ລູກາ 21
21
ພຣະຖວາຍຂອງກັນກະມ້າຍ
(ມຣກ 12:41-44)
1ເຢີພຣະເຢຊູເຈົ້າຊົງຕະເຫງິ້ງ ບຣານຊໍ້ ດໍບອນທຣຸ້ມບັນດາກຸ້ຍຮັ່ງມີມະນະ ກຳລັງປ່ອນພຣະແຊ້ງນຸງຮີບຖວາຍພຣະວິຫານ, 2ແລະ ພຣະອົງກໍບອນຫອມກັນກະມ້າຍທີ່ທຸກຍາກກຸ້ຍມະນະ ກຳລັງປ່ອນພຣະແຊ້ງນຸງຫີບສອງອັດທອງກະເຊົ້າແຊ້ງກະລຸງຫີບກຼີທຣະເລິຍ. 3ພຣະອົງກ່າວຣ້ວຍ,“ກືອ້າຈຸມແປຼກະເລິ່ງນະຕາມຄວາມຈິ່ງຣ້ວຍ ກັນກະມ້າຍທີ່ທຸກຍາກກຸ້ຍນໍ ບອນປ່ອນພຣະແຊ້ງປູດກ່ວາກຸ້ຍກະນໍ້ກະນໍ້ເອິ້ຍມະກຼີ. 4ເພາະກຸ້ຍກະນໍ້ກຼີ ບອນອິດພຣະທີ່ຈຸມປີດໍເຫຼື່ອໃຊ້ເຕິປ່ອນແຊ້ງ; ແຕ່ກັນກະໝ້າຍກຸ້ຍນໍກະເລິ້ຍຄຣາຍຣ້ວຍນາງທຸກຍາກທີ່ສຸດກໍຕາມ ກໍນັງອິດພຣະທີ່ບອມຢຼະເວິຍກຼີສຳລັບບັ້ນຊີວິດກຼີ ປ່ອນແຊ້ງຈົນເອີ້ຍ.”
ພຣະເຢຊູເຈົ້າກ່າວກະເລິ້ຍພຣະວິຫານຈະຄຣາຍທາໍລາຍ
(ມທ 24:1-2; ມຣກ 13:1-2)
5ຢຼ້າຍເກີດກຼີ ຈຸມສາວົກບາງນະຂອງພຣະອົງບອນເລີ່ມໂຊລ ກ່ຽວນັງເລືອງພຣະວິຫານ.ຈຸມປີດໍບອນໂຊລຣ້ວຍ, “ຈົ່ງແນ້ກ້ອນຕະມໍ້ທີ ອໍມ້າມຂອງພຣະວິຫານກຼີແມ! ສິ່ງຂອງທີບໍຣິສຸດທີ່ຕະດ້ວຍຄຳແລະອຸປະກອນກະນໍທີ່ອຸທິດຖວາຍໂຢນເຢີພຣະເຈົ້າເພືອປະດັບຕົບແຕງພຣະວິຫານ.” 6ພຣະອົງຈຶ່ງຊົງກ່າວຣ້ວຍ,“ເຢີຕະງາຍເວລາຈະເຕິກະເລິ້ຍ ກ້ອນຕະມໍ້ ຊຶ່ງຈຸມແປຼຫອມຊ້ອນຕະກຼ້ຳມະຕຼຸ້ອັດບ້ອນນໍຈະເລິ້ຍບອນເຫຼືອພໍມູກ້ອນ ຄູສິ່ງຈະຕອ້ງຄຣາຍທຳລາຍແຊ້ງເອີ້ຍ ມະກຼີ.”
