Lukā 13
13
Jā bhā theh̄ loˊ bhijeh̄ aoh̄
1Bheh́ a kheh́ Pílá shābrā nū c koh́ lū htā blāhtā byā ló thúkúdrū Gālíleh́ a phō t coh̄ lá ceh̄ í lá ceh̄ ílā deh̄khweh̄deh̄yā leh́ ceh̄meh̄thí deh̄nū mih̄ Bhih̄ceh̄ Yēshú shoh́ neh̄ ní nū loh̄. 2Bheh́ a kheh́ Bhih̄ceh̄ nū “Ló Gālíleh́ a phō byā t geh̄meh̄ lá nū jeh̄ deh̄meh̄ dhō ló byā ló a oēwē lá akhōaceh́ deh̄meh̄aneh̄ dhō loh̄ nū mih̄ thí ókmō cā pweh́ dhō ahā? 3Deh̄ gneh̄ oh̄reh̄ tmih̄ noh̄ loh̄.Thí mih́ s theh́ bā jā thí neh̄ noh̄ nū, thí koh́ heh̄ wih̄ heh̄woh̄ geh̄leh́ ló lō nū mih̄ adīamā loh̄. 4Shí loh̄ #13:4 Shí loh̄' mih̄ dheh̄ lē aoh̄ loˊ Yērūshlih̄ wī a khloˊ chiˊ khwiˊ nū loh̄.deh̄htāhtō kheh́ lábrā ashóakheh́ nū mih̄ a lā bheh̄ byā akhōaceh́ deh̄lánū geh̄ deh̄ gneh̄ oh̄reh̄ lí byā ló a lē wē Yērúdhloh̄ a phō a lō lá Yērūshlih̄ nū loh̄ mih̄ thí ókmō cā pweh́ t geh̄meh̄ dō loh̄ ahā? 5Deh̄ k meh̄ oh̄reh̄ mih̄ noh̄ loh̄, bhāshoh́ thí mih́ d rheh́ lā thí neh̄ noh̄ nū thí koh́ thó heh̄wih̄heh̄keh́ lá bhó seh̄ lá nū loh̄ ” Mih̄ Bhih̄ceh̄ dhoh̄ dhō nū loh̄.
Dheh̄ theh̄ loˊ a dheh̄ theh̄ noh̄
6Bhih̄ceh̄ dhoh̄í akhih́abyā lā adhuh́ keh́ deh̄lóbhō shó nū loh̄ “Byā t bweh̄ c Spih́chā eh́ thúkoū theh̄ a mū oh̄ t mū.Bheh́ tnī byā bweh̄ koh́ lēdhē thúklū theh̄ nū loh̄.Bah̄shoha cā t cā chí a theh̄ noh̄. 7Dhoh́ c dhoh̄ byā abheh́deh̄theh̄ a leh̄ bweh́ loh̄ ‘Y lē cā thūklūtheh̄ khō a theh̄ pwé htā thódhē lí.Dúkhóyō ātheh̄ t theh̄ noh̄,bheh̄ guh̄keh́ thúklū theh̄ khó a nū, bheh̄má leh́ koh́ bheh́ ceh̄ lā khō a khō noh̄’ Mih̄ c dhoh̄ dhō loh̄. 8Byā chā a nī ceh̄ bwehˊ nū ‘Phlā thūklūtheh̄ deh̄theh̄ a leh̄ bweh́lih́, bheh́lā dā mih́kuh̄ deh̄theh̄ khó a theh́ t dhē, y koh́ khū lā deh̄mūlhó akáchih̄ lā khō kheh́ wá koh́ bheh́ nū ceh̄ deh̄phow deh̄weh̄ aoh̄ nū loh̄. 9A theh́ t dhē a theh̄ koh́theh̄ htā jā,amih́ t theh̄ noh̄ má guh̄keh́ ceh̄ c dhoh̄htā loh̄’ Mih̄ Bhih̄ceh̄ dhoh̄ dhō loh̄.”
