Preritʹ Bhumika
Bhumika
Niâdo Lukaʹ olonaʹ naoa niâmrenaʹ dosar boikana. Niâ boire Lukdo uduʹkade je, preritkoaʹ kâmido hona Jisuoaʹ goiʹ ar goiʹ khoiʹ jiuitʹ beretʹnaʹ bisoite. Manja khobornaʹ tainomnaʹ miṭiʹ laha taiom ghoṭonarenaʹ biboron. Niâ boido uduge alkaketeʹ pobitro attaoaʹ âyurte "Jirusalem, Jihudiâ, Somoriâ ar dhârtinaʹ mucitʹ dhâbiʹ" Jisuoaʹ manja khobor procalredako. Niâdo hoʹkana Khrisṭankoaʹ andolonrenaʹ golpo jâkhni nado Jihudikoaʹ talare ehoblena ar tayomte goṭa dhârti laʹte miṭiʹ pâtyure palṭolena. Preritkoaʹ kâminaʹ ar monḍoli hara rakabaʹ miṭiʹ guruttopurno boisisṭo hona pobitro attaoaʹ kâmi. Ânido Jirusalemre poncasoptomi dinre Khrisṭo pâtyuniʹ âdmiko sukti ar khomota mako laʹte agro hiʹlene. Luktedo aiʹren paṛhouniko niscitkolaʹ namkade je, Khrisṭore pâtyuonkhoiʹdo Rom somrajjorenaʹ biruddhoredo dhongsorenaʹ jahan rajnitik humki dobangkanako. Abodo niâ boire lel namabo je, Khrisṭore pâtyuonkhhoiʹaʹ jiuire ar Khrisṭio monḍolirenaʹ sohobhâgita talare manja khoborrenaʹ sukti sodorlena.
Khaṭote bisoiko
(1) Pâtyuonkhoiʹdo pobitro atta ma hona (1:1-26 pod)
(2) Jirusalemre sakkho dan (2:1-8:3 pod)
(3) Jihudiâ ar Somoriâre sakkho dan (8:4-12:25 pod)
(4) Aima sâhingkore Prerit Polaʹ sakkho dan (13-28 oddhai)
Currently Selected:
Preritʹ Bhumika: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh