ລູກາ 20
20
ເລື່ອງສິດອຳນາດຂອງພຣະເຢຊູເຈົ້າ
(ມທ 21:23-27; ມຣກ 11:27-33)
1ມູຕະງ້າຍ ເຢີພຣະເຢຊູເຈົ້າກຳລັງເທດສະໜາສັ່ງສອນປະຊາຊົນອັດເຕິພຣະວິຫານ ແລະປະກາດຂ່າວປະເສີດ ຈຸມຜູ້ນຳປະໂຣຫິດນັງຈຸມທໍາມະຈານ (ກົດບັນຍັດ ) ພອ້ມນັງຈຸມກຸ້ຍເຄ້ຣງບອນເຕິເຢີພຣະອົງ. 2ຈຸມປີດໍຕະມໍ໋ພຣະອົງຣ້ວຍ. “ອ້າຈຸມຮີເຕິແນ້ແມ້ ທ່ານເວິຍສິດອາໄມ້ຈຶ່ງຕະການນໍ? ນູ້ມໍ້ໂຢນອຳນາດນໍເຢີມາຍ?” 3ພຣະອົງບອນທຣະອອຍຈຸມປີດໍຣ້ວຍ,“ຫະຣ້າກືຈະຕະມໍ໋ຈຸມແປຼມູຂໍ້ ຈົ່ງອ້າກືເຕິແນ້ແມ້ຣ້ວຍ 4ບັບຕິສະມາຂອງໂຢຮັນບັບຕິສະໂຕກຼີ ເຕິເກີດສະຫວັນ ຫລືເຕິເກີດກຸ້ຍ.” 5ຈຸມປີດໍຈຶ່ງເລີ່ມທຣະເຈ້ທຣະລໍ໋ງາຍຢຼະຣ້ວຍ,“ຈຸມແຮຈະຣ້ວຍອີມໍ້?ຄັນຈຸມແຮທຣະອອຍຣ້ວຍ, ເຕິເກີດສະຫວັນ ດໍກໍຈະຕະມໍ໋ຣ້ວຍ, ຄັນອີກຼີ ເກີດອະໄມ້ຈຸມແປຼຈຶ່ງເລິ້ຍເຊື່ອຫະແງ້ໂຢຮັນ? 6ແຕ່ຄັນຈຸມແຮທະອອຍຣ້ວຍ, ເຕິເກີດກຸ້ຍ ປະຊາຊົນເອີ້ຍມະກຼີເຕິບອນນໍກໍຈະແປັ້ນກ້ອນຕະມໍ້ຫະກຼາຍຈຸມແຮ, ເພາະຈຸມປີດໍເຊື່ອຣ້ວຍ ງ້າຍໂຢນສິດເຢີໂຢຮັນບັບສະໂຕເກີດຜູ້ທໍານວາຍ.” 7ອີກຼີຈຸມປີດໍທະອອຍຣ້ວຍ, “ຈຸມແຮເລິ້ຍຮອຍຣ້ວຍ ນູ້ມໍ້ໂຢນສິດອຳນາດເຢີໂຢຮັນບັບຕິສະມາ.” 8ຢຼ້າຍພຣະອົງກໍບອນທຣະອອຍຈຸມປີດໍຣ້ວຍ,“ຫະຣ້າກືກໍຈະເລິ້ຍອ້າທຣະເລິຍຣ້ວຍ ກືຕະສິ່ງອັນນໍດ້ວຍສິດອັນມໍ້.”
