Romio 9
9
Pol Jihudiko laite cintâre tahalene
1Ingdo Khrisṭore sâri kathagi mending, âuṛi kathado bang mending, ingâʹ bibekho Pobitro Atta saote niâ sakkhogi maʹe je, 2Ingâʹ ontorre ing aima duk ar kosṭo namding, 3karon ingren âdmi, ar ingren nijer jât laʹte. Angko judi goro darekoinghoteʹ emonki ingâʹ nengkanaʹ icchâ hoʹa je angko badalte ing jate Khrisṭoaʹ sarap khoiʹ ar Âniṭheʹ khoiʹ aladageninghoteʹ. 4Angkoto Israyel jâtren âdmikanako. Issorte angko Aiʹren gidrâ hoʹaʹ odhikar makaʹkoe, Aiaʹ mohima lelsokaʹkoe, angko salaʹ cuktilede, ân makaʹkoe, Aiaʹ seoa ar upâsonanaʹ upâi makaʹkoe ar angkodo Issoraʹ rikit namkadako. 5Issorren marang bhoktokodo tahalenako angkorengi harme netako ar âdmi hisâbte Khrisṭodo angkoaʹ bongsorigi janamlene. Ânigie Issor, Ekedo sanamkhoiʹgi sasonkoheʹ, sanamaʹ gourob cirokal Âniaʹgiâ. Amen.
6Issoraʹ rikit je âuṛingekantaya anado bang, karon jeko Israyel jât talare janamkanako angko sanamkhoiʹdo sâriyiʹ Issorren âdmido bangkanako. 7Abraham gusṭiren mentigi je sanamkhoiʹ Issorren âdmikanako anado bang, borong Pobitro sastronaʹ kathalaka, "Isahakren gusṭigi amren gusṭi men hoʹha."#Âdipustok 21:12 8Niânaʹ orthodo hoʹkana, Abrahamren sanam gidrâgi je Issorrenkanako anado bang, kheʹ Issoraʹ rikitʹ laka jekoaʹ janam hokantakoa angkogi Abrahamren gusṭiren mente saboʹkohaʹ. 9Issoraʹ rikitʹdo niâkana "Ṭhik somaire Ing âcur hijuʹhuʹ ar Sararen miṭiʹ kora gidrâ hoʹheʹ."#Âdipustok 18:10-14
10Khâli anado bang, Rebekate jama gidrâ janamleʹkine. Ekedo aboren sederen âdmi Isahakren gidrâkanakin. 11-12Ângkin gidrâ âuri janamoʹrigi jâkhni ângkin manja se kharap akaṭaʹgi bang rikâledakin, Inrigi Issorte Rebeka metalidie je, "Marangoniʹdo kâṭiʹuniʹren das hoʹheʹ."#Âdipustok 25:23 Issoraʹ rikit lakatigi ângkindo bachongekaʹkine jahanaʹ kâmilaʹtedo bang kheʹ Ekete ângin ṭâhukaʹkine Âniaʹ icchâ laʹtigi, 13Ar Pobitro sastrore Issor menkade, "Jakobdo Ingte dulârkâdiying, kheʹ Esodo ghrinâkâdiying."#Malakhi 1:2-3
14Tahale abodo itâʹ menbohaʹ? Issordo onnaie? Tisho bang. 15Issorte Mosi metalidie, "Ingte eke mayaoilaʹ nâming, ânigi mayaoihâʹ."#Jatrapustok 33:19 16Niâdo tahale ekeoaʹho cesṭa se icchâ cetanredo bang nirbhoroʹa, eken Issoraʹ maya cetanrigi nirbhoroʹa. 17Pobitro sastrore Issorte Furon niâ katha metakidie, "Ingte am raja banokaʹming jate amaʹ talate Ingâʹ sukti uduʹ dareʹing ar goṭa dhârtire jate Ingâʹ nutum pasno dareʹing."#Jatrapustok 9:16
18Tahale leloʹkana je, Issortedo Nijeoaʹ icchâ laka ekekodo mayaokoe ar ekekoaʹ ontordo reṭhetakoe.
