Romio 10
10
Pol arho aiʹren âdmiko laʹte koijongkede
1Boiha ar mesrako, Ingren âdmiko laʹte ingâʹ monnaʹ icchâ ar ing akalka angko laʹte Issorṭheʹ koijongding je, angko jate pap khoiʹ uddhâr namako. 2Angko somondhe ing niâ sakkho maʹkâning je, Issor cetanre angkoaʹ aima agroho tahelentakoa, kheʹ akalakate Issoren dhârmik âdmi ho jutuʹa ana bisoite angkoaʹ gen bang tahelentakoa. 3Karon Issorte akalkate âdmiko nijeṭheʹ ṭhikketeʹ rakapkoe ana bang bujhu darekadako. Ana badalte nijeoaʹ lakaketeʹ ḍahar sendrelaʹ kurumuṭukadako. Anate angkote âdmi ṭhikkolaʹ nije Issorṭheʹ bang jimâkanako. 4Khrisṭo hijuʹaʹ talatigi ânnaʹ jugdo mucitʹkana. Nitoʹ ekeko Âni cetanre pâtyuʹako angkodo Issoren dhârmik âdmi hoʹako.
Akalkate Issorte âdmiko baco darekoe
5Ân palonketeʹ Issoren dhârmik âdmi hoʹaʹ somporke Mosi olkade, "Eke âdmi ân laka caʹheʹ ânido ananaʹ talatigi jiui namheʹ."#Lebiopustok 18:5 6Kheʹ pâtyu talate akalakaketeʹ Issoren dhârmik âdmi hoʹako ana bisoite pobitro sastrore men hokana, "Mon monte niâ katha alo menape, 'Eke sorgore caʹheʹ?" Niânaʹ orthodo hona, sorgo khoiʹ Khrisṭo agro agui laʹte eke sorgo caʹheʹ? 7"Se alo menape, 'Eke aima khândring gâḍluʹ caʹheʹ?'" Niânaʹ orthodo hona, goiʹ khoiʹ Khrisṭo rakap agui laʹte eke goiʹonkhoiʹaʹ jagare caʹheʹ?
8Niâ itâʹ mene, "Issor akaṭaʹ menkade anado amaʹ saotigi menaʹa, orthatʹ amaʹ moca ar ontorre menaʹa."#Dosarbiboron 30:12-14 Akaṭaʹ pâtyunaʹ khobor abo procarabo anado hona Issoraʹ ana kathagi. 9Ana kathado hona, judi amaʹ mocate Jisu Probhu mente sikâriâm ar ontorte pâtyuiam je, Issorte Âni goiʹ khoiʹ jiuitʹ rakapkâdie tahale amdo pap khoiʹ bacoʹmahaʹ, 10Karon Jisu pâtyu talatigi Issortedo âdmiko nirdos mente atangkoe ar mocate ana pâtyunaʹ katha sikârkheʹ pap khoiʹ uddhârkoe.
11Pobitro sastro mende, "Jahegi Âni cetanre pâtyuʹako angkodo bang nirâsoʹako."#Jisaio 28:16 12Karon sanamkhoiʹrengi miṭiʹgie Probhu, Jihudi ar Ojihudiko talare jahan parthokko bânuʹa. Jekote Âni ṭâhuiako Ânitedo angko aima âsirbad makoe. 13Pobitro sastrore menaʹa, "Bacoʹ laʹte jahegi Probhuoaʹ nutum ṭâhuiako angkogi bacoʹako."#Joyel 2:32
14Alkate âdmiko Probhuoaʹ cetanre pâtyu darenkohaʹ ar nije bacoʹ laʹte angkote Âni ṭâhuikohaʹ, judi âni bisoite tisho bang atenako? Ar alkate angko atenkohaʹ judi jahete bang lâiokoako? Bang angkodo bang dareʹako. 15Judi Issorte angko bang kolkoe tahale akalakate caketeʹ procarkohaʹ? Pobitro sastrore ol menaʹa, "Dhonno angko ekedo hubnaʹ manja khobor procarlaʹ hijuʹako."#Jisaio 52:7
16Ar sanamkhoiʹdo ana manja khobor atenkadako kheʹ sanamkhoiʹdo bang pâtyukanako. Nâbi Jisaio menkade, "Probhu, ale akako menkadale ana jaheki pâtyukanako?"#Jisaio 53:1 17Tahale Khrisṭoaʹ katha begor atente ekegi bang pâtyu darenako.
18Kheʹ ing mening, Israyelkodo ki ana katha bang aten namkadako? Ṭhikgi atenkadako. Pobitro sastro mene,
"Angkoaʹ ṭâhudo goṭa dhârtire pasnongekana,
pasnongekana angkoaʹ katha, dhârtinaʹ mucitʹ dhâbiʹ."#Siringko 17:4
19Kheʹ ingte kulikoing, Israyelkodo ki ana katha bang bujhu darekadako? Mosi mene je, Issor menkade,
"Ekekodo jahan jât bangkanako angkoaʹ biruddhe Ingte ape hingsâsopeinghâʹ,
ar miṭiʹ murkho jâtaʹ talate Ingte ape edresopeinghâʹ."#Dosarbiboron 32:21
20Niâ tayom nâbi Jisaio arho sâhusketeʹ mene Issor menkade,
"Ekekote ing bang sendrakâdingako
angkotigi ing namkâdingako,
Kheʹ ekekote ing bang ṭâhukâdingko, ingdo angkoṭheʹgi uduʹkâning."#Jisaio 65:1
21Kheʹ Israyelkoaʹ bisoite Issor menkade,
"Nako obaddho ar reṭha âdmiko hate ingdo goṭa din Ingâʹ ti lahagirileʹtining."#Jisaio 65:2
Currently Selected:
Romio 10: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