ຄຳອຸປະມາ (ຄາໍປຽບທຽບ) ເລື່ອງກຸ້ຍເຊົ່າສວນອະງຸ່ນ
(ມທ 21:33-46; ມຣກ 12:1-12)
9ຢຼ້າຍພຣະອົງກໍກ່າວຄໍາອຸປະມານໍເຢີປະຊາຊົນຫະແງ້ຣ້ວຍ, “ນັງເວິຍກຸ້ຍໂກນມະນະທີ່ຕະສວນອະງຸ່ນ ແລະອິດສ່ວນກຼີໂຢນກຸ້ຍເຊົ່າສວນ ຢ້າຍດໍກໍລໍ້ປໍ້້ເກີດເວລາດິນຕະໂຕ້ຍ. 10ເຢີກະເລີ້ຍເວລາໄກ໋ກຼາຍອະງຸ່ນເຕິກະເລິ້ຍ ເຈົ້າຂອງສ່ວນກຼີກໍໂຢນກຸ້ຍຣຳ້ໃຊ້ນູ້ມະນະປໍ້້ເຢີຈຸມກຸ້ຍເຊົ່າສວນ ເພື່ອຣຳ້ອິດສວນແບ່ງຫະໂນ໋ໂຈ໋ຂອງບອມຢຼະ ເກີດຈຸມປີດໍ,ແຕ່ຈຸມກຸ້ຍເຊົ່າສວນບອນຕະປ້ຽງແຕັ້ນກຸ້ຍຣາໍ້ໃຊ້ນູ້ກຼີ ແລະບອນໄລ່ດໍລາ້ແອັ້ນໂຈ້ຕີຫະນໍ້. 11ອີກຼີ ເຈົ້າຂອງສວນອະງຸ່ນຈຶ່ງແຕງກຸ້ຍຣຳ້ໃຊ້ນູ້ກະນໍ້ປໍ້້ແອັ້ນ,ແຕ່ຈຸມກຸ້ຍເຊົ່າສວນບອນຕະປ້ຽງແຕັ້ນດໍທຣະເລິຍ ທັງບອນປ້ອຍຫະຣ້າດໍແອັ້ນ ແລະທັງບອນໄລ່ລ້າແອັ້ນໂຈ້ຕີຫະນໍ້. 12ຢຼ້າຍເຈົ້າຂອງສວນອະງຸ່ນກໍແຕງກຸ້ຍຣຳ້ໃຊ້ນູ້ທີ່ສາມປໍ້້ແອັ້ນ ຈຸມກຸ້ຍເຊົ່າສວນບອນຕະປ້ຽງແຕັ້ນດໍຈົນບັກໄອ ແລະໂຍນດໍຕູ້ລໍ້ເຄົຣາສວນ. 13ຫະຣ້າເຈົ້າຂອງສວນອະງຸ່ນກໍກ່າວຣ້ວຍ, ກືຈະຕະອີມໍ້? ກືຈະແຕງໄກ້ໂກນຜູ້ເກີດສຸດທີ່ຮັກຂອງກືປໍ້້ ບາງທີ່ຈຸມປີດໍຈະໂຢນຄວາມນັບຖືເຢີໄກ້ໂກນຂອງກື 14ແຕ່ເຢີກຸ້ຍເຊົ່າສວນຫອມໄກ້ໂກນຂອງເຈົ້າຂອງສວນອະງຸ່ນກຳລັງເຕິເຢີ ຈຸມປີດໍກໍປຶກສາມະຕຸ້ ແລະໂຊລຣ້ວຍ, ກຸ້ຍນໍເຫີ້ຍ ເກີດຜູ້ສືບມໍລະດົກ ຈົ່ງກະເຈຼດດໍສາ ຢຼາ້ຍມໍລະດົກກໍຫະໂຕ້ເກີດຂອງຈຸມແຮ 15ອີກຼີ ເຢີໄກ້ໂກນເຕິກະເລິ້ຍ ຈຸມປີດໍຈຶ່ງກ້ອມຕະກວ້ນດໍຕູ້ລໍ້ເຄົ້ຣາສວນ ແລະກະເຈຼດດໍສາເຢີເກີດອີກຼີ ເຈົ້າຂອງສວນອະງຸ່ນຈະຕະອີມໍ້ ນັງກຸ້ຍເຊົ່າສວນຂອງຈຸມກຼີ? 16ເຈົ້າຂອງສວນຈະເຕິ ແລະກະເຈຼດກຸ້ຍເຊົ່າສວນອັນນໍສາ ແລະຈະຍົກສວນອະງຸ່ນໂຢນກຸ້ຍກະນໍ້ເຊົ່າ. ເຢີກຸ້ຍອັນນໍບອນຊັງອີນໍຢຼ້າຍ ຈຸມປີດໍກໍໂຊລຣ້ວຍ.ແສ້ຊິນໂຢນເກີດອີກຼີໂຢຼ.” 17ພຣະເຢຊູເຈົ້າບອນຕະເປິ້ງແນ້ຈຸມປີດໍ ຢຼ້າຍກໍຕະມໍ໋ຣ້ວຍ,“ເຫດອັນກຼີ ພຣະຄຳພີຂໍ້ນໍໝາຍຄວາມຣ້ວຍອີມໍ້ ກ່ຽວນັງພຣະຄິຣດພຣະຜູ້ຊ່ວຍໂຢນພົ້ນຊຶ່ງຣ້ວຍ ຕະມໍ້ທີ່ນາຍຊ່າງກໍ່ສ້າງບອນຕະກ້ວນຕູ້ເຢີ ກໍບອນກາຍເກີດຕະມໍ້ຕະໂນ໋ລເສົາເອກເຢີ.' 18ນູ້ມໍ້ທີ່ປະຕິເສດພຣະຄຣິດພຣະຜູ້ຊ່ວຍໂຢນພົ້ນເກີດທຣະເລິຍກຸ້ຍມະນະທີ່ເດິ໋ມແຊ້ງເຕິກ້ອນຕະມໍ້ ດໍຈະຫະຫະຫວ້າຕະເກີ໋ລລໍ້ເກີດຊິ້ນສ່ວນແລະຄຣາຍທຳລາຍພຣະເຢຊູເຈົ້າເກີດຕະມໍ້ ກຸ້ຍກະເລິ່ງນະຄຣາຍປະຕິເສດພຣະອົງຈະຄຣາຍພຣະເຈົ້າທຳລາຍ.”