Jō kuˊ saˊ a p mū t bwē loˊ mū shoˊ dhehˊ a nī
10A theh́ d nī mū shoh́ dheh́ nī nū ló deh̄theh̄bheh́ a leh̄ Bhih̄ceh̄ hoh́trádeh̄ a kheh́ nū, 11Deh̄thūdeh̄neh̄ reh̄ byā bōmú bweh̄ a cādū ló s dhí xoh̄ shē nū loh̄.Ceh̄ nū c yādē t nā deh̄trí noh̄ loh̄ a coh̄ gō nū loh̄. 12Bhih̄ceh̄ Yēshú cā chí deh̄bōmúbweh́ leh́ yō bhāceh̄ wá “Deh̄bōmúbweh́ khó nó yō có a loh́mih̄ n eih̄ htā lí” C dhoh̄ lō thā dhō wá, 13C tō bhā c cū leh́ deh̄bōmúbweh́ tplāxá wá deh̄bōmúbweh́ a yādē bhoh́ eh̄htā nū weh̄htōhtā thábō mū bheh̄ Bhih̄ceh̄ a lohˊ moh̄ nū loh̄. 14Ló mū shoh́ dheh́ Yēshú deh̄theh́bheh̄ a keh̄ byā bheh̄múbheh̄dhá deh̄phōkhó bweh́ nū ló mū shoh́ dheh́ní Bhih̄ceh̄ Yē dhú meh̄ heh́ meh̄ í deh̄bōmúbweh́ deh̄dheh́ akhōaceh́ c thā dō htā “Akhōaceh́ deh̄ húnīnú k meh̄ keh̄ leh̄ k bheh̄ meh̄ heh́ meh̄ deh̄sheh́ keh̄ t bheh̄ kú gneh̄ mū shoh́ dheh̄ nī noh̄ leh́ thí d dhó oh́ ceh̄ chí noh̄ ahā?” 15Bhih̄ceh̄ dhoh̄ n htō khō htō á “N koh́ meh̄ blūbyā ahá, mū shoh́ dheh́ nī nū, thí mádhú eh́ deh̄thrih̄ lá, bō lá thō t bhāpleh̄ lā í beh̄ chí noh̄ ahá. 16Deh̄bōnú bweh́ n̄ nih̄ Ābrāhā a phō mū bhāshoh́ noh̄ loh́ dí d shí xoh̄ shē nū boh̄soh́ ceh̄ nū loh̄. Mū shoh́ dheh́ nī nū keh́ t bheh̄ meh̄ phloh̄ keh́ íceh̄ noh̄ ahā? Dhoh̄ ceh̄ dhō loh̄.” 17Bhihceh̄ eh̄ deh̄ápuh̄lá āthāwā bheh̄ byā dhoh̄ byā dheh́ lá nū loh̄. Bhāshoh́byā ló lō lá cā chí deh̄meh̄aneh̄ lāclū lā shá kheh́ akhōaceh́ c thō gní thā gní í kuh̄ coh́ loh̄.
T theh̄ peh̄ a khiˊ t mehˊ
(Maˊthehˊ 13:31-32. Mākuˊ 4:30-32)
18Bhih̄ceh̄ dhoh̄, “Bhih̄ceh̄ eh̄ deh̄lá a lá thuh̄ má, k bheh̄ htuh̄ thoh́ droh́ ceh̄ leh́ má noh̄ mih̄, 19Byā t bweh̄ Phih̄ leh́ khlō khwí leh́ Thō mū xē lā ceh̄ loh̄. Khlōwí#13:19 Khlōwí dheh̄ Thō mū khehˊ yō byā thuˊ jeh̄ loˊ yuˊda a ghā nū loh̄. kheh́ dhoh̄htā a leh̄ a phá moh̄ khō ló lō wá cūbhá phō lá meh̄ ceh̄ a thwī leh́ oh̄ ceh̄ loh̄.” 20Wá Pā bhih̄ceh̄ adeh̄ ápuh̄ dhoh̄ “Bhih̄ceh̄ eh́ deh̄lá htuh̄ thoh́ droh́ ceh̄ leh́ má noh̄ mih̄, 21Byā bōmú t bweh̄ Phih̄ htā ǵimī lá wá c tánū ceh̄ ló tōkō lá akleh́ kheh́ nū a yá thuh̄thuh̄ leh́ deh̄ okreh̄ htā kheh́ nū loh̄” Bhih̄ceh̄ dhoh̄ dhō nū loh̄.
Khā keh̄ loˊ a aī
(Maˊthehˊ 7:13,14; 21-23)
22Bhih̄ceh̄ Yēshú lē ló Yērūshlih̄ kleh̄ t bhoh́xuh̄ a kheh́ nū hoh́trá thuh̄ ī thoh́ ī byā ló wēbū dhó bū lá nū loh̄. 23Byā t bweh̄ dhoh̄, “Bhih̄ceh̄ Yēshú deh̄yōcā htā koh́ ni byā lá a htuh̄ koh́ lā cwīhtā keh́ ceh̄ oh̄ shī loh̄ aká?” C dheh́htā dhō loh̄. 24Bhih̄ceh̄ dhoh̄, “Thí lá htō khō htō á leh́ lē nū boh̄ ló khoh́ gleh̄ abū shī nū loh̄. Byā ló lō lá nū leh̄ koh́ htō khō htō á leh́ lē nū khoh́ ́leh̄ abū shī bhé abū nū loh̄. Bhāshoh́ koh́ lē nū ceh̄ t jā noh̄ loh̄. 