ໝາຍສຳຄັນ ແລະ ການຂົ່ມເຫັງ
(ມທ 24:3-14; ມຣກ 13:3-13)
7ຈຸມສາວົກບອນຕະມໍ໋ພຣະອົງຣ້ວຍ,“ອາຈານເອີຍ,ເຫດການອັນນໍຈະເກີດຊໍ້ຕອນມໍ້? ແລະສິ່ງມໍ້ຈະເກີດໝາຍສຳຄັນຣ້ວຍ ການທັງປວງນໍຕະໝັ້ນຈະບັງເກີດຊໍ້ເຢີ.” 8ພຣະອົງບອນທະອອຍຈຸມດໍຣ້ວຍ,“ຈົ່ງເປິ້ນລະວັງໂຢນອໍ ຊິນໂຍນນູ້ມໍ້ຫລອກຫລວງຂອງຈຸມແປຼໂຢນກະລັກປໍ້້ ເພາະເວິຍກະເລິ່ງນະຈະອ້າງພະນຶ້ຂອງກືໂດຍໂຊລຣ້ວຍ, ກືນໍເຫີ້ຍ ເກີດນູ້ກຼີ ແລະເວລາກຳນົດຕະໝັ້ນເຕິເຢີ, ຈຸມແປຼຊິນຕາມໂມດປໍ້້. 9ເຢີຈຸມແປຼບອນຊັງເລື່ອງການເສິກສົງຄາມ ແລະການປັນປ່ວນວຸ້ຍວາຍຊິນຫະໂຕ໋ພະໄຫງ້ ເພາະຣ້ວຍເຫດການນໍຕ້ອງເກີດຊໍ້ຍຸງ ແຕ່ທີ່ສຸດປາຍກຼີຈະເລິ້ຍເຕິກະເລີ້ຍທັນທີ່.” 10ຢຼ້າຍພຣະອົງບອນກ່າວເຢີຈຸມປີດໍຣ້ວຍ,“ປະເທດຕໍ່ປະເທດ ອານາຈັກຕໍ່ອານາຈັກຈະສູ້ຮົບທຣະເລິຍ, 11ຈະເກີດແຜ່ນບິ້ໂລກຈະສັນສະເທືອນ (ແຜ່ນດິນໄຫວ) ອັນເຄິ້ຣຍ ແລະການອຶດຫະຫລ້າພ້ອມທັງໂລກລະບາດຢ່າງຮ້າຍແຮງ ຈະເກີດຊໍ້ເຕິທຸກແຮງທຸກຫົນ ຈະເກີດເວິຍສິ່ງແປກປະຫລາດນັງເປັນຕາກໍ້ຼໝາຍສໍາຄັນຕ່າງໆເກີດຟຣ້າສະຫວັນ. 12ຣູຍຸງເຫດການເອີ້ຍມະກຼີອັນນໍຈະເກີດຊໍ້ ຈຸມແປຼຈະຄຣາຍກ້ອມຂັງຄຸກ ແລະຄຣາຍຂົ່ມເຫັງ,ຈຸມແປຼຈະຄຣາຍມອບດໍ້ເຕິທໍາມະສາລາຄຣາຍຕັດສິນ ແລະຄຣາຍຂັງຄຸກ ຈຸມແປຼຈະຄຣາຍອິດຊໍ້ປໍ້້ຕໍ່ບຣານກະສັດ ແລະຜູ້ປົກຄອງ ເພາະຫອມເຢີພະນຶ້ຂອງກື. 13ເຫດການກີຼ ຈະເກີດຊໍ້ເຢີຈຸມແປຼ ເພື່ອຈຸມແປຼຈະເກີດພະຍານ. 