ບັນດາເລື່ອງການເສຍພາສີ
(ມທ 22:15-22; ມຣກ 12:13-17)
19ຫະຣ້າຈຸມທໍາມະຈານ (ຈຸມສອນກົດບັນຍັດ) ແລະ ຈຸມຫົວໜ້າປະໂຣຫິດຮອຍເຢີຣ້ວຍ,ພຣະອົງຊົງກ່າວຄໍາອຸປະມານໍຕໍ່ສູ້ຈຸມດໍ ຈຸມດໍຈຶ່ງວາງແຜນກ້ອມພຣະອົງ ແຕ່ຈຸມປີດໍກຼໍ້ຼປະຊາຊົນ. 20ຈຸມອາຈານສອນກົດບັນຍັດ ແລະ ຫົວໜ້າປະໂຣຫິດຈຶ່ງຕິດຕາມແນ້ພຣະອົງ ແລະແຕງກຸ້ຍສາຍລັບໂຢນປອມຈະຄືເກີດກຸ້ຍສັດຊື່ ເພື່ອຫວັງຈະກ້ອມຜິດເຕິຖ້ອຍຄຳຂອງພຣະອົງ ເພື່ອຈະຢຼວນພຣະອົງດໍ້ກະລຸງຜູ້ປົກຄອງ ແລະ ອຳນາດຫະຢົ້ງສຸດຂອງຜູ້ປົກຄອງ. 21ຢຼ້າຍຈຸມສາຍລັບຈະຕະມໍ໋ພຣະອົງຣ້ວຍ,“ອາຈານເອີຍ ຈຸມກືຮອຍເຢີຖ້ອຍຄຳທີ່ທ່ານກ່າວ ແລະສັ່ງສອນກຼີຄຣາຍເຢີ ແລະໂດຍທ່ານປະຕິບັດເຢີຄູນະທຣະເລີຍ,ແຕ່ສັ່ງສອນຄະນ້າຂອງພຣະເຈົ້າຢ່າງສັດຊື່. 22ຈົ່ງອ້າຈຸມຮີໂຢຼຣ້ວຍ,ເກີດການຜິດກົດບັນຍັດຂອງຈຸມຮີເລີິ້ຍ ທີ່ເສຍພາສີໂຢນກາຍຊາ ຜິດ ຫລືວ່າເລິ້ຍຜິດ?” 23ແຕ່ພຣະອົງຊົງບອນຮອຍກະເລິ້ຍກົນອຸບາຍຂອງຈຸມປີດໍຈຶ່ງກ່າວເຢີຈຸມປີດໍຣ້ວຍ, 24“ຈົ່ງອິດພຣະຫລຽນໂຣມັນທີ່ຄຣາຍນຳໃຊ້ເພື່ອຈາ້ງຄ່າພາສີ ເຕິໂຢນກືແນ້ໂຢຼ ຮູບແລະພະນຶ້ທີ່ປະທັບກ້າດໍ້ເຕິຫລຽນນໍເກີດຂອງນູ້ມໍ້?” ຈຸມປີດໍທຣະອອຍຣ້ວຍ, “ເກີດຂອງກາຍຊາ.” 25ຢຼ້າຍພຣະອົງຊົງກ່າວນັງຈຸມປີດໍຣ້ວຍ,“ເຫດອັນກຼີ ສິ່ງທີ່ເກີດຂອງກາຍຊາຈັກກະພັດຂອງໂຣມັນຈົ່ງປະລ້າຖວາຍເຢີກາຍຊາຈັກກະພັດຂອງໂຣມັນ ແລະສິ່ງທີ່ເກີດຂອງພຣະເຈົ້າ ຈົ່ງປະລ້າຖວາຍແດ່ພຣະເຈົ້າ.” 26ເຢີບຣານປະຊາຊົນເຕິບອນກຼີ ຈຸມສາຍລັບອັນກຼີ ກອ້ມຜິດພຣະອົງເລື່ອງອັນມໍ້ ອັນມໍ້ເລິ້ຍ ຮອຍບອນເລີຍ.ອັນກີຼ ຈຸມປີດໍຈຶ່ງງຶດກະລັກພະໄຫງ້ເຕິຄຳຕອບຂອງພຣະອົງ ຈຶ່ງອັດມິດຫະອຽດ.
