ລູກາ 19
19
ພຣະເຢຊູເຈົ້ານັງຊັກຂ່າຍ
1ຢຼາຍເກີດກຼີຸ ພຣະເຢຊູເຈົ້າບອນໂມດປໍ້້ເຕິເມືອງເຢຣີໂກ ແລະກຳລັງຫະດ້າວກາຍຕົວເມືອງປໍ້້. 2ເຕິບ້ອນກຼີເວິຍໂກນມະນະພະນຶ້ຣ້ວຍ ຊັກຂາ່ຍ ດໍເກີດຫົວໜ້າກຸ້ຍເກັບພາສີ ແລະເກີດກຸ້ຍຮັ່ງມີ. 3ຊັກຂາ່ຍໄອ້ຫອມພຣະເຢຊູເຈົ້າຣ້ວຍເກີດກຸ້ຍອີມໍ້ ແຕ່ດໍເລິ້ຍສາມາດຫອມບອນ ເພາະບອມຢຼະເກີດກຸ້ຍເຕ້ຍ (ຈະແກັດ) ແລະປະຊາຊົນກໍກະເບິ້ນກະເຊິ້ຍ. 4ອີກຼີຊັກຂ່າຍຈຶ່ງທຣະຢ່ອລລັດບຣານປະຊາຊົນປໍ້້ ແລະປີນຊໍ້ປໍ້້ຫະຢົ້ງຕະໂກລະຫວ້າຊະນິດເຄິ້ຣຍເພື່ອຣ້ວຍດໍຈະຫອມພຣະເຢຊູເຈົ້າ ເພາະພຣະອົງກຳລັງທີ່ຈະກາຍປໍ້້ຄະນ້າກຼີ. 5ເຢີພຣະເຢຊູເຈົ້າເຕິກະເລິ້ຍບ້ອນກຼີ ພຣະອົງກໍແນ້ບຣານຊັກຂ່າຍ ແລະກ່າວເຢີດໍຣ້ວຍ,“ຊັກຂາ່ຍເອີຍ ຈົ່ງແຊ້ງເກີດຕະໂກລ້ອງໄວ້ໆ ເພາະຕະງາຍດໍກືຕ້ອງພັກອັດເຕິດຸງຂອງມາຍ.” 6ຫະຣ້າຊັກຂ່າຍກໍຊັ໋ລແຊ້ງເຕິ ແລະປໍ້້ຣຳ້ພຣະອົງດ້ວຍ ຄວາມເຫີນລ້າງອໍ. 7ເຢີປະຊາຊົນເອີ້ຍມະກຼີຫອມອີກຼີ,ເຢີຕ່າງກໍຈົມຕຳນິຣ້ວຍ,“ເກີດອະໄມ້ພຣະອົງນູ້ນໍ ຈຶ່ງປໍ້້ພັກອັດກະລຸງດຸງຂອງກຸ້ຍບາບ.” 8ເຢີຊັກຂາ່ຍກໍໂຢລຊໍ້ໂຊລນັງອົງພຣະຜູ້ເກີດເຈົ້າຣ້ວຍ,“ ພຣະອົງເຈົ້າເອີຍ,ແນ້ແມ້!ກືແສ້ຢຼວນໂດ້ຍປຼອງທີ່ເວິຍນໍ ໂຢນເຢີກຸ້ຍທຸກຍາກເຄິ່ງໜຶ່ງຂອງຊັບສົມບັດ ແລະຄັນກືຢຼະບອນສໍ້ໂກງນູ້ມໍ້ ກືກໍແສ້ກະລ້າຄືນໂຢນດໍສີ່ເທົ່າ.” 9ພຣະເຢຊູເຈົ້າບອນກ່າວເຢີຊັກຂ່າຍຣ້ວຍ,“ເຕິຕະງ້າຍດໍ ພຣະເຈົ້າບອນໂຜດຊ່ວຍຄູນະເຕິດຸງຫລັງນໍໂຢນພົ້ນ ເພາະກຸ້ຍນໍເກີດເຊື້ອສາຍຂອງອັບຣາຮາມທຣະເລິຍ . 10ດ້ວຍຣ້ວຍ,ກືເກີດບຸດມະນຸດບອນເຕິເພື່ອຫັ້ລງ ແລະໂຜດຮັກສາອິດກຸ້ຍທີ່ກະລັກເປິ້ດປໍ້້ເຢີກຼີໂຢນວິດ.”
