoh̄htā coh́ dhō wá 23Bhih̄ceh̄ theh́ leh́ ceh̄ coh́ adeh̄kū deh̄cā nū loh̄. 24C dhoh̄ byā lá leh́ “Byá htā thí yeh́geh̄yeh̄ xuh́ kheh́.” Xuh́ bhé a loh̄ nū bwá a yoh̄ leh́ bwá amī oh̄ noh̄?mih̄ c dheh́dhō loh̄.“Byā Trākhoh́né lá Ih̄pāyā bweh́ a yoh̄ leh́ amī loh̄” C dhoh̄dōká shābrā dhō loh̄. 25Bheh́ a kheh́ shābrā Bhih̄ceh̄ dhoh̄ Trākhoh́né “Deh̄bheh̄ cā Ih̄pāyā adeh̄ lá í bhā gé ceh́ coh́.Deh̄ bheh cā̄ Pā bhih̄ceh̄ a lohˊ moh̄ adeh̄ lá leh́ í bhā gé pābhihceh̄ eh́” Mih̄ Bhih̄ceh̄ dhoh̄ ceh̄ coh́ dhō loh̄. 26Byā lá nū cācálē Bhih̄ceh̄ adeh̄gmeh̄ d ní noh̄ a khō k̄luˊ aceh́ c puh̄ lō thā t ní loh̄.Ceh̄ coh́ c shoh́ neh̄ Bhih̄ceh̄ dhoh̄dōká deh̄ápuh̄lá a kheh́ c thā boh̄ coh́ leh́ coh̄ joh̄ ge ́coh́ loh̄.
Mū nī loˊ a kaˊ lē t kā
(Maˊthehˊ 22:23-33. Mākuˊ 12:18-27)
27Zādúkeh́ lá nū byā mih́ thí weh̄htōhtā byā thuh́muh́ htā#20:27 thuh́muh́ htā dheh̄ thiˊ wehˊ htō htā nū byā zādūkehˊ laˊ tneh̄ ah̄ noh̄. gé nū ceh̄ tneh̄ā coh́ noh̄. 28Akhōaceh́ Zādúkeh́ lá j lē bhā ló Bhih̄ceh̄ akáchih̄ leh́ “Ló Moh́shē aceh̄bhé#20:28 Moh́shē aceh̄bhé byā bō mu loˊ a phō t aoh̄ niˊ noh̄ lehˊ a wā mihˊ thiˊ nū j bheh̄ aehˊ keˊ j wā a pu laˊ bhoˊ j phō khohˊ aoh̄ a ghā khiˊ loh̄. abū nū ‘Byā phō byā meh́ oh̄ t bweh̄ j phō j lī t ní noh̄ leh́ j mih́ thí nū mūkmeh̄ bweh́ eh̄gé j bú bweh́ nū.J phō mih́ oh̄ lā úshū bweh́ nū byā bheh́ ceh̄ mih̄ a dhō bweh́ a phō loh̄.’ 29Bheh̄ tplā Theh́ bū weh̄ oh̄ thó thuh̄ g bweh̄ a dhō bweh́ htābā bhāshoh́ j phō t ní noh̄ c thí loh̄. 30Kí bweh̄ t bweh̄ nū ceh̄ koh̄ loh́ deh̄bōmúbweh́ leh́ j phō d ní noh̄ leh́ c thí kuh̄ loh̄. 31Thó bweh̄ t bweh́ leh́ mih̄ kuh̄ dhō loh̄.Lá bhó akhoh́dhoh́ byā thó thuh̄ t bweh̄ eh̄ leh́ mūkmeh́ bweh́ c thí coh́ loh̄. 32Akhígdū byā bōmú bweh́ thí kuh̄ gé loh̄. 33Byā bōmū bweh́ eh̄ dehthó̄thuh̄ t bweh̄ akhōaceh́ Bhih̄ceh̄ thí weh̄htōhtā mih́ í c thí weh̄htōhtā ckh́ nū deh̄bōmúbweh́ nū c koh́ mih̄ dhoh́leh̄ t bweh ameh́ noh̄” Mih̄ Zādúkeh́ lá dheh́htā dhō loh̄. 34Bhih̄ceh̄ Yēshú nū “Khó nó yō byā phloh́ byā neh̄ oh̄ loh̄. 35Bhāshoh́ deh̄oh̄thuh́muh́ ló aloh́moh̄ nū Bhih̄ceh̄ koh́ thí weh̄htōhtā thuh́muh́ htā gé a ghā khí akrōbheh̄ bweh́ nū deh̄thí leh́ koh́ toh̄noh̄ deh̄phloh́ leh́ koh́ toh̄noh̄ loh̄. 36Ceh̄ lá nū koh́ lábho ́ Bhih̄ceh̄ a lohˊ moh̄ eh́ k̄luˊ lá akhoh́dhoh́ c koh́ keh̄ htā Pā bhih̄ceh̄ a phō a lī thí weh̄htōhtā nū loh̄.A bheh̄má noh́ mih̄ ceh̄ lá nū mih̄ c koh́ thí weh́htōhtā coh́ loh̄. 