ບັນຫາເລື່ອງການລ້າມົ໋ງເກີດກະເຈດ(ກະເຈດລ້າມົ໋ງ)
(ມທ 22:15-22; ມຣກ 12:13-17)
27ນັງເວິຍຈຸມຊາດູກາຍແລະນັງຈຸມສາສະໜາບາງນະເຕິເຢີພຣະອົງ ຄຣາຍຈຸມນໍທີ່ຖືຣ້ວຍ ກຸ້ຍຈະເລິ້ຍລ້າມົ໋ງເກີດກະເຈດຈຸມປີດໍຕະມໍ໋ພຣະອົງຣ້ວຍ, 28“ອາຈານເອີຍ,ຜູ້ປະກາດພຣະຄຳໂມເຊບອນຂຽນກົດບັນຍັດມູຂໍ້ນໍດໍ້ສຳລັບຈຸມແຮຣ້ວຍ, ຄັນຈ້າຍຂອງໂກນກຸ້ຍມະນະກະເຈດຕ້າກະປຼາຍຂອງບອມຢຼະໂດຍເລິ້ຍບອນໄກ້ ຕ້ອງໂຢນແອ້ມໂກນຂອງຜູ້ກະເຈດກຼີ ແອ້ແຫຼ້ມຂອງບອມຢຼະເກີດກະປຼາຍ ເພື່ອສືບມໍລະດົກຈາ້ຍຂອງບອມຢຼະທີ່ກະເຈດປໍ້້ຢ້ຼາຍກີຼ. 29ມູຫະໂຣ໋ ນັງເວິຍແອ້ມຈ້າຍເຈັດນະມະຕຼຸ ຈ້າຍຕະໂກແຕ່ງງານເຢີ ແລະຈ້າຍກະເຈດເລິ້ຍບອນໄກ້. 30ແລະຜູ້ທີ່ສອງ ກໍແອ້ນາງເກີດກະປຼາຍ, 31ແລະນູ້ທີ່ສາມ ກໍຕະອີກຼີທຣະເລິຍ ເຫດການທຣະເລິຍນໍ ບອນເກີດຊໍ້ນັງແອັ້ມຈ້າຍທັງເຈັດນະ ຄືຈຸມປີດໍກະເຈດປໍ້້ໂດຍເລິ້ຍບອນໄກ້. 32ສຸດທ້າຍກັນກຼີກໍບອນກະເຈດປໍ້້ທຣະເລິຍ. 33ນີນໍເຕິຕະງ້າຍທີ່ກຸ້ຍກະເຈດເກີດລ້າມົ໋ງເກີດກະເຈດກຼີ ກັນນໍກໍຈະເກີດກະປຼາຍຂອງນູ້ມໍ້?ດ້ວຍຣ້ວຍ,ກຸ້ຍໂກນທັງເຈັດນະຕ່າງກໍເຄີຍເກີດກະເຢິຂອງນາງ.” 34ພຣະເຢຊູເຈົ້າຊົງກ່າວນັງຈຸມປີດໍຣ້ວຍ, “ໂກນແລະກັນເຕິໂລກນໍເວິຍການແຕ່ງງານມະຕຸຼ, 35ແຕ່ໂກນແລະກັນນູ້ທີ່ສົມຄວນເກີດລ້າມົ໋ງເກີດກະເຈດ ແລະດຳເນີນຊີວິດເຕິກະລຸງໂລກຕະແມ້ຈະເລິ້ຍບອນການແຕ່ງງານມະຕຸຼ ຫລືຍົກໂຢນກະເຢຼິກະປຼາຍກັນ. 36ຈຸມປີດໍຈະເກີດຄື່ຝູງເທວະດາທີ່ກະເຈດເລິ້ຍເກິີດ ເພາະຣ້ວຍຈຸມປີດໍເກີດໄກ້ຂອງພຣະເຈົ້າເພາະຣ້ວຍຈຸມປີດໍລ້າມົ໋ງເກີດກະເຈດເຢີ. 37ແຕ່ຣ້ວຍ ກຸ້ຍກະເຈດພຣະເຈົ້າບັນດານໂຢນເກີດລ້າມົ໋ງເວິຍຊີວິດກຼີ ໂມເຊບອນສະແດງເຕິເລື່ອງຫະປຸລຫະລ້າດໍບອນກາວອົງພຣະຜູ້ເກີດເຈົ້າຣ້ວຍ. ຊົງເກີດພຣະເຈົ້າຂອງອັບຣາຮາມ, ອີຊາກ ແລະ ຢາໂຄບ. 38ພຣະອົງຄຣາຍພຣະເຈົ້າຂອງກຸ້ຍມົ໋ງ,ເລິ້ຍຄຣາຍພຣະເຈົ້າຂອງກຸ້ຍກະເຈດ.ດ້ວຍຣ້ວຍ,ສຳລັບພຣະອົງຢຼ້າຍ ຄູນະທີ່ເວິຍຊີວິດອັດ.” 39ຢຼ້າຍທໍາມະຈານ (ກົດບັນຍັດ) ບາງນະກໍໂຊລຊໍ້ຣ້ວຍ,“ອາຈານເອີຍ ທ່ານໂຊລອໍປູດ.” 40ເພາະຣ້ວຍ ຈຸມປີດໍເລິ້ຍຫານຕະມໍ໋ອັນມໍ້ນັງພຣະອົງແອັ້ນຕໍ່ໜ້າ.