ຄຳອຸປະມາເລື່ອງພຣະຫລຽນ
(ມທ 25:14-30)
11ເຢີປະຊາຊົນກຳລັງຕັ້ງພະໄຫ້ງຫະແງ້ເຕິກຼີ ພຣະອົງກໍຊົງກ່າວຄໍາອຸປະມາຕື່ມແອັ້ນເລື່ອງມະໄຫ້ລເຢີຈຸມປີດໍຫະແງ້ ເພາະພຣະອົງເກືອບຈະກະເລິ້ຍນະຄອນເຢຣູຊາເລັມເຢີແລະຈຸມປະຊາຊົນກໍຄຶດບອມຢຼະຣ້ວຍ ພຣະເຈົ້າເລີ່ມປົກຄອງໂດຍໄວ້ໆເຢີພຣະເຢຊູເຈົ້າໂມດປໍ້ນຸງນະຄອນກຼີອານາຈັກຂອງພຣະເຈົ້າ ຕະໝັ້ນຈະຫະຟຼ້າ ຊໍ້ເຕິໄວໆນໍ. 12ອີກຼີ ພຣະອົງບອນກ່າວຣ້ວຍ, “ນັງເວິຍເຈົ້ານາຍນູ້ມະນະ ກຳລັງຈະລໍ້ປໍ້້ສະຖານທີ່ແດນເຢີ່ງເພື່ອປໍ້້ຣຳ້ອິດຣາຊແຜ່ນບິ້ອັນມະໄຫລ້ ຢຼ້າຍຈຶ່ງຈະລ້າເຕິແອັ້ນ. 13ຍຸງຈະລໍ້ປໍ້້ ດໍບອນກາວກຸ້ຍຮັບໃຊ້ສິບສອງນະຂອງບອມຢຼະເຕິ ຢຼ້າຍມອບພຣະຫລຽນໂຢນຈຸມປີດໍທັງສັ່ງຣ້ວຍ, ຈົ່ງເຣິພຣະນໍປໍ້້ຄ້າຫລັ້ງກຳໄລ ຈົນກ່ວາກືຈະລ້າເຕິ. 14ແຕ່ປະຊາຊົນເຕິເວລເມືອງຂອງດໍເລິ້ຍມັກດໍ ຈຶ່ງແຕງຄະນະນູ້ຕາງບຣານປໍ້້ຫລັ້ງດໍ ເພື່ອອ້າຣ້ວຍ, ຈຸມກືເລິ້ຍຕ້ອງການກຸ້ຍໂກນນໍ ໂຢນເກີດຜູ້ປົກຄອງຂອງຈຸມແຮ. 15ເຢີເຕິ ເຢີດໍບອນຣຳ້ອຳນາດຜູ້ປົກຄອງແຜ່ນບິ້ຢ້ຼາຍ ດໍກໍລ້າເຕິແອັ້ນດໍບອນສັ່ງໂຢນບັນດາກຸ້ຍຣຳ້ໃຊ້ອັດຕະເຢິ່ງເຢີບຣານດໍ ເພື່ອຈະບອນຮອຍຣ້ວຍ ຈຸມປີດໍຕະການຄ້າບອນກຳໄລເຢ້ຍປູດມະມໍ້. 16ນູ້ທີ່ໜຶ່ງໂມດເຕິລາຍງານຣ້ວຍ, ພຣະອົງເຈົ້າເອີ້ຍ ກືຢຼະບອນພຣະໜຶ່ງຫລຽນເກີດທ່ານບອນກຳໄລເພີ່ມສິບຫລຽນ. 17ນາຍກ່າວຣ້ວຍ, ອໍປູດ ມາຍເກີດກຸ້ຍຣໍາ້ໃຊ້ທີ່ອໍ ເຢີມາຍສັດຊື່ເຕິຂອງແກັດໆ ກືຈະໂຢນມາຍປົກຄອງສິບເມືອງ. 18ນູ້ທີ່ສອງໂມດເຕິລາຍງານຣ້ວຍ, ພຣະອົງເຈົ້າເອີຍ ກືຢຼະບອນພຣະໜຶ່ງຫລຽນເກີດທ່ານ ບອນກຳໄລເພີ່ມແອັ້ນຫ້າຫລຽນ. 