ଗାଲାତିୟ 6
6
ରଃଅଞ୍ଜି ଅଟେ ରଃଅଞ୍ଜ୍ତି କାଁଞ୍ଜୁ ଡେକନ୍
1ଆମ୍ୱେସ୍ଆଙ୍ଗିସ୍କାନାତେରି, ଏମ୍ୱେନାଞ୍ଜି ଜଦି ପାପ କାମା କିଆନ୍ନେଞ୍ଜି, ଆତ୍ମିକ ଗାଟାତାତେରି ଜେ ମିରୁ, ଏୱାଞ୍ଜିକି ଜେଡାଟି ବୁଜ୍ଜେ କିଦୁ । ଆଟେ ମିରୁ ୱାଡ଼େ ଇନିସ୍କି ପରିକ୍ୟାତାୱା ଦିଃଏରି, ଏଦାବାଗା ମିରୁ ନେହେନ୍ ବାସାଆଦୁ । 2ରଃଅଞ୍ଜି ଅଟେ ରଃଅଞ୍ଜ୍ତି କାଁଞ୍ଜୁ ଡେକାଟୁ; ମିରୁ ଏହେଙ୍ଗିସି କିତେସି କ୍ରିସ୍ଟତି ହାଜୁ ଲେର୍ କିଅନ୍ ମୁଦେରି । 3ଜଦି ରଃଅଞ୍ଜି ଗାମେଟେଃଏ ତାନୁ ଗାମିନାନୁ ଇଞ୍ଜାନ୍ ଏଲୁ କିନ୍ନେଞ୍ଜି ଇଚ୍ଚେସି, ଏୱାଞ୍ଜି ତା ଗାଣ୍ଡିତିଦି ଟକ୍କି କିନ୍ନେଞ୍ଜି । 4ମତ୍ର ରଃଅଞ୍ଜି କୁଏଞ୍ଜି ତା କାମାତିଦି ପରିକ୍ୟା କିପାକାଞ୍ଜି, ଆଟେ ତା ଗାଣ୍ଡି ବିହିତାରି ଡ଼ାହି ତୁକା କିଆନ୍ ଗର୍ବ କିଃଏଟେଃଏ, ଏୱାଞ୍ଜି ୱାର୍ରି ତା କାମା ବାଗା ଗର୍ବ କିପାକାଞ୍ଜି । 5ହାବେତାରି ତା ତା କାଁଞ୍ଜୁ ଡେକନ୍ ମାନ୍ନେ । 6ମତ୍ର ଏମ୍ୱେନାଞ୍ଜି ମୁଲାପେନୁତି ବାକ୍ୟ ଗ୍ରାମ୍ୱେନ୍ନେଞ୍ଜି, ଏୱାଞ୍ଜି ତା ଗ୍ରାପାଗାଟାର୍ ଡ଼ାହି ତା ହାବେତ୍ ନିଗ୍ଗା କୁଲା ପାହାକାଞ୍ଜି । 7ମିରୁ ମି ଗାଣ୍ଡି ଟକ୍କି କିଃଆଟୁ, ମୁଲାପେନୁନିକି ମିରୁ ଟିକଲ୍ କିଅନ୍ ମୁଃଏରି; ଇନାକି କୁଏଞ୍ଜି ଇନ୍ନା ମାଟ୍ଟେନ୍ନେଞ୍ଜି ଏଦାନେଃଏ ରେଗିନେଞ୍ଜି । 8ଏଦାକି ଏମ୍ୱେନାଞ୍ଜି ତା ପାପ କାମାତି ଇଚ୍ଚାଟି ମାଟ୍ଟେନ୍ନେଞ୍ଜି, ଏୱାଞ୍ଜି ପାପ କାମାତାୱାଟି ପ୍ଲିଆନ୍ନି ନାହେଡ୍ ଆଅନ୍ତି ୱେହା ରେଗିନେଞ୍ଜି; ମତ୍ର ଏମ୍ୱେନାଞ୍ଜି ଡିଙ୍ଗା ବାଗାଟି ମାଟ୍ଟେନ୍ନେଞ୍ଜି, ଏୱାଞ୍ଜି ଡିଙ୍ଗାଟି ପ୍ଲିଆନ୍ନି ଟାକ୍କିଡ଼ହ୍ନାତି ପରନ୍ତି ୱେହା ରେଗିନେଞ୍ଜି । 9ମାରୁ ନିଗ୍ଗା କାମା କିଅନ୍ ବାଗାଟି ୱାଃହାକାସୁ; ଇନାକି ୱାଃହାତେସି ସମାନ୍ ତୁକାତାୱା ୱେହା ରେଗିନା । 10ଏଦାକି ଏଚ୍ଚିକିଃଆ ମାରୁ ହାବେତାରିତି ନେହି କୁଲା ବାଗା ସାହାଜ୍ୟ କିଅନ୍ତି ସୁଜଗ ପାଁଣ୍ଡାନ୍ନା, ଗାପ୍ଚି କିଆନ୍ ର କୁଟ୍ଟୁମ୍ ଡେହେଙ୍ଗ୍ ମାଞ୍ଜାଡ଼ି କିନ୍ନି ଦାଲ୍ଲାନିକି ସାହାଜ୍ୟ କିଅନ୍ ଆବସକ ।
