RUSUMO 6
6
Vakadi:
1Mukadi ove gomuwa unene
kovakadi, muholi zoge kupi ana zi?
Tu tantera nzira ezi ana vyuka
muholi zoge tu ku paparese ko.
Mukadi:
2Muholi zange kuna zi
kosikunino sendi,
omu ayi kuru yitji yobalisemu.
Age kuna kulisira nonzwi dendi
mosikunino, oku ta pongaike
nombya domalyanga.
3Muholi zange gwaamwange,
name gwendi;
age kuna kulisira nonzwi
monombya domalyanga.
Rusumo rwautano
Mugara:
4Muholi zange, ove o muwa
ngwendi Jerusarema,
o muwa unene ngwendi sitata saTiresa,
kutjilisa ngwendi yitata eyi yoyinene.
5Wa ha tara nge meho goge;
taga koko nge.
Nohuki doge kuna kurerauka
ngwendi siunda soyikombo
yina kundandumuka
konondundu daGiliyata.
6Mazego goge mazera ngwendi
siunda sononzwi
ado yipo vana kudikuhwa.
Nadinye dayivali‐yivali;
patupu etjimpe.
7Matama goge kunkoyima
konyima zewiwili lyoge.
8Sigeni hompa a kare novambanda
nomurongo ntano‐nazimwe,
yihora nomurongo ntano‐nantatu,
ano vakadona wokudira kuvhura kuvarura!
9Nye ame gumwe tupu na hara,
age muwa ngwendi nkutji.
Age ahuru mezimo lyozina
muna gomukadi, ntumbu kozina.
Vakadi navenye kumutara
tava mu hamberere;
vambanda noyihora
kumudimbira yehamberero.
10Yilye ogu ana kutaura
ngwendi nongura?
Age muwa age muzera,
kunkoyima ngwendi ezuva nokwedi.
11Ame kwa kunkumukire mosikunino
senyango ni ka tare yimenogona momuramba,
ni ka tare yihakogona yoyindjembere
nonombya doyitji yopomegaranate.
12Kuna kukankama; ono pe nge
edowo lyeharo
moomu a dovaukire musingi
gokarukara koyita yita.
Vakadi:
13Dana, dana, mukadona gwaSuramu.
Siga tu ku tare omu ono kudana.
Mukadi:
Yinke eyi muna harere kutara nge
ame kuna kudana pokatji
konomutete dovatali?
Currently Selected:
RUSUMO 6: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