25Hī Bhih̄ceh̄ koh́ weh̄htō ghoh̄bhí khoh́ gleh̄ bhé wá thí shoh́ htō deh̄khló loh̄ nū, ‘thā rā aoh́htā khoh́ gleh̄’ Thí koh́ dhoh̄ bheh̄ dhō loh̄. Bhāshoh́ hī Bhih̄ceh̄ bweh́ koh́ dhoh̄, ‘Yeh̄ d theh́ thí wih̄ thí keh́ noh̄’ C koh́ dhoh̄dōká dhō loh̄. 26Thí lá leh́, keh̄ lá nū koh́ kā bheh̄ bōbó bhú pweh́ neh̄ loh̄, ló kleh̄ bū leh́ n thuh̄ ī thoh́ ī bhú keh̄ nū loh̄, thí koh́ dhoh̄ pweh́ dhō, 27Ceh̄ nū ‘Yeh̄ d theh́ thí nbh̄, heh̄phloh̄ ló yoh̄, thí lá nū mih̄ loh̄ c koh́ dhoh̄ thí dhō loh̄.’ 28Thí nábheh́ heh̄ htā ló deh̄khló a kheh̄ thí lh̄ leh̄ deh̄thō t moh̄ noh̄ thā t moh̄ leh́ thí koh́ yōhā nū loh̄. A bheh̄mánoh̄mih̄ ló hídhō bū bhikceh̄ ah̄ deh̄lá abū. Ābrāhā, Ézeh́ leh Yākó deh̄kūthih̄bheh̄thih̄ wi paoh́ pheh̄ lá ceh̄deh̄theh́bheh́ thí mih́ cā chí ceh̄ a kheh́ nū́ thí koh́ oh̄ deh̄keh̄ htā gé noh̄ loh̄. 29Deh̄kuh́ lā lá byā lá nū ló Bhih̄ceh̄ adeh̄meh̄ ceh̄deh̄theh́bheh́ bū coh̄ thō moh̄ thā moh̄ ceh̄ coh́ nū loh̄. 30Khó nó yō a kheh́, byā mī byā kheh́ toh̄noh̄ lá nū c koh́ keh̄ htā byā mī byā kheh́ oh̄, byā mī byā kheh́ oh̄ lá nū c koh́ keh̄ htā byā mī byā kheh́ toh̄noh̄ lá nū” Mih̄ bhihceh̄ dhoh̄ dhō nū loh̄.
Bhijeh̄ yēsuˊ lehˊ Sābar̄ hērō
(Maˊthehˊ 23:37-39)
31Bheh́ a kheh́ Phārísheh́ lá lē dō ló Bhih̄ceh̄ oh̄ nū, “Shābrā HēRō thāeh̄ meh̄ thí neh̄ cweh̄ oh́ goh̄thú ló deh̄leh̄ a lē wē” C dhoh̄htā dhō nū loh̄. 32Bhih̄ceh̄ dhoh̄ deh̄láleh́ “Lē dhoh̄ chwī mī dhó nū, yeh̄ nū d ní khā leh́ koh́múhoh̄ nū y koh́ nā heh̄ htā deh̄thūdeh̄neh̄ lá leh́ y koh́ meh̄ heh́ meh̄ dhí deh̄shūdeh̄sheh́ nū dhí loh̄, mih̄ pweh́ htā thó nī y dhoh́ heh̄phloh̄ loh̄. 33Deh̄níkhā, leh́ koh́muhoh̄ leh́ lé aloh́moh̄ ní nū mih̄ y heh̄ a mū nī mūtheh́ nū loh̄, deh̄mūnī mūtheh́ lá mih̄ kdō wá nū ló wē Yērūshlih̄ bū nū akoh́ keh̄ htā deh̄kūthih̄bheh̄thih̄ wi lá meh̄ thí lō thā a kleh̄ nū loh̄.”
Cā thā heh̄ kehˊ loˊ Yērūshlih̄ a khō acehˊ
34Bhih̄ceh̄ “Oˊ Yērūshlih̄ wi thí wēphō lá nū meh̄ thí byākūthih̄ bheh̄thih̄ lá nū lí. C wé Pā bhih̄ceh̄ a byā lá leh́ lō lí, shímō bhē bheh̄aphō lá ló adhiklé agoh̄leh́ bhó c hūí lō thā akhoh́dhoh́, yeh̄ nū leh́ thí phō thí lī l̄́ y htōbā ceh̄ ló y thā bū noh́ c cā íceh̄ coh́ nū mih̄ y htō khō htō á kuh́ plāpla nū loh̄. 35Bhāshoh́ thí t í yeh̄ akhweh̄, thí eh́ jārā bū nū oh́ keh̄ htā deh̄thū tucú dhō loh̄. Neh̄ nū n hoh́ dhoh́ yeh̄ ‘pā Bhih̄ceh̄ eh́ ceh̄ phī deh̄meh̄ leh́ a lā bweh́ nū bheh̄moh̄bheh̄wih̄ nū loh̄’ thí t dhoh̄ khlū oh́í noh̄ a kheh́ nū, a theh́ tplā thí koh́ t tāchí yeh̄ nok loh̄” Mih̄ c dhoh̄ dhō nū loh̄.
Currently Selected:
Lukā 13: JKM
Highlight
Copy
Compare
Share
Want to have your highlights saved across all your devices? Sign up or sign in
Damma Mate Swe Association (DMS)