19ນາຍກ່າວເຢີກຸ້ຍນໍທຣະເເລີຍຣ້ວຍ, ມາຍຈະບອນປົກຄອງຫ້າເມືອງ. 20ແອັ້ນກຸ້ຍມະນະໂມດເຕິລາຍງານຣ້ວຍ, ພຣະອົງເຈົ້າເອີຍ ນໍເດພຣະຫລຽນຂອງທ່ານກືບອນອິດແພຣມົນກະໂຢມມ້ຽນດໍ້. 21ເພາະກືຢຼະກຼໍ້ຣ້ວຍທ່ານເກີດກຸ້ຍເຂັ້ມງວດ,ທ່ານເຄີຍເຣິສິ່ງທີ່ເລິ້ຍບອນຝາກດໍ້ ແລະເຣິກັ້ນອິດຫະໂນ໋ທີ່ທ່ານເລິ້ຍບອນໂຈ໋ດໍ້. 22ກະສັດທຣະອອຍຣ້ວຍ, ມາຍກຸ້ຍຣຳ້ໃຊ້ທີ່ຊົ່ວຊ້າເອີຍ ກືຈະແຊ້ງໂທດມາຍໂດຍຄຳໂຊລຂອງມາຍຢຼະ ເຢີມາຍຮອຍຣວ້ຍ, ກືເກີດກຸ້ຍເຂັ້ມງວດ ເຣິສິ່ງທີ່ກືເລິ້ຍບອນຝາກດໍ້ ແລະເຣິກັ້ນອິດຫະໂນ້ທີ່ກືເລິ້ຍບອນໂຈ໋. 23ຄັນອີກຼີ ອະໄມ້ມາຍຈຶ່ງເລິ້ຍອິດພຣະຂອງກືປໍ້້ ຝາກດໍ້ນຸງທະນາຄານ?ຢຼ້າຍເຢີກືລ້າເຕິກືຈະບອນພຣະແອັ້ນພອ້ມນັງດອກເບ້ຍ. 24ຢຼ້າຍກະສັດກໍກ່າວເຢີປະຊາຊົນທີ່ຕະເຢິ່ງອັດກຼີຣ້ວຍ, ຈົ່ງອິດພຣະຫລຽນປໍ້້ເກີດດໍ ແລະມອບໂຢນນູ້ທີ່ເວິຍສິບຫລຽນກຼີ. 25ແຕ່ກຸ້ຍຮັບໃຊ້ໂຊລນັງທ່ານຣ້ວຍ, ພຣະອົງເຈົ້າເອີຍ ກຸ້ຍຮັບໃຊ້ກຸ້ຍກີຼເວິຍສິບຫລຽນເຢີເດ 26ກືອ້າແປຼກະເລິ່ງນະຣ້ວຍ, ຄູນະທີ່ເວິຍເຢີ ກໍຈະບອນຣຳ້ປູດຊໍ້ແອັ້ນ, ແຕ່ນູ້ທີ່ເລິ້ຍບອນອະໄມ້ເລີຍກຼີ ຄຣາຍແຕ່ສິ່ງທີ່ບອມຢຼະເວິຍເຢີເຢຼ້ຍໆ ກໍຈະຄຣາຍອິດປໍ້້ເກີດດໍສາ. 27ຫະຣ້າສັດຕູຂອງກື ທີ່ເລິ້ຍໄອ້ໂຢນກືເກີດປົກຄອງຂອງຈຸມປີດໍກຼີ ຈົ່ງພາຈຸມດໍເຕິບອນນໍ ແລະກະເຈຼດຈຸມປີດໍສາຕໍ່ບຣານຕໍ່ໝັ້ນກື.”
