Popular Bible Verses from Romio 10

Share

Ana kathado hona, judi amaʹ mocate Jisu Probhu mente sikâriâm ar ontorte pâtyuiam je, Issorte Âni goiʹ khoiʹ jiuitʹ rakapkâdie tahale amdo pap khoiʹ bacoʹmahaʹ

Karon Jisu pâtyu talatigi Issortedo âdmiko nirdos mente atangkoe ar mocate ana pâtyunaʹ katha sikârkheʹ pap khoiʹ uddhârkoe.

Tahale Khrisṭoaʹ katha begor atente ekegi bang pâtyu darenako.

Pobitro sastro mende, "Jahegi Âni cetanre pâtyuʹako angkodo bang nirâsoʹako." Karon sanamkhoiʹrengi miṭiʹgie Probhu, Jihudi ar Ojihudiko talare jahan parthokko bânuʹa. Jekote Âni ṭâhuiako Ânitedo angko aima âsirbad makoe. Pobitro sastrore menaʹa, "Bacoʹ laʹte jahegi Probhuoaʹ nutum ṭâhuiako angkogi bacoʹako."

Judi Issorte angko bang kolkoe tahale akalakate caketeʹ procarkohaʹ? Pobitro sastrore ol menaʹa, "Dhonno angko ekedo hubnaʹ manja khobor procarlaʹ hijuʹako."

Alkate âdmiko Probhuoaʹ cetanre pâtyu darenkohaʹ ar nije bacoʹ laʹte angkote Âni ṭâhuikohaʹ, judi âni bisoite tisho bang atenako? Ar alkate angko atenkohaʹ judi jahete bang lâiokoako? Bang angkodo bang dareʹako.

Khrisṭo hijuʹaʹ talatigi ânnaʹ jugdo mucitʹkana. Nitoʹ ekeko Âni cetanre pâtyuʹako angkodo Issoren dhârmik âdmi hoʹako.