14ອັນກຼີ ຈຸມແປຼຕອງຕຽມພະໄຫ້ງດໍ້ໂຢນໝັ້ນຄົງ ເພື່ອເລິ້ຍໂຢນຈຸມແປຼກະວົນກະວາຍພະໄຫງ້ປໍ້້ບຣານຣ້ວຍ ຈະກ່າວປ້ອງກັນຈະບອມຢຼະອີມໍ້ 15ເພາະກືຈະໂຢນຈຸມແປຼເວິຍຖ້ອຍຄຳ ແລະສະຕິປັນຍາ ຊຶ່ງຈຸມນູ້ຂັດຂວາງຕໍ່ສູ້ຈະເລິ້ຍສາມາດຕໍ່ຕ້ານ ຫລືຂັດແຍ່ງຈຸມແປຼບອນ. 16ຄຣາຍແຕ່ອຳອຸຍ,ຈ້າຍມໍ້ແອມ,ພີ່ນ້ອງ ແລະມິດສະຫາຍກໍຈະມອບຈຸມແປຼດໍ້ ແລະຈະໂຢນບາງນະເຕິຈຸມແປຼຄຣາຍໂທດກະເລິ້ຍກະເຈດ (ປະຫານຊີວິດ). 17ກຸ້ຍຄູນະຈະເອິ໋ຍຈຸມແປຼ ເພາະຫອມເຢີນາມພະນຶ້ຂອງກື. 18ຄຣາຍແຕ່ສັອກມູເສັ້ນກໍຈະເລິ້ຍເປິ້ດປໍ້້ເກີດປະລໍຂອງຈຸມແປຼ. 19ຈຸມແປຼຈະຮັກສາຊີວິດພະໄຫງ້ ດ້ວຍຄວາມອົດທົນພາກພຽນຂອງຈຸມແປຼ.”
ພຣະເຢຊູເຈົ້າບອນທຳນວາຍກະເລິ້ຍນະຄອນເຢຣູຊາເລັມຈະຄຣາຍທາໍລາຍ
(ມທ 24:3-14; ມຣກ 13:3-13)
20“ຍາມມໍ້ ແປຼກະເລິ່ງນະຫອມກອງທັບສັດຕູຕ່າງໆ ເຕິຕັ້ງອ້ອມນະຄອນເຢຣູຊາເລັມ ຕະງາຍກຼີເຫີ້ຍ ຈຸມແປຼຈະຫອຍຣ້ວຍ ເມືອງຈະຄຣາຍທຳລາຍ (ຫຣົ້ວ) ເຕິໄວໆ. 21ເຢີກີຼ ໂຢນນູ້ທີ່ອັດເຕິແຂວງຢູດາຍຕ້ອງຫະລຸ້ປໍ້້ເຢີໂກ໋ທັງກະເລິ່ງ,ໂຢນນູ້ທີ່ອັດເຕິເມືອງຕ້ອງລໍ້ປໍ້້ ແລະນູ້ທີ່ອັດເຄົ້ຣາເມືອງກໍເລິ້ຍໂຢນໂມດປໍ້້ກະລຸງເມືອງ. 22ເພາະຣ້ວຍ ຕະງາຍອັນກຼີຈະເກີດ'ຕະງາຍແຫ່ງການລົງໂທດ (ພິພາກສາ),'ເພື່ອໂຢນຢຼ້າຍຕາມທີ່ເວິຍຂຽນດໍ້ເຕິພຣະຄຳພີຄູປະການ. 23ເຕິຕະງາຍອັນກຼີ ຈະທຸກລຳບາກທີ່ສຸດສຳລັບ ກຸ້ຍກັນຖືພາ ແລະເວິຍອຸຍເວີຍໄກ້ແກັດນັງອູ໋ໂຕ໋ກຼີ ປະຊາຊົນເຕິດິນແດນນໍ ຈະບອນຣຳ້ຄວາມທຸກທໍລະມານອັນເຄິ້ຣຍທີ່ສຸດ ແລະພຣະເຈົ້າຈະແຊ້ໂທດປະຊາຊົນອັນນໍ ຢ່າງໂຫດຮ້າຍ. 24ຈຸມປີດໍຈະຄຣາຍເດິ້ມແຊ້ງດ້ວຍກະແນ້ງດາບ ແລະຈະຄຣາຍກ້ອມກວາດປໍ້້ເກີດສະເລີຍເຕິທົ່ວຄູປະເທດ ແລະກຸ້ຍເລິ້ຍນັບຖືພຣະເຈົ້າກໍຈະຢຽບຢຳ້ນະຄອນເຢຣູຊາເລັມຈົນກ່ວາຈະກະເລິ້ຍກຳນົດເວລາຂອງຈຸມປີດໍ.”