ພຣະເຢຊູເຈົ້າຫະດ້າວປໍ້້ໂມດນະຄອນເຢຣູຊາເລັມຢ່າງໄຊຊະນະ
(ມທ 21:1-11; ມຣກ 11:1-11; ຢຮ 12:12-19)
28ຢຼ້າຍເກີດທີ່ພຣະເຢຊູເຈົ້າ ກາ່ວຄຳອັນນໍຢ້ຼາຍເຢີ ພຣະອົງກໍຫະດ້າວລໍ້ຍຸງຈຸມປີດໍປໍ້້ເຢີນະຄອນເຢຣູຊາເລັມ. 29ເຢີພຣະອົງເຕິຕະໝັ້ນເວລເບັດຟາເຄ ແລະເວລເບັດທານີທີ່ໂນນໂກ໋ກຼາຍກອກເທດ ພຣະອົງກໍແຕງສາວົກກຸ້ຍບາລນະປໍ້້ຍຸງພຣະອົງ. 30ກ່ອນຢຼວນປໍ້, ພຣະອົງບອນກ່າວຣ້ວຍ, ຈົ່ງໂມດປໍ້ຄຸ່ມເວລທີ່ຫະຣ້າບຣານຂອງຈຸມແປຼ. ເຢີຈຸມແປຼເຕິກະເລິ້ຍບອ້ນກຼີ,ຈຸມແປຼຈະທຣຸ້ມຈະໂຕລໍຮັອງຄຣາຍເຈາະດໍ້ອັດບອ້ນກຼີ.ເລິ້ຍບອນນູ້ມໍ້ເຄີຍຕູນພໍມູເທື່ອ.ຈົ່ງເຫລ້ດໍລໍ້ ແລະປໍ້ອິດດໍເຕິເຢີກືອັດບອ້ນນໍ. 31ຄັນເວິຍນູ້ມໍ້ຕະມໍ໋ຣ້ວຍ, ໂບາະດໍປໍ້້ຕະອະໄມ້? ຈົ່ງທະອອຍຣ້ວຍ, ອົງພຣະຜູ້ເກີດເຈົ້າຕ້ອງການ. 32ສາວົກທີ່ຄຣາຍແຕງປໍ້້ກຼີກໍລໍ້ປໍ້້ ແລະທຣຸ້ມຄູຢ່າງຕາມທີ່ພຣະອົງບອນອ້າຈຸມປີດໍເຢີກຼີ. 33ຂະນະທີ່ຈຸມສາວົກກຳລັງໂບາະອິດລໍແກັດອັນກຼີ ເຈົ້າຂອງລໍກໍຕະມໍ໋ຣ້ວຍ,“ຈຸມແປຼໂບາະອິດລໍແກັດຕະອະໄມ້?” 34ຈຸມສາວົກທະອອຍຣ້ວຍ,“ອົງພຣະຜູ້ເກີດເຈົ້າຕ້ອງການ.” 35ແລະ ຈຸມສາວົກກໍຈູງລໍເຕິເຢີພຣະເຢຊູເຈົ້າ ຢຼ້າຍຈຸມປີດໍກໍອິດຈະແຮຊັ້ນເຄຣົ້າຂອງບອມຢຼະປຸ້ມໂກນຂອງລໍ ແລະເຊີນໂຢນພຣະອົງຊໍ້ຕູນ. 36ຂະນະທີ່ພຣະອົງຕູນຈະລໍປໍ້້ກຼີ ປະຊາຊົນກໍອິດຈະແຮຊັ້ນເຄຣົ້າຂອງບອມຢຼະເຕິເຕບຕາມຄະນ້າຫະດ້າວ. 37ເຢີພຣະອົງເຕິຕະໝັ້ນນະຄອນເຢຣູຊາເລັມ ຕາມຄະນ້າທີ່ແຊ້ງປໍ້້ເກີດໂກ໋ກຼາຍກອກເທດ ປະຊາຊົນທີເກີດສາວົກຂອງພຣະອົງ ກໍເລີ່ມຊົມຊື່ນຍິນດີສັນລະເສີນພຣະເຈົ້າດ້ວຍສຽງກະຊ້າງ ເພາະການອັດສະຈັນເອີ້ຍມະກຼີທີ່ຈຸມປີດໍບອນຫອມກຼີ ໂດຍໂຊລຣ້ວຍ, 38“ແສ້ໂຢນກະສັດ ນູ້ທີ່ສະເດັດເຕິດ້ວຍຣິດອຳນາດຂອງພຣະເຈົ້ານຸງພຣະນາມຂອງພຣະອົງພຣະຜູ້ເກີດເຈົ້າ ຈົ່ງຊົງພຣະຈະເລີນ ສັນຕິສຸກຈົ່ງເວິຍອັດນັງພຣະເຈົ້າເຕິສະຫວັນ ແລະແສ້ໂຢນພຣະເຈົ້າຂອງແຮຊົງເຄິ້້ຣຍສຸດ ຜູ້ຊົງສະຖິດເຕິສະຫວັນ.” 39ຢ້ຼາຍຈຸມຟາຣີຊາຍບາງນະນຸງປະຊາຊົນ ກໍໂຊລເຢີພຣະອົງຣ້ວຍ,“ພຣະອາຈານເອີຍຈົ່ງສັ່ງຈຸມສາວົກຂອງທ່ານໂຢນມິດຫະອຽດໂຢ.” 40ພຣະອົງບອນທຣະອອຍຈຸມປີດໍຣ້ວຍ,“ກືອ້າຈຸມແປຼກະເລິ່ງນະຣ້ວຍ ຄັນກຸ້ຍຈຸມນໍມິດຫະອຽດ ກ້ອນຕະມໍ້ທັງກະເລິ່ງກໍຈະໂອ້ຍຊໍ້.”
