Lukā 14
14
Beyā t mā noh̄ t bwē aoh̄ mā hta
1Mū shoh́ dheh́ nī d nī nū, Bhih̄ceh̄ koh́ ā deh̄oh́deh̄ā lē ló Phārísheh́ t bweh̄ hídhō a kheh́, byā cahū cāyoh̄ Bhih̄ceh̄ nū loh̄. 2Tplāxá byā ló lō akleh́ a khā yoh̄ t bweh̄ nū j́ weh̄htōhtā ló Bhih̄ceh̄ Yēdhú aloh́moh̄ nū loh̄. 3Bhih̄ceh̄ Yēshú dheh́ Phārísheh́ lá leh́ apuh̄htā Moh́shē aceh̄ lá leh̄ “Mū shoh́ dheh́ nī nū bheh̄ meh̄ heh́ meh̄ deh̄sheh́ nū a bheh̄pweh́ ahā” C dheh́ lō thā dhōdhō loh̄. 4Bhāshoh́ deh̄lá t dhoh̄ doká jā deh̄tmí noh̄ loh̄. Bhih̄ceh̄ puh̄ bhā deh̄bheh̄sheh́ bweh́ wá tplāxá c deh́ sheh́ heh́ meh̄ leh́ j weh̄htōhtā heh̄ nū loh̄. 5Wá Bhih̄ceh̄ dhoh̄ byā lá leh́, “Ló mū shoh́ dheh́nū, thí phō khó, thí eh́ bō mih́ lā dē ló chíkwí bū nū thí cwíhtā ceh̄ tplāxá loh̄ tmih̄ noh̄” Mih̄ c dheh́ lō thā loh̄. 6Bhāshoh́byā lá t dhoh̄dōká jā geh̄ deh̄tmí nih̄ loh̄.
Shiˊ theh̄ mehˊ
7ló byā ādeh̄ a leh̄ t kheh́ nū, chí t meh́ coh́ hoh́ ní adhuh́ deh̄leh̄eh̄ a ghā khí c htō khō htō á coh́ loh̄. A bheh̄múbheh̄dhá t bweh̄ mih́ yōbhā thí leh́, 8“Thí mih́ lē ló deh̄phloh́ a kheh́ nū lē shánámeh́ ló deh̄leh̄ a wih̄ kheh́ nū meh́. A bheh̄múbheh̄dhá t bweh̄ mih́ yōbhā thí leh́, 9Deh̄bweh́ mih́ loh̄ bhā dō nū, heh̄phloh̄ keh́ t bweh́ a loh̄ ‘Thí koh́ bheh̄ dhoh̄ leh́ thí koh́ thāwā wá thí koh́ sháná bheh̄ gé ló deh̄leh̄’ A gāyā nū loh̄. 10Thí mih́ lē ló deh̄phloh́ bū a kheh́ thí mih́ lē nū sháná ló deh̄leh̄ a t aeh̄ noh̄ nū, byā bheh̄múbheh̄dhá t bweh̄ c cā chí leh́ c koh́ loh́ bhā, ‘Lē bhā theh́ bū weh̄ sháná ló deh̄leh̄ aeh̄ kheh́ yō oh̄’ C koh́ yō thí mih̄ ló byā a loh̄ moh̄ a keh̄ htā deh̄leh̄ deh̄gbā nū loh̄. 11Byā beh̄htāhtó byā neh̄ lá c koh́ oh̄ bheh̄ ló cleh̄yoh̄ leh́ wá byā shā lā kā lā byā neh̄ lá c koh́ oh̄ bheh̄ ló dek dhoh̄ khō nū loh̄” Mih̄ c dhoh̄ dhō nū loh̄. 12Wá Bhih̄ceh̄ dhoh̄ hī bhih̄ceh̄ lá leh̄, “Thí mih́ meh̄ mūlākheh́ deh̄ lh́ deh̄ā nū, thí khoh́ thí kheh̄, thí hībhō bhábhō, thí theh̄ bū theh́ weh̄, ló thí hō chih̄ ká chih̄ adūadeh̄ oh̄ lá yō meh́ ceh̄ coh́ meh́. Thí mih́ meh̄ dhō nū ceh̄ coh́ c koh́ yōā dōká gé neh̄ loh̄. 13ló ńeh́ shī bweh́ nū byāvhwaphō yāphō lá byā cū t aeh̄ khā t aeh̄ noh̄ lá,byā t tāchí deh̄noh̄ lá yōboh̄ ceh̄ coh́ nū loh̄. 14Ceh̄ lá mih̄ ceh̄ t í dōká jā thí deh̄noh̄ loh̄. Bhāshoh́ thí mih́ thí weh̄htōhtā a kheh́ nū b pā Bhih̄ceh̄ koh́ ílā thí deh̄huh̄wih̄ lō nū loh̄” Mih̄ Bhih̄ceh̄ thuh̄ ī thoh́ ī deh̄nūloh̄.