ການລໍ້ເຕິຫະຟຼ້າຂອງບຸດມະນຸດ
(ມທ 24:29-31; ມຣກ 13:24-27)
25“ຈະເວິຍໝາຍສໍາຄັນ (ແປກປະຫລາດ) ເຕິດວງອາທິດ,ດວງຈັນ ແລະດວງດາວເອີ້ຍປວງ ທີ່ສະແດງໂຢນຫອມຣ້ວຍການສິ້ນສຸດຂອງໂລກເຕິຕະໝັ້ນເຢີ ແລະກຸ້ຍກະເລິ່ງນະນຸງໂລກນໍຈະບອນຣຳ້ຄວາມທຸກຍາກລາໍບາກ ເພາະຣ້ວຍ ຈຸມປີດໍເລິ້ຍຮອຍ ຄະນ້າທີ່ຈະປໍ້ ທີຈະຫະລຸ້ເກີດສຽງກະຊ້າງຂອງພະຍຸເຕິທະເລແລະສຽງກະຊ້າງສະເນືອນຂອງເດິ໋. 26ກຸ້ຍກະເລິ່ງນະຈະທໍ້ພະໄຫ້ງນັງຄວາມກຼໍ້ຼ ແລະຄອຍເປິ້ນແນ້ໄພພິບັດຕ່າງໆເປັນຕາກໍ່້ ທີ່ກຳລັງເກີດຊໍ້ທົ່ວຫະຢົ້ງແຜ່ນບິ້ໂລກ.ດ້ວຍຣ້ວຍ,ມະໂຕ້ລກະເລິ່ງ ແລະແຜ່ນບິ້ໂລກເຕິຟຣ້າຈະຕະເກຼີ໋ລສະທ້ານຫວັ່ນໄຫວ. 27ເຢີກຼີ ຈຸມດໍຈະຫອມບຸດມະນຸດຈະສະເດັດຫະຟຼ້າເຕິຫະຢົ້ງກະລຸງຕະລຸກ ດ້ວຍຣິດອໍານາດອັນເຄິ້ຣຍສຸດ ແລະຄວາມເຄິ້ຣຍສຸດດ້ວຍສະຫງ່າຣາສີອັນຮຸ່ງເຮືອງຂອງພຣະເຈົ້າ. 28ເຢີເຫດການອັນນໍເລີ່ມເກີດຊໍ້ ຈຸມແປຼຈົ່ງໂຢຼລຕະເຢິ່ງແລະຕະເງິ້ງປະລໍຊໍ້ເພາະຄວາມວິດບາບຂອງຈຸມແປຼຕະໝັ້ນຈະກະເລິ້ຍເຢີ.”