37Ló Moh́shē a lohˊ moh̄ a juh̄ nū Pā bhih̄ceh̄ nu ‘Ābrāhā Ézeh́ Yākó eh́ Bhih̄ceh̄ nū loh̄’ Mih̄ oh́ phloh̄ htā pláthwí loh̄ Akhōaceh́ deh̄thí lá weh́htōhtā gé loh̄ nū mih̄ oh́ohloh̄htā pláshlih́ loh̄. 38Deh̄oh́ phloh̄ htā yō mih̄ Bhih̄ceh̄ a lohˊ moh̄ nū tmih̄ byā thí lá Bhih̄ceh̄ noh̄ mih̄ byā oh̄ thuh́muh́ lá Bhih̄ceh̄ loh̄. Amīakheh́ mih̄ byā ló lō lá mih̄ Bhih̄ceh̄ adeh̄ thā aeh̄ ní leh́ deh̄oh̄thuh́muh́ nū loh̄ n mih̄ Bhih̄ceh̄ dhoh̄ dhō nū loh̄.” 39Bheh́ nú apuh̄htā ceh̄cāchí a kheh́ dhoh̄ lehˊ “Thrā ah̄ n dhoh̄ dheh̄ nū mih̄ a bheh̄ loh̄. dheh́bhu ̄Bhih̄ceh̄ deh̄dheh́cā noh̄.” 40Bheh́ nú a kheh́ byā t bweh́ má t dheh́bhu ̄Bhih̄ceh̄ deh̄dheh́cā noh̄.
Joh̄ dhāwiˊ a phō khoˊ
(Maˊthehˊ 22:41-46. Mākuˊ 12:35-37)
41Bhih̄ceh̄ dhoh̄ byā lá leh́ “Mēshíā nū mih̄ shābrā Dhāwiˊ aphōkhó bhdh̄má thí dhoh̄ dhō noh̄? Bhih̄ceh̄ dheh́ceh̄ dhō loh̄. 42Ló ceh̄cáchí tsālā #20:42 tsālā loˊ htaˊshtoh̄ ptrō abū nū joh̄ dā wiˊ dhoh̄ lehˊ bhih̄ceh̄ mih̄ k dheh̄ hō wih̄ a leh̄ loh̄.bū nū shābrā Dhāwiˊ nū 43‘Pā bhih̄ceh̄ nū c dhoh̄ y Bhih̄ceh̄ Mēshíyá leh́ n dhoh̄ n dheh́ lá dú c koh́ oh̄ ló n khā dhéthā bū oh̄ ló y cū t htweh̄ khoh́ bā loh̄’ Mih̄ c dhoh̄ dhō loh̄. 44Shābrā Dhāwiˊ nū c dhoh̄ Mēshíā leh́ ‘Y Bhih̄ceh̄’ Akhōaceh́ Mēshíā nū c koh́ mih̄ shābrā Dhāwiˊ aphōkhó a bhó leh̄ noh̄?” Mih̄ Bhih̄ceh̄ dhoh́ pyá ceh́ coh́ loh̄.
Dheh̄ aiˊ p loh̄ lehˊ beyā khehˊ jeh̄
45Bhih̄ceh̄ nū byā ló lō lá shoh́ neh̄ deh̄coh́ a kheh́ nū c dhoh̄ y khih́ a byā lá leh́ boh̄ loh̄ boh̄dhoh́ boh̄ thí neh̄ leh́ apuh̄htā Moh́shē aceh̄cáchí lá nū loh̄. 46“Ceh̄ lá mih́heh̄ apuh̄htā ceh̄cāchí kleh̄ loh̄ c thoh̄ hī dhó ahtó leh́ j meh̄ eh̄ j neh̄ ckh́ loh̄.J mih́ lē dō ló byā ásheh́deh̄ a leh̄ nū c thā aeh̄ ní byā oh̄ shó yō lā j khō nū loh̄.Ló deh̄theh̄bheh́ a leh̄ nū j phih́ ní deh̄leh̄ ló aloh́moh̄ ̄ loh̄.Ló shīpweh́ nū j lē sháná ló deh̄leh̄eh̄ nū loh̄. 47Mūkmeh́ lá eh́ hídhō lá thíphih̄ noh̄dū noh̄dih̄ ceh̄ wá thí tehˊbhehˊhtā deh̄ a kheh́ thí theh́ bheh́ htó pleh̄ deh̄ loh̄ .Byā abhú dhōlá yō mih̄ c koh́ ní bheh̄ deh̄gmeh̄ adhōamū loh̄” Nū mih̄ ceh̄ í deh̄boh̄ loh̄ nū loh̄.
Currently Selected:
Lukā 20: JKM
Highlight
Copy
Compare
Share
Want to have your highlights saved across all your devices? Sign up or sign in
Damma Mate Swe Association (DMS)
