Chibkees 36

Exaws Cob Xeesntxwz

(1 Xwdtxheej Vaajntxwb 1.34-37)

1Qhais na muz yog Exaws cob xeesntxwz kwg muaj kua is lus npe hu ua Edoos. 2Exaws muz yuab cob neeg Kana-aas tej ntxhais luz ua puj: Eloos kwg yog neeg Hitis tuz ntxhais kwg hu ua Adahes, has Xinpe-oos kwg yog neeg Hivis tuz tus#36.2 Tej phaw qus txhais has tas, tuz tus; phaw Henplais has tas, tuz ntxhais, lossis tuz ntxhais xeesntxwz. Anas tuz ntxhais kwg hu ua Awhawlinpamas, #Chk 26.34 3has Yisamayees tuz ntxhais Npasemas kwg yog Nenpayaws tuz muad.#Chk 28.9 4Adahes yug taw Elifas, Npasemas yug taw Le-uyees 5has Awhawlinpamas yug taw Ye-uses, Yalaas has Kawlas. Taaznrhiab cob na puabtsig yog Exaws cob tus kwg yug hub lus teschias Kana-aas.

6Ces Exaws coj niz cob puj, cob tus, cob ntxhais has taaznrhiab niz tseb neeg, nrug niz tej tsaj txhu has txhua yaad kwg niz khwb taw hub teschias Kana-aas, tsib muz nyos tu is lus teschias kwg nyos kes qhais niz tuz kwb Yakhawj. 7Niz tsib muz vid lus teschias kwg niz has Yakhawj istxwd nyos nqaid tu ostug heeb, has ostug muaj tsaj txhu coos ha ua tu ostug nyos tsi taw ua ke. 8Yog ni qhai, Exaws (kwg yog neeg Edoos) ha muz nyos tu pez lus laaj roos kwg nyos pez teschias Xe-iles liad.

9Qhais na yog Exaws cob xeesntxwz kwg yog cob neeg Edoos cob yiadkoos kwg nyos pez lus laaj roos pez teschias Xe-iles. 10Qhais na yog Exaws cob tus tej npe: Niz tuz puj kwg hu ua Adahes yug taw Elifas, has niz tuz puj kwg hu ua Npasemas yug taw Le-uyees. 11Elifas cob tus yog: Temas, Awmas, Xefus, Nkatas, has Kenaxes. 12Exaws tuz tus Elifas tseed muaj is tug nadyaw hu ua Teenas. Teenas yug taw is tug tus hu ua Amalej. Cob na puabtsig yog Exaws tuz puj kwg hu ua Adahes cob xeesntxwz. 13Le-uyees cob tus yog: Nahas, Zelas, Samas has Mixexas. Cob na puabtsig yog Exaws tuz puj kwg hu ua Npasemas cob xeesntxwz.

14Exaws tuz puj kwg hu ua Awhawlinpamas kwg yog Xinpe-oos tuz tus#36.14 Tej phaw qus txhais has tas, tuz tus, phaw Henplais has tas, tuz ntxhais, lossis tuz ntxhais xeesntxwz. Anas tuz ntxhais, yug taw pes tuz tus tu Exaws: Ye-uses, Yalaas has Kawlas.

15Qhais na yog cob thiajcoj kwg yog Exaws cob xeesntxwz. Exaws tuz tus hlus Elifas yog yiadkoos qhais cob thiajcoj nraag qaas na: Temas, Awmas, Xefus, Kenaxes, 16Kawlas, Nkatas has Amalej. Cob thiajcoj na puabtsig yog caajcez luz qhais Elifas kwg nyos hub teschias Edoos, has yog Exaws tuz puj kwg hu ua Adahes cob xeesntxwz.

17Exaws tuz tus Le-uyees yog yiadkoos qhais cob thiajcoj nraag qaas na: Nahas, Zelas, Samas has Mixexas. Cob thiajcoj na puabtsig yog caajcez luz qhais Le-uyees kwg nyos hub teschias Edoos, has yog Exaws tuz puj kwg hu ua Npasemas cob xeesntxwz.