ບັນຫາເລື່ອງບຸດດາວິດ
(ມທ 22:41-46; ມຣກ 12:35-37)
41ຢຼ້າຍພຣະເຢຊູເຈົ້າຊົງຕະມໍ໋ຈຸມປີດໍຣ້ວຍ,“ເກີດປໍ້້ບອນອີມໍ້ ທີ່ກຸ້ຍໂຊລຣ້ວຍ ພຣະຄຣິດພຣະຜູ້ຊ່ວຍໂຢນພົ້ນເກີດເຊື້ອສາຍຂອງກະສັດດາວິດ? 42ດ້ວຍຣ້ວຍ,ກະສັດດາວິດດໍຢຼະບອນຊົງກ່າວດໍ້ ເຕິພຣະທຳເພງສັນລະເສີນຣ້ວຍ, ພຣະເຈົ້າຊົງກ່າວ ນັງພຣະຄຣິດພຣະຜູ້ຊ່ວຍໂຢນພົ້ນຂອງກືຢຼະຣ້ວຍ, ຕະກູຫະລ້າເຕິ້ມຕີຂອງກື 43ຈົນກ່ວາກື ພຣະເຈົ້າຈະປາບສັດຕູ ຂອງຈຸມແປຼກະເລິ່ງນະ ໂຢນອັດຄຣືມຢື່ງຂອງມາຍ. 44ເຢີກະສັດດາວິດກາວພຣະຄຣິດພຣະຜູ້ຊ່ວຍໂຢນພົ້ນຣ້ວຍ ເກີດອົງພຣະຜູ້ເກີດເຈົ້າ ອັນກຼີ ພຣະຄຣິດເກີດບຸດຂອງກະສັດດາວິດບອນອີມໍ້?”
ພຣະເຢຊູເຈົ້າບອນປະນາມ (ບອນຕາໍນິ) ຈຸມທຳມະຈານ
(ມທ 23:1-36; ມຣກ 12:38-40; ລກ 11:37-54)
45ຂະນະທີ່ປະຊາຊົນກະເລິ່ງນະຫະແງ້ພຣະເຢຊູເຈົ້າເຕິກຼີ ພຣະອົງກໍກ່າວເຢີຈຸມສາວົກຣ້ວຍ, 46“ຈົ່ງລະວັງຈຸມທໍາມະຈານ (ກົດບັນຍັດ) ໂຢນອໍ ຈຸມປີດໍມັກຈະເສິບຈະແຮທຣຸງຫະດ້າວປໍ້້ລ້າໂລດ ແລະມັກຕະໂຢນກຸ້ຍນັບຖືດ້ວຍການນັບຖືຕາມຕະຫລາດ ຈຸມປີດໍເລືອກຕະກູບອນກຸ້ຍຫອມເຕິທໍາມະສາລາ ແລະ ເຕິງານຈ້າລຽ້ງ, 47ຢ້ຼາຍເກີດນໍ ຈຸມປີດໍນັງສໍ້ໂກງອິດຊັບສົມບັດ ຂອງຈຸມ ອຸຍກະມ້າຍ ແລະຕະດ້ວຍການພາວັນນາອະທິຖານຈົນກະເຢຼີ້ລ ໂທດຂອງກຸ້ຍອັນນໍຄຣາຍໜັກທີ່ສຸດ.”
Currently Selected:
ລູກາ 20: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