ບົດຮຽນເກີດຕະໂກລະຫວ້າເທດ
(ມທ 24:32-35; ມຣກ 13:28-31)
29ຢຼ້າຍພຣະອົງກໍຊົງກ່າວຄໍາອຸປະມາເລື່ອງມະໄຣ້ນໍເຢີຈຸມປີດໍຣ້ວຍ,“ຈົ່ງພິຈາລະນາແນ້ຕະໂກລະຫວ້າເທດ ແລະຕະໂກລ້ອງທັງກະເລິ່ງ.ເຢີຈຸມແປຼກະເລິ່ງນະຫອມໄບ້ດໍເລີ່ມລໍ້ ຈຸມແປຼກໍຈະຮອຍຣ້ວຍຕະໝັ້ນຈະກະເລິ້ຍລະດູໂຕະເຢີ. 30ເຢີຈຸມແປຼກະເລິ່ງນະຫອມໄບ້ລອ້ງເລີ່ມລໍ້ ຈຸມແປຼກໍຈະຮອຍຣ້ວຍຈະໝັ້ນຈະກະເລິ້ຍລະດູໂຕະເຢີ. 31ມູແນວອັນກຼີເຫີ້ຍ ເຢີຈຸມແປຼຫອມເຫດການເປັນຕາກຼໍ້ອັນນໍກຳລັງຈະເກີດຊໍ້ຈຸມແປຼຈົ່ງຮອຍຣ້ວຍ ເວລາສຳລັບພຣະເຈົ້າເພື່ອປົກຄອງປະຊາຊົນເອີ້ຍ ມະກຼີ ອານາຈັກຂອງພຣະເຈົ້າຕະໝັ້ນຈະເຕິກະເລິ້ຍເຢີ.” 32“ກືອ້າຈຸມແປຼກະເລິ່ງນະຕາມຄວາມຈິງຣ້ວຍ ກຸ້ຍເຕິສະໄໝນໍຈະເລິ້ຍກະເຈດປໍ້້ຍຸງ ຈົນກ່ວາເຫດການເອີ້ຍມະນໍບັງເກີດຊໍ້ 33ຟຣ້າແລະບິ້ໂລກຈະຄຣາຍທຳລາຍປໍ້,ແຕ່ຖ້ອຍຄຳຂອງພຣະເຈົ້າຈະເລິ້ຍລ່ວງພົ້ນປໍ້້ຈັກເທື່ອ (ຈະເກີດຊໍ້ຢ່າງແນ່ນອນ).”
ຊົງເຕືອນໂຢນລະວັງ
34“ຈົ່ງຄອຍເປິ້ນລະວັງຈະໂຢນອໍ ຊິນສູ່ໂຢນພະໄຫງ້ຂອງມາຍກະເລິ່ງນະໜັກປໍ້້ເຕິການຈ້າລ້ຽງ ແລະຫງ້ອຍລະຢາໂບລ ແລະເຕິການຫວງກະເລິ້ຍຊີວິດນໍ ເລິ້ຍອີກຼີເຢີ ເຕິຕະງາຍກຼີກໍຈະຫລອນເຕິຫະໂຕ້ຄຣາຍຈຸມແປຼຢ່າງເລິ້ຍຄາດຄິດ ເກີດສິ່ງທີ່ຊັກຈູງຈຸມແປຼເກີດການຕິດຕາມກືຢ່າງສັດຊື່ຊິນເສຍເວລານັງການລ້າງເຕິຄວາມສຸກຂອງບອມຢຼະ 35ດ້ວຍຣ້ວຍ,ຕະງາ້ຍກຼີຈະເຕິຄຣາຍກຸ້ຍກະເລິ່ງນະ ເຕິທົ່ວໂລກຄືຕ້າຫະປຼົງຫະແປຼັນຫະກຼາຍເປ້. 36ອີກຼີ ຈົ່ງຈຳ້ລະວັງ ແລະພາວັນນາອະທິຖານເຕິຄູເວລາ,ເພື່ອຣ້ວຍ ຈຸມແປຼຈະເວິຍກຳລັງວິດເກີດເຫດການທີ່ເກີດຊໍ້ຄູແນວ ທີ່ຕະໝັ້ນຈະເກີດຊໍ້ກຼີ ແລະຕະເຢິ່ງອັດຕໍບຣານບຸດມະນຸດບອນ.” 37ຟຣ້າຕະງ້າຍພຣະອົງຊົງສັ່ງສອນເຕິພຣະວິຫານຄູໆຕະງ້າຍ ແລະຕອນຟຣ້າກະໂດະພຣະອົງກໍສະເດັດລໍ້ປໍ້້ເຕິບອນໂກ໋ໝາກກອກເທດ. 38ພໍຟຣ້າອ້າງ ປະຊາຊົນກະເລິ່ງນະກໍບອນເຕິບອນພຣະວິຫານເພື່ອຫະແງ້ພຣະອົງສອນ.
Currently Selected:
ລູກາ 21: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