18Cob thiajcoj nraag qaas na, puabtsig yog caajcez luz qhais Exaws tuz puj kwg hu ua Awhawlinpamas kwg yog Anas tuz ntxhais: Ye-uses, Yalaas, has Kawlas. 19Taaznrhiab cob thiajcoj na puabtsig yog Exaws (kwg yog neeg Edoos) cob xeesntxwz.

Xe-iles Cob Xeesntxwz

(1 Xwdtxheej Vaajntxwb 1.38-42)

20Qhais na yog Xe-iles kwg yog neeg Hawlis cob tus, cud yog cob neeg kwg nyos hub lus teschias Edoos has cud yeej istxwd nyos hub cheestsaad qhais. Xe-iles cob tus yog: Lawtas, Sawnpas, Xinpe-oos, Anas, 21Disoos, Exeles has Disaas. Xe-iles cob tus kwg nyos hub teschias Edoos puabtsig yog cob neeg Hawlis cob thiajcoj.

22Lawtas cob tus yog: Hawlis has Hemaas. Teenas yog Lawtas tuz muad.

23Sawnpas cob tus: Alevas, Manahas, Enpales, Sefaws, has Awnaas.

24Xinpe-oos muaj os tug tus: Ayihas has Anas. (Qhais na yog Anas tuz kwg muz pud lus qhobdej kug kwg nyos tod roos mojsaas qhua, thaws niz coj niz vaid cob neez luab muz noj zaws.) 25Anas cob minyuas yog: Disoos has Awhawlinpamas kwg yog Anas tuz ntxhais. 26Disoos cob tus yog: Heedaas, Esenpaas, Ithalaas has Khelaas.

27Exeles cob tus yog: Npihaas, Xavaas, has Akaas.

28Disaas cob tus yog: Uxes has Alaas.

29Cob qhais na yog cob Hawlis tej thiajcoj: Lawtas, Sawnpas, Xinpe-oos, Anas, 30Disoos, Exeles has Disaas. Cud cob na puabtsig yog cob Hawlis cob thiajcoj, rias ni cud muas fais ua tej paas tej piag, nyos hub lus teschias Xe-iles.

Cob Vaajntxwb Kwg Kaab Teschias Edoos

(1 Xwdtxheej Vaajntxwb 1.43-54)

31Cob na yog cob vaajntxwb kwg kaab lus teschias Edoos ua ntej cob Yixalayees muaj vaajntxwb.

32Npe-aws tuz tus Npelas ua vaajntxwb kaab teschias Edoos, niz lus nroog hu ua Dihanpas;

33Thaws Npelas tuag liad, Zelas tuz tus Yawnpas kwg nyos hub Npawxelas ua vaajntxwb hloob niz chia;

34Thaws Yawnpas tuag liad, Husaas kwg nyos hub teschias Temas ua vaajntxwb hloob niz chia;

35Thaws Husaas tuag liad, Npedas tuz tus Hadas, (Npedas yog tuz muz tua yeej cob neeg Midias hub lus teschias Maw-ad) luz ua vaajntxwb hloob niz chia. Niz lus nroog hu ua Avithas;

36Thaws Hadas tuag liad, Xamelas kwg nyos hub Malekas ua vaajntxwb hloob niz chia;

37Thaws Xamelas tuag liad, Xa-ules kwg nyos hub Lehawnpaws, pez lus hawb dej Efalates ua vaajntxwb hloob niz chia;

38Thaws Xa-ules tuag liad, Anpaws tuz tus Npa-aas Hanas, ua vaajntxwb hloob niz chia;

39Thaws Anpaws tuz tus Npa-aas Hanas tuag liad, Hadas ua vaajntxwb hloob niz chia. Niz lus nroog hu ua Pa-us, (niz tuz puj hu ua Mehetanpees, yog Matales tuz ntxhais has yog Mexahas tuz ntxhais xeesntxwz.)

40Cob na yog cob thiajcoj kwg yog Exaws cob xeesntxwz, rias ni cud caajcez tseb neeg, cud tej chia nyos, has cud tej npe: Teenas, Alevas, Yethes, 41Awhawlinpamas, Elas, Pinoos, 42Kenaxes, Temas, Minpexas, 43Mankediyees has Ilames. Cob na puabtsig yog cob neeg Edoos cob thiajcoj.

Currently Selected:

Chibkees 36: CQD2024

Highlight

Copy

Compare