Issoraʹ maya
19Hoito apete ing kulingpehaʹ, "Tahale ceklaʹ Issorte âdmiaʹ dos sabtakoe?" Jaheki Issoraʹ uddessore badha ma dareʹako? 20Ananaʹ uttorre ing meninghâʹ je, amdo âdmikanam, Issoraʹ katha cetanre torkoʹiʹ amdo ekekanam? Jahe âdmi judi hasnaʹ jinis teyarako tahale ana teyaronaʹ hasnaʹ jiniste ki âni kuli dareyeʹ, "Ceklaʹ ing nengka teyar kâdiâm?" 21Miʹ lakanaʹ has khoiʹ ki kumhâraʹdo eṭaʹ eṭaʹ jinis teyaraʹ ki khomota bânuʹtakoa, akakodo sonmannaʹ kâmi laʹte akakodo arho imni kâmi laʹte?
22Ṭhik analakagi Issorho Aiaʹ edre ar sukti uduklaʹ namlede. Taoho ekeko âdmi cetanre Aiaʹ edre sodorheʹ. Aima dhirjâ saote Ânite angko sahokeʹkoe. Neko âdmiaʹ paona tahelenatakoa dhongso. 23Arho Ânido Aiaʹ bangcaboʹ mohima lelsokolaʹ namlede. Ekeko Âniren mayaren âdmikanako angkodo Aiʹte Aiaʹ mohima makolaʹte laharigi ṭhikketeʹ doholeʹkoe. 24Ânite abogi ṭâhukaʹboe. Ânite abo khâli Jihudikoaʹ tala khoiʹdo bang ṭâhukaʹboe, kheʹ Ojihudikoaʹ tala khoiʹho ṭâhukaʹboe. 25Nâbi Hoseoaʹ boire Issor menkade,
"Ekeko Ingren bangkanako,
angkodo Ingren âdmi mente ṭâhukoinghâʹ,
ar ekedo Ingte bang dulârkâdiying
ânido Ingren dulârniʹ mente ṭâhuinghâʹ."#Hoseo 2:23
26"Aka jagare angko meta holena,
'Apedo Ingren âdmi bangkanape,'
Aṛe angkodo jiuitʹ Issorren gidrâ mente ṭâhukokohaʹ."#Hoseo 1:10
27Nâbi Jisaio Israyel jâtaʹ bisoite menlede,
"Judiho Israyeliokodo marang ganggnaʹ gitil laka aimagiâko,
taoreho angko tala khoiʹ Issorte thoṛa âdmigi bacokoheʹ.
28Bicârnaʹ beparte Probhu niâ dhârtire akaṭaʹ rikilaʹ menkade, Âni ana purunheʹ, saṭlakagi ana cabeheʹ."#Jisaio 10:22-23
29Jisaio arho menlede,
"Sanam dareʹiʹ Probhu judi abo laʹte
thoṛa gusṭi bang dohokoehoteʹ
tahale aboaʹ obostha Sodom
ar Ghomora sohornaʹ laka hoʹahoteʹ."#9:29 Âdipustok 19:23-25 Sanam khoiʹgi Sodom ar Ghomora sohor laka dhongʹabohoteʹ.
Pol âniren âdmiko laʹte koijonglede
30Tahale abodo niâ kathagi menabo je, judiho Ojihudikodo Issorṭheʹ dhârmik hoʹlaʹte bang kurumuṭukadako taoreho akoaʹ pâtyunaʹ talatigi angkodo Issorṭheʹ dhârmik hokanako. 31Kheʹ Israyelkodo ân palon talate Issorṭheʹ dhârmik hoʹlaʹ kurumuṭuledako, kheʹ angkodo ana bang ho darekanako. 32Itâʹlaʹ bang ho darekanako? Karon angkodo pâtyu cetanre nirbhor bangketeʹ kâmi cetanre nirbhorlenako. Akaṭaʹ dirire âdmiko tohodoʹako anatigi angkodo tohotʹlenako. 33Niâ bisoite Pobitro sastrore ol menaʹa,
"Lelpe, Ing Sionre emon miṭiʹ diri bâisuliding
akaṭaʹredo âdmiko tohodoʹkohaʹ,
kheʹ ekeko Âni ceranre pâtyuʹkohaʹ angkodo tisho oho giugoʹako"#Jisaio 8:14; 28:16
Currently Selected:
Romio 9: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