Dheh̄ a dhoˊ loˊ mū lā khehˊ dheh̄ ā
(Maˊthehˊ 22:1-10)
15Bhih̄ceh̄ Yēshú dhoh̄ deh̄ wá ló chí t meh̄ a kloh́ byā ceh̄deh̄theh́bheh́ t bweh̄ nū, “Ló Pā bhih̄ceh̄ eh́ ceh̄deh̄theh́bheh́ bū byā meh̄ shī meh̄ pweh́ adhó dhō t kheh́ nū, koh́ ní bheh̄deh̄ huh̄wwih̄ t coh̄ nū loh̄” Mih̄ c dhoh̄ dhō loh̄. 16Bhih̄ceh̄ dhoh̄ deh̄bweh́, “Byā t bweh̄ c koh́ meh̄ shī meh̄ pweh́ nū j yō chí deh̄meh́ t ká dhō loh̄. 17Ashóakheh́ bheh̄leh́ byā koh́ bheh́lā deh̄ā nū byā a yōneh̄ lómóbweh́ c koh́ bhápleh̄lā j byā leh́ ‘Deh̄lólō oh̄ khá neh́ lí, wíthāsū lē bhā’ C koh́ yōbhā neh̄ nū loh̄. 18Chí deh̄meh́ lá t bweh̄ wá t bweh̄ c pyádeh̄ eih̄ deh̄keh́ agūlú gūlū leh̄ cá clā geh̄yeh́ cleh̄ loh̄. Akáchih̄ t bweh̄ nūm, ‘Yeh̄ lā khō bloh́ y koh́ lē cā yeh́, wíthāsū y koh́ lē muh́ kuh̄’ mih̄ c dhoh̄ dhō loh̄. 19A theh́ t bweh̄ nū, ‘Yeh̄ bō adhó yeh́ thuh̄ y koh́ lē cā ceh̄, wíthāsū y koh́ lē muh́ kuh̄’ C dhoh̄ dhō. 20A theh́ t bweh̄ leh́, ‘Y phloh́ thoh́ koh́ y neh̄ loh̄, y dēlē keh̄ htā noh̄’ C dhoh̄dōká lo thā loh̄. 21J byā bweh́ gē dhoh̄ íceh̄ deh̄wih̄deh̄keh́ lá wá c thā dhō htā leh́, ‘Lē geh̄ leh̄, ló wī a bu kleh̄ thé bē Byā phwā phō yāphō lá, byā cū byā khā t aeh̄ noh̄ lá, byā t cācdí deh̄noh̄ lá lē bhā yō ceh̄ ló lō’ Mih̄ j ná lō thā aká dhō nū loh̄. 22J byā bweh́ gēdō wá a kheh́, ‘Lábbó n dhoh̄ yeh̄ akhoh́dhoh́ y meh̄ wálí, bhāshoh́byā ló lō lá akleh́ deh̄ leh̄oh̄ khoh́ loh́ oh̄ dhí pweh́ loh̄’ C dhoh̄bhā dhō loh̄. 23Ceh̄ bhih̄ bweh́ dhoh́ dhoh̄dōká bhāceh̄, ‘Ló hī ká leh̄ deh̄gró a jō byā ló lō lá yōbhā nū ceh̄ deh̄bū. Akhōaceh́ yeh́ hī bū byā koh́ pwé htā koh́.’ 24Y yō ló akáchih̄ byā lá mih́ lē dō nū dhóā meh́ ceh̄ coh́ leh́ deh̄oh́deh̄ā t muh́, c dhoh̄ dā lō thā dhō loh̄.Y yō ló akáchih̄ byā lá mih́ lē dō nū dhóā meh́ ceh̄ coh́ leh́ deh̄oh́deh̄ā t muh́” C dhoh̄ dā lō thā dhō loh̄.