ພຣະເຢຊູເຈົ້າບອນໂອ້ຍຍາມກະເລິ້ຍນະຄອນເຢຣູຊາເລັມ
41ເຢີພຣະເຢຊູເຈົ້າຫະດ້າວເຕິຕະໝັ້ນ ແລະຫອມນະຄອນເຢຣູຊາເລັມເຢີ ພຣະອົງກໍໂອ້ຍຍາມເພາະຫະເອກນະຄອນນໍ. 42ໂດຍບອນກ່າວຣ້ວຍ,“ເຕິຕະງາຍດໍ ຄັນມາຍບອນຮອຍກະເລິ້ຍສິ່ງທີ່ຕະໂຢນມາຍເວິຍສັນຕິສຸກກໍເກີດການອໍ,ແຕ່ເຕິເວລານໍຊ້າກ່າຍປໍ້ ຈຸມແປຼເລິ້ຍສາມາດໂມດຄະນ້າອິດປໍ້ເຢີສັນຕິສຸກ. 43ດ້ວຍຣ້ວຍ,ເວລາຈະເຕິກະເລິ້ຍ ເຢີສັດຕູຂອງແປຼຈະປິດບິ້ສ້າງຄຳແພງອ້ອມຈຸມແປຼ ແລະຕັ້ນມາຍດໍ້ຄູໆດ້ານ. 44ຈຸມປີດໍຈະທຳລາຍແປຼ ແລະໄກ້ກະເລິ່ງນະທີ່ອັດນັງແປຼໂຢນແຊ້ງຈາໍບິ້. ຈຸມປີດໍຈະເລິ້ຍປະຕ້າກ້ອນຕະມໍ້ໂຢນຕະກຼາໍ້ມະຕຸຼດໍ້ນຸງກະລຸງຂອງແປຼ ເພາະຣ້ວຍແປຼເລິ້ຍຮອຍເວລາທີ່ພຣະເຈົ້າບອນເຕິຢ້ຽມຢາມແປຼ.”
ພຣະເຢຊູເຈົ້າບອນຊຳລະ (ທາໍລາຍ) ພຣະວິຫານ
(ມທ 21:12-17; ມຣກ 11:15-19; ຢຮ 2:13-22)
45ເຢີພຣະອົງບອນໂມດປໍ້້ເຕິພຣະວິຫານ ແລະເລີ່ມບອນໄລ່ບັນດາກຸ້ຍຈອງແຕັດສັດອັດເຕິກຼີລໍ້ປໍ້້ 46ໂດຍກ່າວເຢີຈຸມດໍຣ້ວຍ, “ເວິຍຄຳຂຽນດໍ້ເຕິພຣະຄຳພີຣ້ວຍ ພຣະວິຫານຂອງພຣະເຈົ້າຈະເກີດສະຖານທີ່ອະທິຖານ. ແຕ່ຈຸມແປຼກະເລິ່ງນະລ້າຕະໂຢນເກີດກືບຂອງໂຈນຫະເຄຣະອັດ.” 47ຢຼ້າຍພຣະອົງກໍສັ່ງສອນຄູໆຕະງ້າຍເຕິກະລຸງພຣະວິຫານ,ຈຸມຫົວໜ້າປະໂຣຫິດ,ຈຸມບັນທໍາມະຈານ (ກົດບັນຍັດ) ແລະບັນດາຜູ້ນຳປະຊາຊົນ,ຕ່າງກໍຊູຫັ້ລງໂອກາດທີ່ຈະກະເຈຼດພຣະອົງຕູ້, 48ແຕ່ຈຸມປີດໍເລິ້ຍບອນຫອມຄະນ້າທີ່ຈະຕະບອນ ເພາະປະຊາຊົນລະເລິ່ງນະບອນຕິດພັນ ແລະຕັ້ງພະໄຫ້ຫະແງ້ຄຳສັ່ງສອນຂອງພຣະອົງ.
Currently Selected:
ລູກາ 19: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