ସତର୍କତି କାତା ଅଟେ ଜୁହାରି
11ହୁଡ଼ାଟୁ, ନାନୁ ନା କାଜୁଡ଼ାହି ଇନିସ୍ ବେର୍ ବେର୍ ଅକ୍ୟରଟି ମି ରେଃଏସ୍ ଆକୁ ୱ୍ରିଗାଞ୍ଜା । 12ଏମ୍ୱେନାରି ମିଙ୍ଗେ ସୁନତ ଆଅନ୍ ବାଗା ବାଦ୍ୟ କିଞ୍ଜାନେରି, ଏୱାରି ଦାଲ୍ଲା ନକେସି ସନ୍ମାନ୍ ଅଟେ ନେହି ପାଁନ୍ବନ୍ ବାଗାଟି କିନ୍ନେରି । କ୍ରିସ୍ଟତି କ୍ରୁସ ବାଗା ବିହାନପୁ ପାଃନାକାମୁ ଇଞ୍ଜାନ୍ ଏୱାରି ଇଦା କିନ୍ନେରି । 13ମତ୍ର ଏମ୍ୱେନାରି ମିଙ୍ଗେ ସୁନତ ଆଅନ୍ ବାଗା ୱେସ୍ପିଞ୍ଜାନେରି, ଏୱାରି ହାଜୁ ପାଲ୍ନି ଆଏହେଃଲ୍ଲେରି, ଏୱାରି ମିଙ୍ଗେ ସୁନତ କିୱି କିଅନ୍ ବାଗାଟି ଗାପ୍ଚି ଇଚ୍ଚା କିନ୍ନେରି, ଜଦି ଏୱାରି ଏହେଙ୍ଗିସି କିଅନ୍ ମୁତେସି ଗାପ୍ଚି ଗର୍ବ ଆନେରିମା । 14ମତ୍ର ମା ଦାର୍ମୁ ଜିସୁ କ୍ରିସ୍ଟତି କ୍ରୁସ ପିହାନ୍ ଆଟେ ଇମ୍ୱିନାୱା ନା ଗର୍ବ କିଅନ୍ତାଦି ଦେହା ମାନ୍ନାକାଦି; ଇନାକି ଏୱାଞ୍ଜ୍ତି କ୍ରୁସଟିଆଟି ପୁର୍ତି ନା ବାଗାଟି ହାନ୍ନେ ଅଟେ ନାନୁ ପୁର୍ତି ବାଗା କ୍ରୁସତାୱା ହାମାଃଇ । 15ଇନାକି ସୁନତ କି ଅସୁନତତାୱା ଇନା ଆଃଏ, ମତ୍ର ପୁନେସ୍ ପ୍ଲିଅନ୍ତାଦି ଆଇନେ ବେର୍ରାନାଦି । 16ଆଟେ ଏଚ୍ଚେ ଦାଲ୍ଲା ଇ ହାଜୁ ମାନି ଆନ୍ ତାକେନ୍ନେରି, ଏୱାରିକି ଅଟେ ମୁଲାପେନୁତି ଇସ୍ରାଏଲ ଦାଲ୍ଲା ପରନ୍ତାୱା ଲତୁ ଅଟେ ପାପୁଅଲ୍ପନ୍ ପାଁନାକାରି । 17ନିଞ୍ଜୁତାୱାଟି ଏମ୍ୱେ ଆଟେ ନାଙ୍ଗେ କସ୍ଟ ହିଆଦାଃଆକାଦି, ଇନାକି ନାନୁ ନା ଗାଣ୍ଡିଟି ଜିସୁତି ଗାଜାଙ୍ଗ୍ତିଦି ଡେକାମାଃଇ । 18ଏ ଆମ୍ୱେସ୍ଆଙ୍ଗିସ୍କାନାତେରି, ମା ଦାର୍ମୁ ଜିସୁ କ୍ରିସ୍ଟତି ଅନୁଗ୍ରହ ମି ଡିଙ୍ଗାତି ତଡ଼ୁହେଙ୍ଗେଡ଼୍ ଆପାକାଦି । ଆମେନ୍ ।
Currently Selected:
ଗାଲାତିୟ 6: DWK
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