A pel̄ mih̄ maˊ noh̄
(Maˊthehˊ 10:37-38)
25Bhih̄ceh̄ leh́ byā ló lō lá heh̄ bōbó a kheh́, c cā bhā dōká ló j byā lá oh̄ wá, 26“Thí lá nū thípāthímō, thí phō thí mih́, thí theh́ bū weh̄ lá leh̄, thí mih́ t í keh̄ htā yeh̄ deh̄eh̄ noh̄ nū thí tmih̄ eh́ y khih́ a byā lá noh̄. T Ká noh̄ thí thāthuh́muh́ hteh thí mih́ t í yeh̄ deh̄eh̄ noh̄ nū thí tmih̄ ykhih́ybyā noh̄. 27Thí mih́ yā htā thí eh́ htūsúnyá leh́ thí mih̄ t lē kuh̄ yká noh̄ nū thih́ tmih̄ y khih́ a byā lá noh̄ loh̄. 28Thí bhwā deh̄htāhtó t kheh́ dhoh̄ nuh́ kuh̄ ceh̄. Thí koh́ meh̄ úshū má noh̄. Thí bhoh́ ceh̄ koh́ wá a ghā khí nū deh̄lōbá lá oh̄ ahā toh̄noh̄ ahā thí koh́ theh́ nū thí dhwā úshū ceh̄ tmih̄ noh̄ ahā. 29Thí mih́ t dhwā ceh̄ noh̄ leh́ thí mih́ cā htā bhoh́ ceh̄ nū akoh́ t wá noh̄ loh̄. Byā mih́ cāch́ deh̄meh̄aneh̄lá yō byā koh́ yeh̄xih̄ yeh̄xoh́ í thí loh̄. 30Deh̄lá koh́ dhoh̄ thí leh́, ‘C cā htā bhoh́htā gā pweh́ bhāshá deh̄mih̄ t kheh́ koh́ wá nū jeh̄ tmih̄ keh̄ htā noh̄’ C koh́ thuh̄ keh́ thí dhō loh̄. 31Shābrā t bweh̄ nū, c thuh̄phuh́ mih́ oh̄ t kā lā nū̄a thuh̄phuh́ mih́ oh̄ kíkālā bweh́ lē bhā dhō ceh̄ nū c koh́ meh̄ abhóleh mū? T khlú deh̄dhō t keh̄ htā noh̄ nū, koh́ beh̄a a ghā khí bheh̄ sháná oh̄phuh̄ nū loh̄. 32Mih́ ókmō cā leh́ koh́ t beh̄ā noh̄ nū, shābrā ló a lē wē bweh́ oh̄ leh́ meh̄ hú meh̄ phō deh̄dhō kheh́ nū loh̄. 33lá bhó thí deh̄oh̄ ló lō lá thí mih́ t bhápleh̄ keh̄ htā noh̄ nū thí tmih̄ y khih́ a byā lá noh̄.”
Aī theh̄ a pī t aoh̄ noh̄
(Maˊthehˊ 5:13. Mākuˊ 9:50)
34“Ih̄theh́ nū mih̄ a twih̄ ní lā khō noh̄. Bhāshoh́ a heh́ kheh́ mih́ heh́ meh̄ nū akoh́ heh́ a theh́ tplā thí koh́ meh̄ ceh̄ a bhó leh̄ noh̄. 35Ih̄theh́ nū mih̄ a twih̄ ní lā khō noh̄. Akhōaceh́ byā koh́ wéphloh̄ ih̄theh̄ kheh́ nū loh̄. Byā nūkú oh̄ lá shoh́ neh̄ lā dí boh̄ loh̄.”
Currently Selected:
Lukā 14: JKM
Highlight
Copy
Compare
Share
Want to have your highlights saved across all your devices? Sign up or sign in
Damma Mate Swe Association (DMS)
